Hirimyas 2:19 - Hanunuu

¹⁹ Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 2:19 Iomraidhean Croise

1 Hari 18:18

Sinmagut si Ilyas, “Balaw aku ti magpan-gulu sa Israil, nu unman kawu hanggan ti magtal-anakan nimu ama. Dahil dinayu niyu ti manga sugu Panginuun ag sinamba niyu ti manga histuda diyus-diyusan Baal.

2 Krunika 12:5

Pagkatapus, nag-atag si Purupita Simaya sa kan Rihubuam ag sa manga takinan sa Huda nalagiw sa Hirusalim dahil sa dala sakan Sisak. Magkun si Simaya sa kanda, “Inda ti pagsabihun Panginuun: Dinayu niyu aku, nakan kainda pabay-anan niku kamu sa kan Sisak.”

2 Krunika 21:10

Taynguna tugka maglaban waya ti Idum sa Huda. Sa ati diman pag panahun, naglaban diman ti Libna sa Huda, dahil dinayu ni Hihuram ti Panginuun, ti Diyus niya manga ginurang.

2 Krunika 25:16

Habang magbagaw ti purupita, sinmagut ti hari, “Hayga pagpaanyuan nimu aku? Binwat aw kawu niku tagapaanyu? Paghim-ung kawu, dahil nu unman, ipamatay niku kawu.” Nakan naghim-ung ti purupita makalawuy niya sabihun: “Pihu rurisun kawu Diyus dahil sinamba nimu ti manga diyus-diyusan ag unman kawu namatingi sa kangku.”

Kanta 36:1

Inda pag tultulanun paghamnuun niku sa kang tagipusuun tungkul sa pagkamakasalanan daut pag tawu: Ti daut pag tawu balaw magkadala sa Diyus.

Pag-ighit 33:6

linukas ngani nida kanda manga kulintas ati sa bantud Hurib.

Kabagawan 1:31

Nakan anihun niyu ti burak niyu manga pagbuwatun hanggan paggayakun daut.

Kabagawan 1:32

Dahil ti malinabagun manga unman may alam imaw ti makamatay sa kanda, ag ti patawhay-tawhay manga unman may buut makapadamhak sa kanda.

Kabagawan 5:22

Ti buruwatun daut pag tawu imaw diman waydi ti sumuduk mismu kay sadili.

Isayas 3:9

Magkahalata sa manga uyahun nida kanda magsalan. Lantadan sida magbuwat kasalanan parihu sa Suduma. Balaw nida inda pag-itagu. Kaawaawa sida! Sida ngapu ti magpadamhak sa sadili nida.

Isayas 5:5

“Sabihun niku sa kanyu ti buwatun niku sa kang ubasan. Bul-un niku ti manga halaman sa kay sangput magsirbi alad sa ubasan ag dautun niku kay alad batu hampay kan-un ag tatatataan manga hayup ti manga tanum ubas.

Isayas 50:1

Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Hirimyas 1:16

Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 13:22

Nu paingan-un nimu kanmu sadili nu hayga kawu nipadamhak ga babayi ginitas kay rutay ag ginahus, dahil sa kaadukun nimu kasalanan.

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 4:18

Ti pag-ugaliun ag daut buwat niyu ti nagdara inda pagparusa sa kanyu. Inda ti kaparusahan niyu. Masakit inda! Ag lumapus sa kanyu tagipusuun.”

Hirimyas 5:22

Aku, ti Panginuun magsabi: Unman aw kamu may dala sa kangku? Hayga unman kamu pagtakigan sa atubangan niku? Aku ti nagbuwat baras sa baybay dagat hampay bumaliw katugkaan dagat. Inda kay katugkaan balaw malapawan. Paghampakun manga humbak dapat unman nida masagpawan.

Hirimyas 5:24

Unman sida magbagaw ginan sa tagipusuun kuntay, ‘Dayawun nita ti Panginuun nita Diyus, ti mag-ayaw uran sa kanta sa pangudasun ag mag-ayaw patubas sa kanta sa udas tig-arani.’

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 7:19

Dapat aku aw ngani ti kanda pagsaktan? Bukun! Kanda di waydi sadili ti pagsaktan ag ti pag-ipauli sa makakaray-a.”

Hirimyas 8:5

Dapat kamu pag manga taga Hirusalim, hayga parargu kamu magpakarayu sa kangku? Hayga dayu tayakan niyu ti manga diyus-diyusan magpaumang sa kanyu ag pagbalik sa kangku?

Isikil 23:30

Imaw inda ti nagdara sa kanmu sa kadamhakan, dahil nag-ulid kawu sa manga taga iba pag manga nasyun ag inuringan nimu kanmu sadili sa pagsamba sa kanda manga diyus-diyusan.

Isikil 39:24

Binwat lang niku sa kanda ti angay sa kanda binwat balaw mayad ag daut. Pinabay-anan gid niku sida.”

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Husyas 13:9

Rurisun niku kamu pag manga taga Israil, dahil pagkalabanun niyu aku kanyu manug-awat.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 4:16

Maganit kay ulu ti manga taga Israil, parihu sa dumaraga baka. Nakan kabitay niku sida maalagaan parihu sa manga karanidu sa karatagan?

Husyas 5:5

Kanyu marapadayaw-dayaw magpatutuu kuntay dapat kamu parusahan. Ag dahil sa kanyu manga kasalanan midamhak kamu pag manga taga Israil kaibahan ti manga taga Huda.

Husyas 7:2

Unman nida pag-isipun magkaala-ala niku kanda tanan kadautan. Taynguna tugka masaudan di sida sa kanda manga kasalanan ag mag-akitan niku inda tanan.

Husyas 9:1

Magkun si Husyas, “Kamu pag manga taga Israil, apasi yi niyu kanyu kasayahan parihu sa pagbuwatun iba manga nasyun. Dahil magsamba kamu sa manga diyus-diyusan ag magpakarayu sa kanyu Diyus. Una naan pag giriukan maghandaan kamu kanyu manga ani pag-isipun niyu bayad manga diyus-diyusan dahil sa kanyu pagsamba sa kanda.

Amus 8:10

Buwatun niku lulumian kanyu kabayaan sa pista, ag kanyu magkarantahan buwatun niku hirinangbitun. Parutayan niku kamu saku ag suguun pagpakalbu sa pagpakakit kanyu karukuan, parihu sa manga gurang maglumi sa pagkamatay nida bugtung pag anak. Dapat mas mahigpit waya gid ti uryan pag parusa.”

Mikas 1:5

Mangyari inda tanan dahil sa manga kasalanan nasakupan Israil ag Huda. Ti manga taga Samarya imaw ti nagpaturun sa iba pag nasakupan Israil hampay magkasala. Ag ti manga taga Hirusalim imaw ti nagpaturun sa iba pag manga nasakupan Huda hampay sumamba sa manga diyus-diyusan.

Sakaryas 7:11

“Dapat unman gid nida pinahalgaan kang sinabi. Binugyahan nida inda ag unman nida pinatingihan.

Ruma 3:18

Unman nida pagpakan-an rugar sa kanda tagipusuun ti magkadala sa Diyus.”

Talaghusay 10:13

Dapat nagpatlikud kamu sa kangku ag nagsamba sa tuhay pag manga diyus. Nakan taynguna balaw yi niku kamu iribri.