Hirimyas 18:23 - Hanunuu

²³ Dapat alam duy nimu Panginuun ti tanan nida gayak manmatay sa kangku. Nakan danga duy nimu sida pagpatawada sa manga kasalanan ag kadautan nida. Pabay-ani sida matalu nida manga kalaban habang mabantayan lang kawu. Ipasamit nimu sa kanda kanmu pangagalit.”

Hirimyas 18:23 Iomraidhean Croise

Kanta 119:126

Panginuun, udas yi inda hampay tumandug kawu, dahil paglabagun manga tawu kanmu kasuguan.

Kanta 35:4

Mana ti manga maggayak mumatay sa kangku mangay-a. Mana ti manga maggayak sa kang kadamhakan mamalalagiwan mantinalalang.

Kanta 56:8

Alam nimu kang magkabung-anan. Pagtandaan nimu kang manga maglumi. Unman aw ilinista nimu inda sa kanmu libru?

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Isayas 2:9

Nakan Panginuun, ipaababa nimu ti kada usa sa kanda, hampay mangay-a sida. Danga nimu sida pagpatawada.

Hirimyas 11:23

Unman gid may masawad buhi sa manga taga Anatut, dahil maruris sida sa udas parusahan yi niku sida.”

Hirimyas 15:15

Magkun si Hirimyas, “Panginuun alam duy nimu ti tanan! Alalahana ag awati duy nimu aku. Balusi duy nimu ti manga mag-unuunu sa kangku. Alam niku balaw kawu madali magkagalit, nakan danga duy nimu aku pagpabay-ani mamatay. Alalahana duy nimu ti manga kakurian niku dahil sa kanmu.

Hirimyas 17:18

Padalaun duy nimu ag pakay-ahun ti manga mag-unuunu sa kangku. Dapat ay danga nimu inda buwatun sa kangku. Padarahi duy nimu sida kadamhakan hampay maruris sida lubus.

Hirimyas 17:4

Madura sa kanyu kang ipinakaun pag daga. Buwatun niku kamu suruguun niyu manga kalaban ati sa balaw niyu alam pag rugar, dahil ginalit niyu aku parihu sa maglabdaban apuy balaw magkapsa hanggan aban.”

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 26:11

Magkun ti manga manughandug ag manga purupita sa manga may kangaranan hanggan sa tanan tawu siyun, “Kailangan sintinsiyahan kamatayan inda pag tawu dahil nagbagaw siya laban sa inda pag banwa. Nadnugan diman niyu kay pagsabihun!”

Hirimyas 26:8

Pagka nasabi niya inda, pinalibutan siya manga manughandug, manga purupita, hanggan manga tawu, bag-u sinabihan siya, “Kailangan kawu matyun!

Hirimyas 37:15

Nangisug sida sa kan Hirimyas ag ipinabakul nida siya, bag-u ipinapirisu ati sa balay ni Hunatan ti manugsurat. Inda pag balay binuwat nida pirisuhan.

Hirimyas 38:4

Nakan magkun ti manga may kangaranan tabug sa hari, “Kailangan matyun inda pag tawu. Pagpalumuyun lang niya ti nalub-anan manga sundalu nasawad, hanggan ti manga nasakupan dahil sa manga pagsabihun niya sa kanda. Balaw siya maghingbut kaayadan para sa manga tawu nu unman kadamhakan ngap nida.”

Hirimyas 6:15

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.”

Hirimyas 6:21

Nakan aku, ti Panginuun magsabi kuntay mamauli aku karadayaanan sa lakawan tunda pag manga tawu. Nakan magpu ti manga ama, hanggan kay manga anak lalaki, una ti manga magkakilala ag manga kamalay.”

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Hirimyas 8:12

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.

Karukuan 3:60

Alam nimu nu kabitay kanda magbalus sa kangku ag ti tanan nida manga gayak laban sa kangku.

Karukuan 3:61

Panginuun, nadnugan nimu ti pamuya nida sa kangku. Alam nimu ti tanan nida gayak laban sa kangku,

Lukas 21:22

Dahil tunda yi ti kaudasan kaparusahan hampay matupad ti tanan manga bagay isinurat sa Banal Kasuratan.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.