Hirimyas 2:25 - Hanunuu

²⁵ “Manga Israilita, nabuslut yi kanyu manga lapak ag namara yi kanyu tululnan sa pagsunud niyu sa tuhay pag manga diyus. Dapat pagsabihun niyu, ‘Balaw nimi mahimu dayuun ti tuhay pag manga diyus. Pagmahalun nimi sida ag sumunud kami sa kanda.’

Hirimyas 2:25 Iomraidhean Croise

2 Krunika 28:22

Sa udas kakurian ni Hari Akas, lalu waya siya nagsupakil sa Panginuun.

2 Krunika 28:23

Nagpakaun siya manga handug sa manga diyus manga taga Damasku nagpirdi sa kanya. Dahil magkun siya, “Ti manga hari taga Aram inawatan nida manga diyus. Nakan manhandug diman aku sa inda pag manga diyus hampay awatan diman nida aku.” Dapat imaw inda ti nagpadamhak sa kanya ag sa manga taga Israil.

Isayas 2:6

Ungud duy ipinurya nimu, Panginuun, kanmu manga nasakupan, ti linahi ni Hakub, dahil nagpaniwala sida sa manga turun-anun ginan sa butlakan hanggan sa manga manughula, parihu sa manga Pilistiyu. Pagsundun nida ti ugali manga day-uhan.

Isayas 57:10

Una budlay yi kamu sa kahanap diyus-diyusan, balaw gid kamu magkaduraan pag-asa. Pilit gid niyu pagpabisugun kanyu sadili nakan balaw kamu magpanlumuy.

Hirimyas 13:21

Hintay ti maramdaman nimu nu ti kakampi nimu pag nasyun ti sumakup sa kanmu? Unman aw manrukuan kawu ga usa ka babayi magkaanak yi?

Hirimyas 13:22

Nu paingan-un nimu kanmu sadili nu hayga kawu nipadamhak ga babayi ginitas kay rutay ag ginahus, dahil sa kaadukun nimu kasalanan.

Hirimyas 14:10

Inda ti sagut Panginuun sa manga tawu: “Ungud magkaibug yi gid kamu pumakarayu sa kangku; sadili lang niyu kagustuhan kanyu pagsundun. Nakan balaw yi niku kamu tanggapun bilang kang manga nasakupan. Balaw niku malimtan kanyu manga kadautan ag parusahan niku kamu.”

Hirimyas 18:12

Dapat sumagut ti manga tawu, ‘Balaw mahimu! Iparargu diman nimi kanmi gustu; sundun nimi ti daut ag kaganitan nimi tagipusuun.’ ”

Hirimyas 2:31

“Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Hirimyas 22:20

Manga taga Huda, paglumi kamu dahil udyi kamu may manugbaliwa manga nasyun. Hanapun niyu sida sa Libanun. Tawagan niyu sida sa Basan ag Abarim.

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Karukuan 1:2

Parihu siya sa babayi magpakalumi buu yabi; kay manga luwa magbulus sa kay uyahun. Unman gid una di usa sa kay manga aguman lalaki ti nagpasulung sa kanya. Dinaya siya niya tanan kakilala ag nagbaliw kalaban niya sida.

Karukuan 4:4

Dahil sa uwaw ti dila nida manga lapsag maghuput sa kanda manga ngarus. Maghagad ti manga anak karan-unun, dapat unman gid may magpakaun sa kanda.

Isikil 20:32

“ ‘Balaw gid mangyari kanyu pag-isipun nasakupan bumaliw parihu sa iba manga nasyun kanda nasakupan magsamba sa manga diyus-diyusan buwat sa batu ag kayu.

Husyas 2:3

Dahil nu balaw siya umapas ubahan niku siya ag bumaliw uba siya parihu sa kay pagkalusad. Buwatun niku siya ga pangawakawaan ngatay ga tigangan pag daga, ag mamatay siya sa uwaw.

Malakyas 3:14

Magkun kamu, ‘Unman may kabuluhan ti magsirbi sa Diyus. Unu lugud kanta matanggap nu tupadun nita kay manga pag-ipabuwat sa kanta? Ag unu kanta matanggap nu manlakaw kita may karukuan sa pagpakakit sa Panginuun Makamaskihan kuntay mag-ampu kita sa kanta manga kasalanan?

Lukas 15:22

Dapat magkun kay ama sa kay manga panawuhun, ‘Dali! Bul-a ati pag rutay ti mayad gid sa tanan, kanyu ipasulung sa kanya bag-u paulii singsing kay ituturu hanggan manga lapak sa kay lulud.

Lukas 16:24

Nagtawag siya magkun, ‘Amang Abraham, kaawai yi aku, sugua nimu si Lasaru hampay itulsuk kay suru ituturu sa danum isubu sa kang dila agud rumamig, dahil aku magkakuri sitay sa karaw-an apuy.’

Ruma 8:24

Ribri yi kita, dapat pag-alagdun waya nita ti lubus pag karibrihan. Ti pag-asa balaw yi masabi pag-asa nu mag-akitan yi ti pag-asahan. Dahil si unu ti umasa waya nu nakitan yi.

Diyuturunumiyu 28:48

ipabahala niya kamu sa ipinadara niya pag manga kalaban sa kanyu ag sumirbi kamu sa kanda. Lun-usun kamu, uwawun, kurangun sa rutay ag matabwan una hintay pag bagay. Pakurianan niya kamu ga binitinan singkaw baul tugka sa magkaramatay kamu.

Diyuturunumiyu 32:16

Pinaimun nida ag ginalit ti Panginuun sa kanda mayagting pag manga diyus.