Hirimyas 18:8 - Hanunuu

⁸ bag-u tunda pag nasyun ngatay kaharian umapas sa pagbuwat daut, balaw yi niku iparargu kang gayak daut sa kanda.

Hirimyas 18:8 Iomraidhean Croise

2 Krunika 12:6

Nagpanagunsirung ti hari hanggan ti manga takinan Israil. Magkun sida, “Matadlung ti Panginuun!”

Kanta 106:45

Pag-alalahanun Diyus kay kasunduan sa kanda, ag dahil sa kay daka pag mahal sa kanda nagbag-u kay naisipan balaw yi niya sida parusahan.

Kanta 135:14

Dahil pagpatutuuhanan nimu, Panginuun, unman may kasalanan kanmu nasakupan imaw ti kanmu manga manugsirbi, ag kaawaan nimu sida.

Kanta 90:13

Panginuun, tugka kapira waya lugud kanmu pangagalit sa kanmi? Patingihi ag kaawai kami kanmu manga manugsirbi.

Pag-ighit 32:12

Unu yi lang duy ti sabihun manga Ihipsiyu? Bin-ul nimu kanmu nasakupan sa Ihiptu hampay matyun sa kabantudan agud madura sida sa kalibutan? Duy Panginuun danga pag patarusan kanmu masyadu pag-isug sa kanda, ag danga sida pagmatya.

Pag-ighit 32:14

Nakan balaw yi ipinatarus Panginuun kay gayak rurisun kay manga nasakupan.

Hirimyas 12:16

Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Hirimyas 15:6

Dinayu niyu aku; pirmi niyu aku pagpatlikudan. Nakan aku, ti Panginuun, magkun ihunat yi niku kang manga kamang hampay rurisun kamu. Pagsawaan yi aku kaawaan kamu.

Hirimyas 26:13

Nakan bag-uha yi niyu kanyu ugali ag pangabuhi, bag-u pagsunud yi kamu sa Panginuun kanyu Diyus. Dahil nu inda buwatun niyu, balaw yi iparargu Panginuun ti pagsabihun niya pag kadamhakan laban sa kanyu.

Hirimyas 26:19

Minatay aw siya ni Isikyas aw ngatay una si unu ati sa Huda? Unman! Bagkus ngap, nadala si Isikyas sa Panginuun ag nagpakarani siya sa kanya. Nakan balaw ipinatarus Panginuun ti pagsabihun niya pag kadamhakan laban sa kanda. Nakan nu matyun niyu si Hirimyas, kamu diman waydi ti pumarusa sa kanyu sadili.”

Hirimyas 26:3

Barang abi mamatingi sida sa kanmu ag pumatlikud sa daut nida ugali. Nu kanda buwatun inda, balaw yi niku iparargu kang gayak kadamhakan sa kanda dahil sa kanda daut pag manga buwat.

Hirimyas 36:3

Barang abi man-ampu ti manga nasakupan Huda nu madnugan nida ti tanan kadamhakan kang paggayakun buwatun sa kanda ag patlikudan nida ti daut pag ugali nida. Bag-u nu mangyari inda, patawadun niku sida sa kanda manga kadautan ag kasalanan.”

Hirimyas 42:10

Nu pumirmaminti kamu sa inda pag daga, bangunun niku kamu ag utru ipatindug ag balaw yi niku kamu ipadamhak. Dahil tutuu nanruku gid aku sa kadamhakan kang ipinalakaw sa kanyu.

Isikil 18:21

“Dapat nu ti daut pag tawu mag-ampu sa tanan niya nabwat kasalanan ag sumunud sa kang surundanun hanggan bumuwat matadlung ag hustu, balaw siya mamatay nu unman parargu mabuhi.

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Isikil 33:12

“Anak tawu, sabihi kanmu manga kasimanwa nu ti matadlung pag tawu bumuwat kasalanan, ti mayad niya pag manga binwat unman makaribri sa kanya. Bag-u nu ti daut pag tawu bumugya sa kay daut pag ugali, balaw siya parusahan sa kay manga binwat daut.

Isikil 33:13

Nu sumabi aku sa matadlung pag tawu pihu mabuhi siya, dapat sa uryan nagbuwat siya daut dahil magsarig siya sa kay mayad pag binwat sa kabag-u ti makaribri sa kanya, inda pag tawu mamatay dahil sa kay manga kasalanan. Balaw yi niku alalahanun kay mayad pag manga binwat.

Isikil 33:14

Bag-u nu sumabi aku sa daut pag tawu pihu mamatay siya, dapat sa uryan nagpatlikud siya sa kay daut manga buwat ag nagbuwat sa hustu ag matadlung —

Husyas 11:8

“Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Diyuturunumiyu 32:36

Apinan Panginuun kay manga nasakupan; kaawaan niya kay manga manugsirbi, nu makitan niya unman yi sida may kabisugan ag nu pira wadi ti nasawad sa kanda, panawuhun man una balaw panawuhun.

Talaghusay 2:18

Ti tanan takinan ipinakaun Panginuun sa kanda kay inawatan. Ag habang buhi kanda takinan, irinibri sida Panginuun sa kanda manga kalaban. Dahil magkaawa siya sa kanda dahil sa kanda mag-agwanta sa manga mag-api ag sa magpakuri sa kanda.