Hirimyas 19:8 - Hanunuu

⁸ Wasakun niku inda pag banwa ag bumaliw puruyaun. Ti manga maglawuy manhikrab gid ag managutsut dahil sa nangyari sitay.

Hirimyas 19:8 Iomraidhean Croise

1 Hari 9:8

Una marinu ag bantug inda pag Balay Diyus, dautun niku inda. Mataranta ag madulaw gid ti tanan pag lumalawuy sitay ag sumabi, ‘Hayga binwat inda Panginuun sa inda pag daga ag sa inda pag Balay Diyus?’

Hirimyas 18:16

Bumaliw mapanglaw kanda daga ag puyaan hanggan aban. Ti tanan maglawuy mangil-ilung ag manhikrab.

Hirimyas 25:18

Pinainum niku ti Hirusalim hanggan ti manga banwa sa Huda kaibahan kanda manga hari ag manga may kangaranan agud midamhak sida. Madiklahan ti manga tawu sa mangyari sa kanda. Puyaan ag saadan sida parihu sa pagbuwatun sa kanda taynguna.

Hirimyas 49:13

Pag-isaad niku sa kang sadili, kuntay ti Busra mawayak. Bumaliw madala kay kahamtangan inda, puyaan ag saadan inda. Ti tanan banwa inda bumaliw wayak hanggan waya aban. Aku, ti Panginuun, ti magsabi inda.”

Hirimyas 50:13

Dahil sa galit niku, udyi may mangulian sa Babilunya ag bumaliw mapung-aw inda. Madiklahan gid ag manhikrab ti tanan lumawuy sitay dahil sa tanan nangyari sa inda pag nasyun.

Isikil 27:36

Magsagutsut ti manga manugnigusyu manga nasyun sa nadangtan nimu. Madala ti pinatabgan nimu, ag lubusan yi kawu madura tugka aban.” ’ ”

Libitiku 26:32

Gubaun niku kanyu rugar, ag ti sumakup siti pag manga kalaban niyu madulaw gid sa kay pagkaguba.

Mikas 6:16

Matupad inda sa kanyu dahil sinunud niyu ti balaw mayad pag buwat, manga surundanun, ag manga patigayun ni Hari Umri hanggan niya anak si Hari Akab. Nakan ipadamhak niku kamu; unu-unuhun kamu ag puyaan iba manga nasyun.”

Sipanyas 2:15

Katunda ti mangyari sa banwa Ninibi, magpadayaw-dayaw kuntay unman may man-gira sa kanda ag unman may pumarihu sa kanda. Dapat lubusan yi madaut ti banwa ag ulianan wadi inda talun hayup. Ag ti kada maglawuy ati magkasari-sari magsurug sa kanda kahamtangan.”

Diyuturunumiyu 28:37

Kadat-an kamu, puyaan, ag apihun manga mag-uli sa manga nasyun nu naan kamu pag binihag.

Diyuturunumiyu 29:22

“Sa aratubangun pag manga sinulput, kanyu manga lahi hanggan ti manga day-uhan ginan sa arayu pag rugar makakit manga kadamhakan ag manga sakit ipadara Panginuun sa kanyu daga.