Hirimyas 2:13 - Hanunuu

¹³ “Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:13 Iomraidhean Croise

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

Kanta 36:9

Dahil kawu ti gimpuunan buhi. Pagrayawan nimu kami, ag magkarayawan kanmi kaisipan.

Manugtudlu 1:14

Nakitan niku ti tanan manga pagbuwatun tawu sitay sa kalibutan, ag inda tanan unman may pulus; ga parihu lang sa maglagas aku durus.

Manugtudlu 1:2

Unman may pulus! Unman gid may pulus ti tanan!

Manugtudlu 12:8

Aku ti manugtudlu magkumun, “Unman gid may pulus! Unman gid may pulus ti tanan!”

Manugtudlu 2:11

Dapat pagka inisip niku mayad ti tanan niku manga binuwat, naisip niku inda tanan unman may pulus; ga parihu lang sa maglagas aku durus. Unman gid may pulus ti tanan niku binudlayan sitay sa kalibutan.

Manugtudlu 2:21

Dahil una waya mamudlay kawu sa buu nimu kadunungan ag kakayahan, tayakan diman waydi nimu ti tanan binudlayan sa tawu balaw nagbudlay para sa inda. Unman diman inda may pulus, ag balaw makatadlungan.

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 1:4

Sida nasyun makasalanan, manga tawu punu kadautan, linahi manga manugbuwat daut ag magpandaut. Dinayu nida ag pinuyaan ti Panginuun, ti Banal pag Diyus Israil, ag pinatlikudan nida siya.

Isayas 12:3

Nu kabitay ti maramig pag danum makapakaun kabayaan sa magkauwaw, kamu makabaya waydi nu irinibri yi kamu Panginuun.

Isayas 5:13

Nakan kamu pag manga nasakupan niku bihagun dahil unman niyu magkasalman kang pagbuwatun. Kamu hanggan kanyu manga takinan magkaramatay sa lun-us ag uwaw.

Isayas 55:2

Hayga niyu paggastusun kanyu kuwarta sa manga bagay bukun magkakaun? Hayga niyu pagtabuhun kanyu upa sa manga bagay bukun makapabusug sa kanyu? Pagpatingi kamu sa kangku ag makakaun kamu manga masarap pag karan-unun, ungud mabsug kamu.

Isayas 63:8

Magkun ti Panginuun, “Tutuu gid sida ngani kang nasakupan; manga anak niku sida balaw mamudil sa kangku.” Nakan ngani, kay irinibri sida.

Hirimyas 1:16

Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 14:3

Sinugu manga mayaman kanda manga panawuhun kuntay pagtaas danum. Nag-atag ngani sida sa manga bubun dapat ay unman may danum ati. Nakan nagbalik sida unman may sukad kanda manga sukadan, ag pinatumungan nida kanda ulu dahil sa masyadu pag kay-a.

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 17:13

Kawu duy Panginuun, ti pagsarigan Israil. Mangay-a gid ti tanan magdayu sa kanmu. Milbung gid sida sa sirung daga dahil dinayu nida kawu, ti bulbugan magpakaun buhi.

Hirimyas 18:14

Magkatunas aw ti yilu sa bantud Libanun? Magkak-at aw ti maramig pag bulbugan ati? Unman!

Hirimyas 19:4

Buwatun niku inda, dahil dinayu aku niku nasakupan. Inda pag luung binwat nida harandugan manga handug pagsunugun para sa iba manga diyus. Inda pag manga diyus balaw nida magkakilala, unman diman kilala nida manga ginurang, ngatay nida manga hari sa Huda. Magmatay waya sida siyun pag rugar manga ud may namuangan.

Hirimyas 2:11

May nasyun aw nag-ilis kanda diyus una balaw tutuu diyus? Dapat aku, ti makamaskihan pag Diyus, ibinalyu niku manga nasakupan sa manga diyus unman may pulus.

