Hirimyas 2:28 - Hanunuu

²⁸ Hayga? Naan yi ti manga diyus binuwat niyu para sa kanyu sadili? Tawagun niyu sida nu kaya nida kamu iribri sa kakurian niyu. Pagkayamu kanyu manga diyus, parihu kay kayamu sa manga banwa sa Huda.

Hirimyas 2:28 Iomraidhean Croise

2 Hari 3:13

Magkun si Ilisyu sa hari Israil, “Hintay kang labut sa kanmu? Pag-ati kawu sa manga purupita nimu ama hanggan nimu ina!” Nagbagaw ti hari Israil, “Dayu! Dahil ti Panginuun imaw ti nagdara sa kanmi tulu sitay hampay ipakaun lang sa kamang hari Muab.”

Isayas 45:20

Magkun waya ti Panginuun, “Pagtipun kamu tanan pagpakarani sa kangku, kamu ti manga naglayas ginan sa manga nasyun. Unman gid may alam ti manga magdara manga diyus-diyusan kayu. Magdarangin sida sa tunda pag manga diyus-diyusan, balaw diman waydi makaribri sa kanda.

Isayas 46:2

Maigyaan sida, balaw nida kaya iribri ti may dara sa kanda, nakan hanggan sida nabihag.

Isayas 46:7

Pagpas-anun nida inda pag-ipauli sa kay palaulian ag ati lang dahil balaw waydi inda makakimut. Nu may mandarangin sa kanya, balaw diman siya makasagut hanggan makaawat sa udas kakurian.

Isayas 57:13

Dayu gid ungud makaawat sa kanyu ti manga diyus-diyusan niyu nu manhagad kamu awat sa kanda. Sida tanan pulidun durus; mipayag sida sa usa lang ka huyup. Dapat ti manga magsarig sa kangku mangulian sa daga ag mansamba sa kang banal pag bantud.

Hirimyas 1:16

Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 11:12

Nakan manhagad yi lang sida awat sa manga diyus-diyusan kanda pagsagdahan kamangyan, dapat unman diman sida maawatan tunda pag manga diyus-diyusan nu rumas-ug yi ti parusa.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 30:7

Masyadu gid madala nu rumas-ug yi tida pag sirang, unman gid inda may kaparihu. Udas kakurian manga lahi ni Hakub, dapat maribri sida sa uryan baliwa ginan sa tida pag kahamtangan.

Hirimyas 37:19

Naan yi ti manga purupita niyu naghula balaw girahun hari Babilunya inda pag banwa?

Husyas 10:1

“Ti manga taga Israil parihu sa tanum ubas malangba ag mayamu kay burak. Mintaras mag-abunda sida magyamu diman kanda pag-ipatindug manga harandugan, ag pagparinuun nida ti aramirawan pag manga batu kanda pagsambahun.

Habakuk 2:18

“ ‘Unu kay kabuluhan manga diyus-diyusan? Binwat lang waydi inda tawu ginan sa kayu ngatay sa baul, ag balaw diman makasabi kay tutuu. Hayga lugud pagpaniwalaan gid inda manga tawu nagbuwat tunda? Unman ngani inda makabagaw.

Habakuk 2:19

Kaawaawa kamu pag manga magsabi sa diyus-diyusan kayu ngatay batu, “Pag-ipulaw kawu ag awati kami.” Unman ngani inda makatudlu sa kanyu. Una pinahaklupan inda gintu ag pilak, unman waydi may buhi.

Diyuturunumiyu 32:37

Bag-u mamaingana ti Panginuun sa kay manga nasakupan, “Naan yi kainda kanyu manga diyus, ti palalan-iban niyu pag batu?

Talaghusay 10:14

Hayga balaw kamu maghagad awat sa manga diyus kanyu pinili sambahun? Sida ti paribrihan sa kanyu sa udas magkakurian kamu.”