Hirimyas 2:31 - Hanunuu

³¹ “Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Hirimyas 2:31 Iomraidhean Croise

1 Hari 11:22

Nagpaingana ti hari, “Hayga? Unu waya lugud ti kurang sa kanmu sitay ag gustu waya nimu muli tag sa kanyu?” Sinmagut si Hadad, “Unman duy; basta payagi lang aku makauli.”

2 Krunika 31:10

Sinmagut si Asariyas, ti pangulu manughandug ginan sa linahi ni Saduk, “Ginan sa nag-umpisa magdara ti manga tawu kanda manga handug sa Balay Diyus Panginuun nagkaimaw kami kang-ud pag karan-unun ag mayamu waya ti nagsubra, dahil pinapaladan Panginuun kay manga nasakupan.”

Hub 21:14

Dapat magkun sida sa Diyus, ‘Pabay-ani lang kami! Balaw kami magkaibug maalaman kanmu manga palakaw.

Kanta 10:4

Dahil sa kayabangan manga daut pag tawu, unman sida magdangup sa kanmu. Unman gid sida mag-isip tungkul sa kanmu.

Kanta 12:4

Magkun sida, “Sa panab-anan nimi manga baragawun manalu kami. Pagustu kami una hintay kanmi bagawun, unman may makaampara sa kanmi.”

Kabagawan 30:9

Dahil nu yumaman aku, barang itanggi niku kawu, ag sabihun niku, “Si unu lugud ti Panginuun?” Ag nu pugri aku, barang manakaw aku ag mapakay-a niku kawu.

Isayas 45:19

Balaw aku nagbagaw sa lipudan, sa unman may nakaalam. Balaw niku sinabi sa manga linahi ni Hakub kuntay pagpakarani sida sa kangku, unman diman waydi sida may matanggap sa kangku. Aku, ti Panginuun, magbagaw tutuuhanan. Pagsabihun niku nu hintay ti tama.”

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 2:25

“Manga Israilita, nabuslut yi kanyu manga lapak ag namara yi kanyu tululnan sa pagsunud niyu sa tuhay pag manga diyus. Dapat pagsabihun niyu, ‘Balaw nimi mahimu dayuun ti tuhay pag manga diyus. Pagmahalun nimi sida ag sumunud kami sa kanda.’

Hirimyas 5:5

Nakan atagun niku duy ti manga takinan nida bag-u hampangun sida. Pihu maintindihan nida ti palakaw pag ipabuwat Panginuun nida Diyus.” Dapat nagbugya diman duy sida magsunud sa manga pag-ipabuwat Diyus.

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Isikil 14:5

Buwatun niku inda hampay bumalik sa kangku ti tanan Israilita nagpakarayu sa kangku dahil sa kanda manga diyus-diyusan.

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Amus 1:1

Inda ti tultulanun ni Amus taga Tikwa, ti manug-alaga manga karanidu. Inda pag tultulanun tungkul sa Israil. Ipinadangat inda Diyus sa kanya duwa ka timpu bag-u di nangyari ti linug, katpung panahun si Usyas ti hari sa Huda ag si Hirubuam kay anak ni Huas ti hari Israil.

Mikas 6:9

Patingihi niyu ti pagsabihun Panginuun sa banwa Hirusalim, dahil ti maggalang sa kanya imaw ti may tutuu pag kadunungan. “Kamu pag manga nibilang sa lahi ni Huda, pagtiripnan kamu sa banwa Hirusalim ag pagpatingi.

1 Kurintu 4:8

Kamu maaw manga busug yi, kamu manga mayaman yi. Madi kami balaw hari kamu ga manga hari yi. Gustu mana niku kamu maghari ngani hampay kita minsan yi sa maghari.

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Diyuturunumiyu 32:15

Nagmaalwan ti manga Israilita dapat naglaban sida. Nagtabul sida ag nagbisug, dapat pinatlikudan nida ti Diyus, ti naglalang sa kanda, ag binugyahan nida ti palalan-iban nida pag batu imaw ti kanda Manugribri.

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.