Hirimyas 2:15 - Hanunuu

¹⁵ Kay manga kalaban ga manga liyun mag-ngurub sa kanya. Dinaut nida kay daga, inirub kay manga banwa ag balaw yi inda pag-ulian.

Hirimyas 2:15 Iomraidhean Croise

Hub 4:10

Una waya parihu sida sa mabisug ag maisug pag liyun, puilun diman Diyus kanda manga ngipun.

Kanta 57:4

Pagsangputun aku manga kalaban parihu sa manga liyun alistu tumukub. Kanda manga ngipun manga bangkaw hanggan manga ugyung. Kanda manga dila manga matarum pag manga baladaw.

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 24:1

Pagpatingi kamu! Gubaun Panginuun ti kalibutan tugka sa udyi inda makinabangan ag kalatun niya kay manga nasakupan inda.

Isayas 5:29

Sa kanda maggira manringgit sida ga liyun mag-ngurub. Kanda mablay daran-un nida atag sa arayu pag rugar ag unman may makaribri inda sa kanda.

Isayas 5:9

Magkun sa kangku ti Panginuun Makamaskihan, “Tunda pag daraka ag mararinu pag manga balay balaw yi maulian.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Hirimyas 10:22

Patingihi niyu ti matnug pag iringayan manga sundalu magras-ug ginan sa kanaway! Wasakun nida ti manga banwa Huda ag ulianan wadi inda manga talun idu.”

Hirimyas 25:30

“Hirimyas, sabihun nimu sa kanda ti tanan pagsabihun niku, ag sabihun waya nimu, ‘Manringgit ti Panginuun ginan sa langit; mangurarug kay busis ginan sa banal niya pag ulian. Manringgit siya mabaskug sa manga pinili niya. Manringgit diman siya sa tanan mag-uli sa kalibutan ga tawu magringgit habang magpigis siya ubas.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 26:9

Hayga kanmu pagsabihun sa ngaran Panginuun kuntay inda pag Balay Diyus dautun parihu sa Silu, ag inda pag banwa bumaliw mapung-aw udyi may mangulian?” Nakan dinakup nida si Hirimyas sa Balay Diyus Panginuun.

Hirimyas 33:10

Magkun waya ti Panginuun, “Pagsabihun niyu kuntay mapung-aw ag unman may manga tawu ag manga hayup ti Huda ag Hirusalim. Dapat rumas-ug ti sirang madnugan maan sa inda pag manga rugar ti manga kabayaan ag kasulunggan.

Hirimyas 34:22

suguun niku sida giraha maan kamu, sakupun ag sunugun. Buwatun niku mapung-aw ti manga banwa sa Huda ag udyi may mangulianan siyun. Aku, ti Panginuun, ti magsabi inda.”

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 44:22

Pagka balaw yi mabata Panginuun ti manga kadautan ag mayagting niyu buwat, winayak niya kanyu daga ag nagbaliw saraadan ag maruku dahil udyi may mag-uli, parihu sa nangyari taynguna.

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 51:38

Ti manga taga Babilunya man-ngurub ga manga liyun.

Hirimyas 6:8

Manga taga Hirusalim, pasandam inda sa kanyu nu dayu waya kamu mamatingi, pakarayu gid aku sa kanyu; ag buwatun niku mapung-aw kanyu daga, udyi may mangulian siyun.”

Hirimyas 9:10

Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Isikil 36:3

“Nakan anak tawu, sabihi ti manga bantud Israil kuntay aku, ti Panginuun Diyus magkun: Ginira kamu tuhay-tuhay pag manga nasyun una naan ginan baliwa, bag-u taynguna sida ti mag-apu sa kanyu. Pinuyaan nida kamu ag pagpakay-ahun.

Isikil 5:14

Dautun niku kanyu banwa ag puyaan kamu manga nasyun sa kanyu sangput ag manga maglawuy sa kanyu rugar.

Husyas 11:10

“Sumunud kamu sa kangku sa udas man-ngurub aku, ti Panginuun, ga liyun. Pihu gid man-ngurub aku, ag mandaldali kamu muli ginan sa isalpan.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Amus 3:12

Inda waya gid ti pagsabihun Panginuun: “Ti mairibri lang manug-alaga karanidu sa hayup paggus-abun liyun mahimu kay wadi duwa ka lulud ngatay kay usa wadi ka tuli. Katunda diman ti mangyari sa kanyu pag manga Israilita mag-ulian sa Samarya; ti maribri sa kanyu imaw lang ti manga bahagi niyu marinu pag manga parahuwayan.”

Amus 3:4

Mag-ngurub aw nguna ti liyun sa katalunan nu unman siya may turukbun? Man-ngurub aw siya sa kay paratag-an nu unman siya may nablay?

Amus 3:8

Si unu lugud ti balaw magkadala nu mag-ngurub yi ti liyun? Si unu lugud ti unman makatultul bagaw Panginuun Diyus nu ti Panginuun Diyus yi ti magbagaw sa kanya?

Nahum 2:11

Ti Ninibi parihu sa lukib pag-ulian usa ka magtal-anakan liyun. Unman gid may makagaraw sa kanda ati sa lukib. Pagmatyun ag paggus-abun liyun kay bulay ag pag-iayaw sa kay kaparihu hanggan sa kay manga anak. Pagpun-un niya manga binulay kay ulian lukib. Dapat taynguna, ti Ninibi rurisun yi.

Sipanyas 1:18

Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”

Sipanyas 2:5

Kaawaawa kamu pag manga Pilistiyu magpangulian sa saruy dagat. Inda ti pagsabihun Panginuun laban sa kanyu: ‘Kamu pag manga Pilistiyu sa Kanaan, papasun niku ag unman may masawad sa kanyu.’

Sipanyas 3:6

“Magkun ti Panginuun, ‘Pinapas niku ti manga nasyun; ginuba niku kanda manga banwa hanggan kanda manga alad batu ag manga bantayaw. Unman may nasawad sa kanda manga nasakupan, nakan udyi may tawu maglakaw sa kanda manga karsada.

Sakaryas 11:3

Maglumi ti manga manug-alaga karanidu dahil nagkaradaut kanda malangba pag manga paraharaban. Mag-ngurub ti manga liyun dahil nadaut ti katalunan Hurdan kanda pag-ulian.

Talaghusay 14:5

Nag-atag si Samsun sa Timna kaibahan kay manga gurang. Pagka atag si Samsun sa manga taranuman ubas sa Timna, kadaka siya sinulang usa ka anak liyun mag-ngurub.