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 2:26

“Parihu sa usa ka mananakaw mangay-a nu madakup, mangay-a diman kamu manga taga Israil. Ungud mangay-a kamu, hanggan kanyu manga hari, manga may kangaranan, manga manughandug ag manga purupita.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 5:26

“May manga daut pag tawu kaibahan sa manga nasakupan niku mag-alagad kanda siribaun. Sida ga manga tawu magdit-ag manga manuk. Magpauli sida manga suduk para sa iba pag manga tawu.

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Isikil 14:5

Buwatun niku inda hampay bumalik sa kangku ti tanan Israilita nagpakarayu sa kangku dahil sa kanda manga diyus-diyusan.

Isikil 47:1

Bag-u dinara aku tawu pabalik sa may sabian Balay Diyus, ag ati may nakitan aku danum magbulus atabug sa butlakan ginan sa sirung sabian Balay Diyus. (Ti Balay Diyus maatubangan sa butlakan.) Bag-u linmiku ti danum pasikun, sa kanaway baliwa harandugan.

Mikas 2:8

Dapat pagsalakayun niyu ga manga kalaban ti manga pugri niku pag nasakupan. Kanda isip nu muli sida sa kanda banwa ginan sa girahan ribri yi sida, dapat tunda maaw agawun niyu kanda manga kulimpay.

Mikas 6:3

Magkun ti Panginuun, “Manga nasakupan niku, hintay ti nabwat niku pag kadautan sa kanyu? Pinakurianan aw lugud niku kamu? Saguta niyu aku.

Sakaryas 13:1

Sinabi Makapangyarihan Panginuun, “Sa ati pag sirang, bukasan ti bulbugan para sa manga linahi ni Dabid ag sa manga mag-ulian sa Hirusalim, hampay lumpiyuhun sida sa kanda manga kasalanan ag kayagtingan. Bul-un niku ti manga diyus-diyusan sa daga Israil ag udyi gid sida maalaala waya. Paighitun niku sa Israil ti magpabalhinguun pag manga purupita hanggan ti daut pag manga ispiritu magsakup sa kanda.

Huwan 4:10

Sinmagut si Hisus magkun, “Nu abi maalaman lang nimu nu hintay kay pag-ipakaun Diyus ag nu si unu ti naghagad kam danum, mahimu kawu ngap mana ti humagad sa kanya, hampay ipakaun niya sa kanmu ti danum imaw ti makapakaun buhi sa tawu.”

Huwan 4:11

Sinabi babayi sa kanya magkun, “Dapat duy unman may pangadlu kawu, abasad paman ti bubun. Naan pag bul-un nimu tunda pag danum tigpakaun buhi sa tawu?

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Huwan 7:37

Pagka sa katapusan yi pag sirang Kapistahan imaw yi ti pinakamahalaga pag sirang, ati katpung tinmindug si Hisus bag-u sinabi niya sa daraka buka magkun, “Una hintay pag tawu nu magkauwaw, pagsitay siya sa kangku, pag-inum.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

2 Pidru 2:17

Tunda pag manga manugtudlu pudilun parihu ga manga bubun nak-at, parihu sa manga rurum pag-ipayag durus. Hinandaan sida Diyus ulian sa basad piris pag dulum.

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 22:17

Pagsabihun Ispiritu hanggan aguman babayi magkun, “Pagsitay yi gid duy kawu.” Ti tanan nakadnug inda pagsabi waydi, “Pagsitay yi gid kawu.” Una si unu ti magkauwaw pagpakarani, pagbuul danum makapakaun tutuu pag buhi. Pakan-an diman siya unman may bayad.

Talaghusay 10:13

Dapat nagpatlikud kamu sa kangku ag nagsamba sa tuhay pag manga diyus. Nakan taynguna balaw yi niku kamu iribri.

1 Samwil 12:10

Bag-u nagdangup maan sida sa Panginuun magkun, ‘Kami duy nagkasala dahil pinatlikudan nimi kawu, ti Panginuun. Nagsamba kami sa kanda ni Baal hanggan ni Astarut. Dapat taynguna ribrihan nimu kami sa kamang nimi manga kalaban, bag-u sumunud kami sa kanmu.’