Hirimyas 19:7 - Hanunuu

⁷ Dautun niku sa inda pag rugar ti gayak manga taga Huda hanggan taga Hirusalim. Ipamatay niku sida sa kanda manga kalaban sa panab-anan girahan, ag ipakaun niku kanda manga bangkay sa manga manuk hanggan sa manga hayup sa talun.

Hirimyas 19:7 Iomraidhean Croise

2 Hari 21:14

Ipablag niku una waya ti nasawad sa kang nasakupan, ipakaun niku sida sa kanda manga kalaban ag bul-un kanda manga kasiyunan.

Kabagawan 21:30

Unman may kadunungan, pan-intindi ngatay patigayun ti pumarihu sa Panginuun.

Isayas 29:14

Nakan utru aku bumuwat dasun-dasun pag makadululaw sa inda pag manga tawu. Ag madura ti kadunungan manga madunung hanggan ti pan-intindi manga may intindi.”

Isayas 8:10

Una hintay ti paggayakun niyu laban sa kanmi balaw manalu, dahil kaibahan nimi ti Diyus.

Hirimyas 15:2

Nu mamaingana sida nu naan tabug sida, sabihun nimu kuntay inda ti pagsabihun niku: Ti itinigana mamatay pihu magkaramatay. Ti iba itinigana mamatay sa girahan ag ti iba sa lun-us. Ti iba waydi itinigana bihagun.

Hirimyas 15:9

May ina maduraan pitu ka anak lalaki. Matigbakan siya ag makurian sa mag-arup. Kay manga anak ga init madali mag-isangday. Mangay-a siya dahil udyi siya may anak. Ag ti manga magkasawad buhi ipamatay diman niku sa kanda manga kalaban. Aku, ti Panginuun, ti magsabi inda.”

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 18:21

Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 21:7

Ag kawu Sidikyas, hari sa Huda, kanmu manga takinan, hanggan ti manga nasakupan nasawad balaw namatay sa sarut, sa girahan, ngatay sa lun-us ipakaun niku sa kan Hari Nabukudunusur sa Babilunya ag sa kanyu iba manga kalaban. Bag-u panmatyun niya kamu unman may pangaawa. Aku, ti Panginuun, ti magsabi inda.’

Hirimyas 22:19

Ilubung siya parihu sa maglubung sa namatay asnu; guyudun kay bangkay ag iyamut sa luwas puwirtahan Hirusalim.”

Hirimyas 22:25

Ipakaun niku kawu sa manga magkaibug mumatay sa kanmu, ti pagkadalaan nimu. Ipakaun niku kawu sa kan Hari Nabukudunusur sa Babilunya hanggan sa kay manga sundalu.

Hirimyas 32:28

Nakan tandai nimu, ipakaun niku inda pag banwa sa manga taga Babilunya ag sa hari nida sa kan Nabukudunusur bag-u mapasa-kanda inda.

Hirimyas 34:20

Ipakaun niku sida sa manga kalaban nida magkaibug mumatay sa kanda. Ag bumaliw karan-unun manga manuk hanggan maraisug pag hayup kanda manga bangkay.

Hirimyas 46:26

Ipakaun niku sida sa kamang manga gustu mumatay sa kanda — sa kan Hari Nabukudunusur sa Babilunya ag sa kay manga takinan inda. Dapat rumas-ug diman ti sirang kuntay ti Ihiptu ulianan manga tawu parihu kaybi sa un-an. Aku, ti Panginuun, ti magsabi inda.

Hirimyas 7:33

Ti manga bangkay niku nasakupan tindukun manga manuk ag kan-un manga maraisug pag hayup, unman may mamugaw una si unu sa kanda.

Hirimyas 8:2

Bag-u wayakun inda sa daga mabuladan sa init, sa rayaw bulan, ag manga pamgasan kanda pagmahalun, sinirbihan, sinunud, pinaingan-an, ag sinamba. Udyi utru tipunun ti manga but-ul nida una ilubung, nu unman wayakun yi lang sa daga ga ugat.

Hirimyas 8:8

Kabitay niyu magkasabi kuntay madunung kamu, dahil aw alam niyu ti manga kasuguan Panginuun? Kay tutuu, binag-u tida niyu manga manugtudlu.

Hirimyas 8:9

Mangay-a ti manga mag-isip madunung sida. Madala gid sida dahil pamihagun sida. Dinayu nida kang manga bagaw — buwatun aw nida inda nu ungud gid madunung sida?

Karukuan 3:37

Unman may manga bagay magpangyari nu unman kay pahintulutan Panginuun.

Libitiku 26:17

Pabay-anan niku kamu hampay matalu kamu niyu manga kalaban ag sida ti mandumara sa kanyu. Dahil sa dala mamalalagiwan kamu una ud may maglagas sa kanyu.

Libitiku 26:25

Ipagira niku kamu sa kanyu manga kalaban bilang parusa sa kanyu maglabag sa kanta kasunduan. Una waya patagu kamu sa kanyu manga banwa padaran-an di niku kamu manga kakurian, ag dahil siti mapilitan kamu sumuku sa kanyu kalaban.

Ruma 3:31

Nu katida ibug aw sabihun udyi pagpahalgaan nimi ti Kasuguan? Bukun sa katida. Kanmi di ngap pagpahalgaan.

Ruma 4:14

Nu abi ti manga magtupad lang sa Kasuguan ti mumana sa kay itinaratu Diyus, unman may kabuluhan ti pagsarig tawu una hanggan ti taratu Diyus.

1 Samwil 17:46

Taynguna pag sirang ipakaun kawu Panginuun sa kangku. Matyun ag puldun niku kanmu liug. Taynguna diman pag sirang, ti manga bangkay nimu manga kaibahan Pilistiyu ipakaun niku sa manga manuk hanggan sa maraisug pag hayup, bag-u maalaman sa buu kalibutan may Diyus ti Israil.