Hirimyas 2:17 - Hanunuu

¹⁷ “Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 2:17 Iomraidhean Croise

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

2 Krunika 15:2

Napasampak siya kan Asa ag magkun, “Patingihi niyu aku Hari Asa, hanggan kamu tanan pag taga Huda ag taga Binhamin. Pumirmaminti ti Panginuun sa kanyu habang pirmaminti kamu sa kanya. Nu mandangup kamu sa kanya, awatan niya kamu. Dapat nu patlikudan niyu siya, patlikudan waydi niya kamu.

Hub 34:27

Pagbuwatun niya inda dahil nag-apas sida sa pagsunud sa kanya, ag unman nida pagsundun kay manga palakaw.

Hub 4:8

Angay sa kang nakitan ag naalaman, ti tawu magbuwat daut ag kaguluhan, katida diman kay patabgan.

Kanta 107:7

Giniyahan niya sida sa dalan diritsu sa banwa may mag-uli manga tawu.

Kanta 136:16

Inibahan niya kay nasakupan sa pangawakawaan. Kay pagmahal unman may katapusan.

Kanta 77:20

Sa panab-anan ni Muysis ag ni Aarun giniyahan nimu kanmu nasakupan parihu sa manga karanidu.

Kabagawan 15:10

Ti pagtadlung sa ugali pag-ikadaut tawu balaw magkaibug sa tama pag dalan. Ti magbugya sa paalaala mamatay.

Isayas 1:4

Sida nasyun makasalanan, manga tawu punu kadautan, linahi manga manugbuwat daut ag magpandaut. Dinayu nida ag pinuyaan ti Panginuun, ti Banal pag Diyus Israil, ag pinatlikudan nida siya.

Isayas 59:13

Naglaban kita ag naglabag sa Panginuun. Binugyahan nita kanta Diyus. Pag-apihun nita ag paglugihun kanta kaparihu. Pagpinsaran nita mayad nu kabitay kita makabagaw kapudilan.

Hirimyas 13:22

Nu paingan-un nimu kanmu sadili nu hayga kawu nipadamhak ga babayi ginitas kay rutay ag ginahus, dahil sa kaadukun nimu kasalanan.

Hirimyas 19:4

Buwatun niku inda, dahil dinayu aku niku nasakupan. Inda pag luung binwat nida harandugan manga handug pagsunugun para sa iba manga diyus. Inda pag manga diyus balaw nida magkakilala, unman diman kilala nida manga ginurang, ngatay nida manga hari sa Huda. Magmatay waya sida siyun pag rugar manga ud may namuangan.

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 4:18

Ti pag-ugaliun ag daut buwat niyu ti nagdara inda pagparusa sa kanyu. Inda ti kaparusahan niyu. Masakit inda! Ag lumapus sa kanyu tagipusuun.”

Hirimyas 44:3

dahil sa kadautan binwat manga nasakupan nida. Ginalit nida aku sa pagsunug nida manga kamangyan ag pagsamba sa manga diyus-diyusan balaw nida kilala ngatay nida manga kaumputan.

Hirimyas 5:25

Kanyu kadautan ti nagpakarayu tida pag manga bagay sa kanyu. Kanyu manga kasalanan ti mag-ampara sa pagtanggap niyu inda pag manga papalad.

Isikil 39:24

Binwat lang niku sa kanda ti angay sa kanda binwat balaw mayad ag daut. Pinabay-anan gid niku sida.”

Husyas 13:9

Rurisun niku kamu pag manga taga Israil, dahil pagkalabanun niyu aku kanyu manug-awat.

Mikas 1:5

Mangyari inda tanan dahil sa manga kasalanan nasakupan Israil ag Huda. Ti manga taga Samarya imaw ti nagpaturun sa iba pag nasakupan Israil hampay magkasala. Ag ti manga taga Hirusalim imaw ti nagpaturun sa iba pag manga nasakupan Huda hampay sumamba sa manga diyus-diyusan.

Bilang 32:23

“Dapat nu balaw katida kanyu buwatun, magkasala kamu sa Panginuun, ag pihu gid bayadan niyu kanyu kasalanan.

Diyuturunumiyu 32:10

Nakitan niya sida sa tigangan daga, sa rugar harus unman may magtubu tanum. Inalagaan niya sida ag binantayan parihu sa pag-alaga tawu sa kay alintawu mata.

Diyuturunumiyu 32:19

Nakitan inda Panginuun, dahil sa kay pangagalit ipinurya niya sida kay manga anak.