Hirimyas 19:4 - Hanunuu

⁴ Buwatun niku inda, dahil dinayu aku niku nasakupan. Inda pag luung binwat nida harandugan manga handug pagsunugun para sa iba manga diyus. Inda pag manga diyus balaw nida magkakilala, unman diman kilala nida manga ginurang, ngatay nida manga hari sa Huda. Magmatay waya sida siyun pag rugar manga ud may namuangan.

Hirimyas 19:4 Iomraidhean Croise

2 Hari 21:16

Mayamu gid pag tawu unman may nabwat salan ti pinanmatay ni Manasis tugka sa nagbulus ti dugu sa manga karsada Hirusalim. Bukud waya sa binwat niya kasalanan imaw ti pinun-an kasalanan manga taga Huda sa magbantay Panginuun.

2 Hari 23:10

Ipinadaut diman ni Husyas ti harandugan sa Tupit, sa Luung Bin Hinum, hampay unman may manhandug ati kanda manga anak sa apuy para sa kan Muluk.

2 Hari 24:4

hanggan kay pagpamatay sa manga unman may alam pag manga tawu. Pinabulus niya kanda dugu sa Hirusalim, unman inda mapatawad Panginuun.

Kanta 106:38

imaw ti manga diyus-diyusan Kanaan. Dahil sa kanda nagmatay sa kanda ud may namuangan pag manga anak, inuringan nida ti daga Kanaan

Isayas 59:7

Magdaldali kamu bumwat kadautan ag maliksi kanyu kamang sa pagmatay manga unman may kasalanan. Pirmi daut kanyu pag-isipun, una naan tag kamu unman may pagbuwatun nu ud kadamhakan ag kadautan.

Isayas 65:11

Dapat pakurianan niku kamu pag manga nagbugya sa kangku hanggan balaw nagpahalaga sa banal pag bantud niku. Nansagda kamu sa pagpaniwalaan niyu pag manga diyus-diyusan imaw tig pakaun papalad sa kanyu ag mayad pag kapaladun.

Hirimyas 1:16

Parusahan niku kang manga nasakupan dahil sa kanda kadautan. Binugyahan nida aku, nagtuub sida kamangyan sa manga diyus-diyusan. Sinamba nida kanda binwat pag manga diyus-diyusan.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 16:11

Sabihun nimu sa kanda inda kang sagut: ‘Binwat niku inda dahil dinayu aku niyu manga kaumputan. Nagsirbi ag nagsamba sida sa manga diyus-diyusan. Dinayu nida aku balaw nida sinunud kang bilin.

Hirimyas 17:13

Kawu duy Panginuun, ti pagsarigan Israil. Mangay-a gid ti tanan magdayu sa kanmu. Milbung gid sida sa sirung daga dahil dinayu nida kawu, ti bulbugan magpakaun buhi.

Hirimyas 17:20

Ag sabihun nimu sa manga tawu, ‘Patingihi niyu ti tultulanun Panginuun, kamu pag manga hari hanggan manga taga Huda, ag kamu pag manga mag-uli sa Hirusalim maglawuy sa inda pag puwirtahan.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Hirimyas 2:34

Ti manga rutay niyu may dagta dugu manga tawu unman may kasalanan ag manga pugri. Minatay niyu sida una unman niyu sida natakdan sinmulud sa kanyu manga balay hampay manakaw. Dapat ay una binuwat niyu inda,

Hirimyas 22:17

Dapat kawu bay, unman may tuhay pagkaibgan nu ud mandaya, magmatay manga tawu unman may kasalanan, mag-api, hanggan magpandahas.

Hirimyas 22:3

Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Hirimyas 26:15

Dapat tandai niyu inda: nu matyun niyu aku, may saragtun kamu hanggan ti nasakupan sa inda pag banwa dahil sa pagmatay niyu sa tawu unman may kasalanan. Dahil tutuu aku ungud sinugu Panginuun hampay sabihun sa kanyu ti tanan nadnugan niyu taynguna.”

