Hirimyas 19:3 - Hanunuu

³ Sumabi kawu, ‘Manga hari sa Huda ag nasakupan Hirusalim, patingihi niyu ti tultulanun Panginuun Makamaskihan, ti Diyus Israil. Inda ti pagsabihun niya: Mamadara aku kadamhakan sa inda pag rugar, una si unu ti makadnug inda dalaun gid.

Hirimyas 19:3 Iomraidhean Croise

Kanta 102:15

Ti manga nasyun gumalang sa Panginuun; ti tanan pag hari sa kalibutan gumalang sa kay kadayawan.

Kanta 110:5

Ti Panginuun asan sa kanmu arani; parusahan niya ti manga hari sa udas ipakakit niya kay pangagalit.

Kanta 2:10

Nakan kamu pag manga hari hanggan manga manugpangulu sa kalibutan, intindiha niyu inda pag manga bagaw; patingihi niyu ti manga paandam laban sa kanyu.

Isayas 28:19

Pirmi inda rumas-ug sa kanyu, sirang-sirang, sa surip ag sa yabi, pihu midamhak kamu.” Dalaun kamu nu masalman niyu inda ti pagsabihun.

Hirimyas 13:18

Sinugu aku Panginuun kuntay sabihun sa hari hanggan sa kay ina rayna pagdugsun sida gin sa kanda tukawan hari dahil arani yi bul-un sa kanda ulu ti marinu nida pag kuruna.

Hirimyas 17:20

Ag sabihun nimu sa manga tawu, ‘Patingihi niyu ti tultulanun Panginuun, kamu pag manga hari hanggan manga taga Huda, ag kamu pag manga mag-uli sa Hirusalim maglawuy sa inda pag puwirtahan.

Hirimyas 18:11

“Nakan sabihun nimu sa manga taga Huda hanggan sa manga taga Hirusalim kuntay inda ti pagsabihun niku, ‘Pagpatingi kamu! May paggayakun aku parusa para sa kanyu. Nakan pag-apas yi kamu sa kanyu daut pag ugali. Ti kada usa sa kanyu pagbag-u yi kay pagbuwatun hanggan ugali.’

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 25:29

Pag-umpisahan yi niku pagpadarahan kaparusahan ti Hirusalim, ti pinili niku pag banwa hampay sa kadayawan niku. Taynguna kanyu aw isip balaw niku kamu parusahan? Parusahan gid niku kamu! Dahil palabanun niku ti tanan nasyun sa buu kalibutan. Aku, ti Panginuun, ti magsabi inda.’

Hirimyas 35:17

Nakan aku, ti Panginuun Diyus Makamaskihan, ti Diyus Israil, magsabi: ‘Pagpatingi kamu! Kamu pag manga taga Huda ag Hirusalim. Paras-ugun niku sa kanyu ti pagsabihun niku pag kadamhakan laban sa kanyu. Nagpakihampang aku sa kanyu dapat unman kamu namatingi, nagtawag aku sa kanyu dapat unman kamu sinmagut.’ ”

Hirimyas 44:3

dahil sa kadautan binwat manga nasakupan nida. Ginalit nida aku sa pagsunug nida manga kamangyan ag pagsamba sa manga diyus-diyusan balaw nida kilala ngatay nida manga kaumputan.

Hirimyas 6:19

Buu kalibutan, pagpatingi kamu! Mamadara aku kadamhakan sa manga tawu sitay bilang parusa sa kanda manga daut paggayakun. Dahil balaw nida pinatingihan kang manga bagaw, dinayu nida ti manga kasuguan niku.

Isikil 7:5

“Aku, ti Panginuun Diyus, magbagaw magkun waya gid: Rumas-ug ti sunud-sunud pag kadamhakan.

Matiyu 10:18

Dahil sa kanyu magpasakup sa kangku, ipaatubang kamu sa manga gubirnadur hanggan sa manga hari hampay tumultul kamu tungkul sa kangku sa atubangan nida hanggan sa manga balaw Hudiyu.

Ipinakakit 2:29

“Ti may tuli kailangan pagpatingi sa pagsabihun Ispiritu sa manga iglisya.”

1 Samwil 3:11

Magkun ti Panginuun, “Tandai nimu inda, balaw dumugay may imaw aku buwatun sa Israil. Ti tanan makadnug inda pihu gid madala.