Hirimyas 2:21 - Hanunuu

²¹ Parihu kamu sa usa ka pinakamayad pag kalasi ubas kang itinanum. Dapat hayga linmuwang kamu lugu ag unman may pulus pag ubas?

Hirimyas 2:21 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Gimpuunan 32:28

Magkun ti tawu, “Kainda ginan balaw yi Hakub kanmu ngaran nu unman Israil yi dahil nandumug kawu sa Diyus hanggan sa manga tawu, ag kawu nanalu.”

Kanta 44:2

Pinaighit nimu ti manga tawu balaw magsunud sa kanmu ag kanmi manga ginurang imaw ti ipinatahan nimu sa kanda manga rugar. Pinakurianan nimu tunda pag manga tawu dapat pinaabunda nimu kanmi manga ginurang.

Kanta 80:8

Kami kanmu nasakupan parihu sa puun ubas bin-ul nimu sa Ihiptu bag-u itinanum sa daga kay manga mag-ulian siyun pinaighit nimu.

Kanta 80:9

Rinayawan nimu inda pag daga, bag-u nanggamut mayad ti ubas ag nanlugapgap inda sa buu daga.

Pag-ighit 15:17

Daran-un nimu kanmu nasakupan sa kanmu daga, bag-u ipatahan nimu sida sa magkaapu nimu pag bantud — ti binwat nimu ulian pag rugar, Panginuun, ti Balay Diyus kawu gid ngap ti nagbuwat.

Isayas 1:21

Bantayi niyu ti banwa Hirusalim. Matinupadun inda kaybi, dapat taynguna ga babayi baraydan. Kaybi manga tawu matadlung ti mag-uli sitay, dapat taynguna manga manugmatay-tawu.

Isayas 27:2

Sa ati pag sirang, manganta kamu tungkul sa ubasan magtubas abunda, histuda niku banwa.

Isayas 41:8

“Dapat kawu, Israil, kang manugsirbi ag pinili ginan sa linahi ni Hakub, ag ginan sa linahi ni Abraham kang ampud,

Isayas 5:4

Hintay waya kang nalimtan buwatun para sa kang ubasan? Matagsing pag burak ti pagsarigan niku, dapat pagka pinuti niku maaslum inda.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Hirimyas 11:16

Kaybi sa un-an ipinaparihu sida Panginuun sa usa ka malangba pag puun ulibu mayamu kay burak. Dapat sa bigla lang paglawuy maglabdaban apuy, mawayak sida ga tinutdan manga sanga udyi may makinabangan.

Hirimyas 11:17

Ti Panginuun Makamaskihan ti nagpatindug sa Huda hanggan sa Israil, dapat ay taynguna pag-isugu niya wasakun inda, dahil daut ti pagbuwatun nida. Ginalit nida ti Panginuun sa panab-anan pagsagda kamangyan sa kan Baal.

Hirimyas 5:10

“Kamu pag manga kalaban taga Israil, dauta niyu ti manga ubasan nida, dapat danga waydi pag dauta lubus. Tabasa niyu kay manga sanga, dahil inda pag manga tawu balaw yi kangku.

Karukuan 4:1

Ti manga nasakupan Hirusalim parihu sa lunsay gintu magpud-as ngatay sa mahalaga manga batu nagkarawayak sa manga karsada. Parihu sida kaybi sa mahalaga pag gintu, dapat kainda pagbaliwun sida ga manga anglit binuwat lang manug-anglit.

Isikil 15:2

“Anak tawu, mas mayad aw lugud ti sanga ubas kaysa sanga iba pag manga kayu?

Matiyu 21:33

Magkun si Hisus, “Patingihi niyu inda may usa waya ka pahalimbawa. May usa ka may puun balay, nagtanum ubas, inaladan niya bag-u nagbuwat siya pirigsan ubas. Nagpatindug waya siya usa ka balay abwat hampay bantayan kay ubasan. Bag-u iinintirga niya ti ubasan sa kay manga manugtarabahu bag-u napaiba siya rugar.

Markus 12:1

Nagbagaw maan si Hisus sa kanda sa pahalimbawa magkun, “May tawu nagtanum ubas sa kay ubasan. Inaladan niya bag-u nagbuwat siya pirigsan ubas. Nagpatindug siya usa ka balay abwat hampay bantayan kay ubasan. Bag-u pinaupahan niya kay ubasan sa kay manga manugtarabahu. Bag-u siya linmakaw tag sa iba rugar.

Lukas 20:9

Bag-u itinultul ni Hisus inda pag pahalimbawa sa manga tawu magkun, “May tawu nagtanum ubas sa kay ubasan bag-u iinintirga niya sa manga manugtarabahu bag-u napaiba rugar, nadugay ati.

Huwan 15:1

Bag-u sinabi ni Hisus magkun, “Aku ti tutuu pag puun ubas. Kang Ama tig-alaga.

Diyuturunumiyu 32:32

Kanta manga kalaban, parihu kay ka daut sa manga mag-uli sa Suduma ag Gumura, parihu sa ubas mapait ag makahililu kay burak.

Diyuturunumiyu 4:37

Ag dahil sa pagmahalun niya kanyu manga ginurang, pinili niya kamu ag ipinalwas ginan sa Ihiptu sa panab-anan niya kadayawan ag kamaskihan.

Huswi 24:31

Nagsirbi sa Panginuun ti manga Israilita katpung sa udas ni Huswi. Ag una namatay yi si Huswi, parargu di gid sida sa pagsirbi sa Panginuun habang buhi waya ti manga manugpamahala manga Israilita nakalakaw tanan binwat Panginuun para sa Israil.