Hirimyas 26:23

Bin-ul nida si Uryas ati sa Ihiptu bag-u dinara sa kan Hari Hihuyakim, ag ipinamatay niya inda sa panab-anan baladaw, ag iyinmut kay bangkay sa kalubngan manga basta lang pag tawu.

Hirimyas 44:3

dahil sa kadautan binwat manga nasakupan nida. Ginalit nida aku sa pagsunug nida manga kamangyan ag pagsamba sa manga diyus-diyusan balaw nida kilala ngatay nida manga kaumputan.

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 7:6

ag danga yi niyu pag-apiha ti manga day-uhan, manga ilu, manga buranday babayi mag-uli asan sa kanyu daga. Danga niyu pagpihua ti manga unman may kasalanan, ag danga kamu magsamba sa iba pag manga diyus imaw ti mamadamhak sa kanyu.

Hirimyas 7:9

Kamu mananakaw, manugmatay, magpanguragin, magkastigus sa kapudilan, magtuub kamangyan sa kan Baal, bag-u magsamba sa iba manga diyus balaw niyu magkakilala.

Karukuan 4:13

Dapat nangyari inda dahil sa manga kasalanan nida manga purupita ag manga manughandug, nagmatay sa matadlung pag manga tawu.

Isikil 20:26

Pinabay-anan diman niku sida dagtaan nida kanda sadili sa panab-anan nida manga handug sa manga diyus-diyusan kaibahan yi sitay ti pagsagda nida kanda panganay pag manga anak lalaki. Pinahintulutan niku inda hampay umalinlangan ag madala gid sida bag-u maalaman nida aku ti Panginuun.’

Isikil 7:22

Pabay-anan lang niku sida habang pag-uringan ag pagtakawan nida manga kasiyuhan kang pagmahalun pag rugar.

Isikil 8:11

Matindugan ati ti 70 ka paggurangunun sa Israil, usa sa kanda si Haasanyas anak ni Sapan. Ti kada usa may paghiyaptan sukadan kamangyan, ag ti anus kamangyan magtalimbuuk.

Danyil 11:31

“Suguun hari Sirya ti manga sundalu hampay uringan ti Balay Diyus sangput alad batu. Paapasun niya ti sirang-sirang pagsagda ag ipauli ti mayagting pag bagay imaw kay kadahilanan mapabay-anan ti Balay Diyus.

Lukas 11:50

Nakan mitama gid sa inda pag manga tinubu tawu ti kaparusahan tungkul sa tanan purupita minatay ginan waya sa kabag-u pagkalalang kalibutan,

Diyuturunumiyu 13:13

kuntay may daut pag manga tawu magpatalang sa manga mag-uli sa tunda pag banwa, magkun sida, ‘Mansamba kita sa iba pag diyus’ (ti manga unman niyu magkakilala pag diyus).

Diyuturunumiyu 13:6

“Abi kanmu patar-ari ngatay anak, ngatay kanmu pinakamahal pag asawa ngatay kanmu suud kakilala, maggarya sa kanmu sa lihim ag sumabi, ‘Manimba kita sa tuhay pag diyus’ (manga diyus unman nimu magkakilala una sa kanmu manga ginurang),

Diyuturunumiyu 28:20

Saadan kamu Panginuun, malitu kamu ag maarimputu sa tanan niyu pagbuwatun tugka sa midamhak kamu ag magkaradura dahil sa daut niyu pag buruwatun sa panab-an paglabag sa kanya.

Diyuturunumiyu 28:36

“Kamu hanggan kanyu pinili pag hari ipabihag Panginuun sa balaw niyu kilala pag nasyun una niyu manga ginurang. Ati pag mansamba kamu sa iba pag manga diyus buwat sa kayu ag batu.

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”

Talaghusay 5:8

Pagka nansamba ti manga Israilita sa manga bag-u diyus, rinmas-ug sa kanda ti gira. Dapat sa 40,000 Israilita unman una di usa ti may imaw panangga ngatay bangkaw.