Hirimyas 2:20 - Hanunuu

²⁰ “Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 2:20 Iomraidhean Croise

1 Hari 12:32

Nagpaumpisa diman siya pista pag-idaus kada 15 pag sirang sa ikawalu pag bulan, parihu sa pista sa Huda. Sa tunda pag sirang, nanhandug siya manga handug sa harandugan para sa manga gintu baka kay ipinabwat ati sa Bitil. Ag ati siya pag nagpili manga manughandug hampay itigana niya sumirbi sa manga simbahan sa abwat pag rugar kay ipinabwat.

1 Hari 14:23

Nagbuwat diman sida manga simbahan sa abwat pag manga rugar hanggan aramirawan pag manga batu. Nagpatindug sida manga tulduk tanda diyusa si Asira sa kada babaw tagudtud ag sa kada sirung maraybung pag puun kayu.

Kanta 107:14

Pinuklut niya kanda manga tarikada ag bin-ul niya sida sa madlum gid pag pirisuhan.

Kanta 2:3

Magkumun sida, “Danga kita magpasakup ngatay magpasirung sa kanda.”

Kanta 78:58

Pinaimun ag pinaisug nida ti Diyus dahil sa kanda manga diyus-diyusan sa manga simbahan sa abwat pag manga rugar.

Pag-ighit 19:8

Ag durungan sinmagut ti tanan tawu, “Sundun nimi ti tanan pagsabihun Panginuun.” Bag-u sinabi ni Muysis sa Panginuun ti sagut manga tawu.

Pag-ighit 24:3

Pagka itinultul ni Muysis sa manga tawu ti tanan itinudlu ag isinugu Panginuun, durunganan sida sinmagut, “Sundun nimi ti tanan sinabi Panginuun.”

Pag-ighit 3:8

Nakan dinmugsun aku hampay iribri sida ginan sa kamang manga Ihipsiyu, ag hampay daran-un sida sa marinu, maluang ag abunda pag daga sa pag-ulian manga Kananiyu, Hitiyu, Amuriyu, Pirisiyu, Hibiyu ag manga Hibusiyu.

Isayas 1:21

Bantayi niyu ti banwa Hirusalim. Matinupadun inda kaybi, dapat taynguna ga babayi baraydan. Kaybi manga tawu matadlung ti mag-uli sitay, dapat taynguna manga manugmatay-tawu.

Isayas 10:27

Sa ati katpung pag sirang, palpasan niku kamu ginan sa kapangyarihan Asirya. Ga bin-ul kanyu pas-an mabuyat ginan sa kanyu labay hanggan ti singkaw magpabuyat sa kanyu liug. Makalpas kamu ginan sa kanda kapangyarihan dahil bumaliw matabul kamu.”

Isayas 14:25

Rurisun niku ti manga taga Asirya sa daga Israil. Runutun niku sida sa manga kabantudan niku. Balaw yi nida mahimu panawuhun ti manga nasakupan niku.

Isayas 9:4

Dahil palpasan nimu sida sa manga nangapi sa kanda. Miparihu sida sa manga hayup kanmu binari kay pas-an pas-an singkaw hanggan ti pag-ibakul sa kanda pag pamakul. Buwatun duy nimu sa kanda ti binwat nimu kaybi pagka tinalu nimu ti Midyan.

Hirimyas 13:27

Nakitan niku kanyu manga binwat mayagting magsamba sa manga diyus-diyusan sa kabantudan hanggan sa karatagan. Parihu kamu sa babayi baraydan subra yi sa pangaibug, ngatay ga manga magpanguragin. Kaawaawa kamu, manga taga Hirusalim! Tugka kapira kamu mamirmaminti sa mayagting?”

Hirimyas 17:2

Una kanyu manga anak magsamba sa manga harandugan niyu hanggan sa manga tulduk tanda diyusa si Asira sa sirung maraybung pag puun kayu ag sa manga babaw tagudtud.

Hirimyas 2:31

“Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 30:8

Aku, ti Panginuun Makamaskihan, magsabi sa tida pag udas, balaw yi sida buwatun panawuhun manga taga iba nasyun. Bariun yi niku ti singkaw sa kanda manga liug ag lubadun yi niku kanda manga tarikada.

Hirimyas 5:5

Nakan atagun niku duy ti manga takinan nida bag-u hampangun sida. Pihu maintindihan nida ti palakaw pag ipabuwat Panginuun nida Diyus.” Dapat nagbugya diman duy sida magsunud sa manga pag-ipabuwat Diyus.

Isikil 16:28

“ ‘Nagpakiusa diman kawu sa manga taga Asirya, dahil unman waya gid kawu magkasulung. Pagkatapus, unman waya gid kawu masulung.

Isikil 16:31

Nagpatindug kawu manga simbahan para sa kanmu manga diyus-diyusan, sa manga pagsalakan manga dalan ag sa manga buruybuyahan. Mas subra waya kawu daut kaysa manga babayi magpabili kanda bilug dahil unman kawu magpabayad sa pag-ulid sa kanmu.

Isikil 16:41

Sunugun nida kanmu manga balay ag parusahan nida kawu sa atubangan mayamu manga babayi. Amparahun niku kanmu kahalayan pagpanguragin ag kanmu magbayad sa kanmu manga katagbu.

Isikil 20:28

Dahil katpung dinara niku sida sa daga kang itinaratu ipakaun sa kanda, naghandug sida manga handug, manga kamangyan, ag manga irinmun sa abwat pag manga rugar ag sa maraybung pag manga kayu kanda makitan. Nakan nagalit gid aku sa kanda.

Isikil 23:5

“Una kang yi asawa si Uhula, magparargu di gid siya sa pagpabili kay bilug, ag maglagas gid siya sa kay manga katagbu manga taga Asirya arani sa kanya.

Husyas 1:2

Inda ti ka bag-u sinabi Panginuun sa kan Husyas: “Pag-asawa kawu babayi magpanguragin, ag kanyu manga anak kilalan-un anak babayi uragin. Dahil inda ti mustara magpanguragin niku nasakupan sa panab-anan nida pagpatlikud sa Panginuun hanggan pagsamba sa manga diyus-diyusan.”

Husyas 3:3

Ag sinabihan niku siya, “Pagpaminsan kawu sa kangku kadugay. Danga gid kawu mag-ulid sa iba ka lalaki. Una aku hanggan balaw dap mangulid sa kanmu.”

Husyas 4:13

Magsagda kamu ag magtuub manga kamangyan sa katayungtungan manga bantud hanggan tagudtud, ag sa manga sirung arabwat, sa maraybung pag manga kayu dahil mayad parasirngan. Nakan kanyu manga anak daraga mag-ulid sa manga lalaki ag kanyu manga umagad babayi magpanguragin.

Husyas 9:1

Magkun si Husyas, “Kamu pag manga taga Israil, apasi yi niyu kanyu kasayahan parihu sa pagbuwatun iba manga nasyun. Dahil magsamba kamu sa manga diyus-diyusan ag magpakarayu sa kanyu Diyus. Una naan pag giriukan maghandaan kamu kanyu manga ani pag-isipun niyu bayad manga diyus-diyusan dahil sa kanyu pagsamba sa kanda.

Libitiku 26:13

Aku ti Panginuun kanyu Diyus, ti nagpalwas sa kanyu gin sa Ihiptu hampay balaw yi kamu bumaliw manga suruguun manga taga Ihiptu. Pinalpasan yi niku kamu, nakan balaw yi kamu may dapat ikay-a waya.

Nahum 1:13

Nakan taynguna palpasan niku kamu ginan sa kapangyarihan manga taga Asirya.”

Diyuturunumiyu 12:2

Nu tabugun yi niyu ti manga mag-ulian ati pag manga tawu, pandauta niyu ti tanan rugar sarambahan nida sa kanda manga diyus-diyusan: sa manga babaw bantud hanggan sa manga tagudtud, ag sa sirung maraybung pag manga kayu.

Diyuturunumiyu 15:15

Isipun niyu manga panawuhun diman kamu kaybi sa Ihiptu ag pinalpasan diman kamu Panginuun niyu Diyus. Imaw inda ti pag ipakaun niku pag sugu sa kanyu kainda.

Diyuturunumiyu 26:17

Itinultul niyu taynguna ti Panginuun kanyu yi ngani Diyus ag mangabuhi kamu angay sa kay manga palakaw, ag tupadun niyu kay manga sugu hanggan surundanun, ag sundun niyu siya.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

Diyuturunumiyu 4:34

May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Diyuturunumiyu 5:27

Kawu yi lang ti pagpakarani sa Panginuun nita Diyus, ag patingihi ti tanan pagsabihun niya. Bag-u itultul lang nimu sa kanmi ti tanan pagsabihun niya, dahil patingihan diman nimi inda ag sundun.’

Huswi 1:16

Sinmagut sida sa kan Huswi, “Tupadun nimi ti tanan nimu pag-isugu sa kanmi una naan tabug pag suguun nimu kami.

Huswi 24:24

Sinmagut ti manga tawu, “Sirbihan nimi ti Panginuun nimi Diyus, ag sundun kay manga sugu.”

Huswi 24:26

Isinurat inda ni Huswi sa Ribru Kasuguan Diyus. Bag-u nagbuul siya daka pag batu ag ipinatindug sa puun kayu insina arani sa banal pag rugar Panginuun.

Ipinakakit 17:1

Bag-u sa pitu ka anghil may dara pinggan malukung, ti usa nagpakarani sa kangku kay sinabi magkun, “Abala duy, ipakakit niku sa kanmu nu kabitay sintinsiyahan sa parusa ti bantug pag babayi uragin imaw yi ti pagkumnun banwa Babilunya nakasakup sa mayamu pag sapa.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.

Talaghusay 2:11

Nagbuwat kadautan ti manga Israilita sa magbantay Panginuun ag nagsamba sa manga tawu-tawu Baal.

Talaghusay 2:13

dahil binugyahan nida siya ag nagsirbi sa kan Baal ag kan Astarut.

1 Samwil 12:10

Bag-u nagdangup maan sida sa Panginuun magkun, ‘Kami duy nagkasala dahil pinatlikudan nimi kawu, ti Panginuun. Nagsamba kami sa kanda ni Baal hanggan ni Astarut. Dapat taynguna ribrihan nimu kami sa kamang nimi manga kalaban, bag-u sumunud kami sa kanmu.’