Hirimyas 18:21 - Hanunuu

²¹ Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 18:21 Iomraidhean Croise

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Kanta 63:10

Magkaramatay sida sa girahan, ag kanda manga bangkay kan-un manga simarun idu.

Kanta 63:11

Magbaya ti hari dahil sa binwat Diyus sa kanya. Magbaya diman ti tanan magtaratu sa ngaran Diyus. Dapat balaw pabagawun Diyus ti manga bibig manga pudilun.

Pag-ighit 22:24

Mangisug gid aku sa kanyu ag matyun niku kamu sa girahan. Maburanday kanyu manga asawa ag maulila kanyu manga anak.

Isayas 13:18

Matyun manga taga Midya sa ugyung ti manga kalay-awan lalaki. Hanggan ti manga anak balaw nida kaawaan.

Isayas 9:16

Ti manga magtakinan sa nasakupan Israil ti manga manugdaya sa kanda, nakan magtalang ti manga nasakupan.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Hirimyas 12:3

Dapat aku kilala duy nimu Panginuun. Mag-akitan nimu kang manga pagbuwatun hanggan alam nimu kang basad tagipusuun. Guyuda nimu inda pag manga tawu ga manga karanidu atag sa iriyawan. Ipablag duy nimu sida hampay iyawun.

Hirimyas 14:16

Ag tungkul waydi sa manga tawu magpasnu sa kanda pagsabihun, kanda manga bangkay ipanyamut sa manga baklayan Hirusalim. Magkaramatay sida sa gira hanggan lun-us. Unman may manlubung sa kanda, sa kanda manga asawa, hanggan manga anak. Padapatan niku sida parusa angay gid sa kanda.

Hirimyas 15:7

Parusahan niku kamu ga upa pagtaphun sa manga puwirtahan banwa. Rurisun niku kamu hanggan kanyu manga anak, dahil unman niyu pagpatlikudan kanyu daut ugali.

Hirimyas 15:8

Payamuun niku kanyu manga buranday mas mayamu waya sa baras sa baybay dagat. Sa karaw-an sirang, ipadara niku ti rumuris sa manga ina niyu manga kalay-awan lalaki. Kadaka rumas-ug sa kanyu ti karukuan hanggan kadalaan.

Hirimyas 50:30

Sa ati pag manga sirang, magkaramatay sa manga baklayan ti manga kalay-awan lalaki hanggan ti tanan niya manga sundalu.

Hirimyas 9:21

Rinmas-ug ti kamatayan sa kanta magtal-anakan hanggan sa mapag-un pag bahagi nita banwa. Minatay ti manga anak magbuybuya sa manga baklayan hanggan ti manga kalay-awan lalaki magtiripnan sa manga buruybuyahan.

Karukuan 1:15

Dinayu Panginuun ti tanan niku manga sundalu. Nanipun siya manga sundalu sa pagpadamhak sa kang kalay-awan manga lalaki. Ti manga mag-uli sa Huda ga manga ubas ipinaslud sa gilingan ag tinatatataan Panginuun.

Karukuan 5:3

Naulila kami, kanmi manga ina nagbaliw buranday.

Isikil 16:38

Parusahan niku kawu sa kanmu pagpanguragin ag pagpanmatay. Ag sa kang masyadu pag pangagalit ag imun, matyun niku kawu.

Isikil 22:25

Kanda manga takinan maggayak daut. Parihu sida sa mag-ngurub liyun magduksul sa kay bulay. Magpanmatay sida manga tawu, magbuul kayamanan hanggan mahalaga pag manga bagay, bag-u mayamu pag manga babayi ti nabalu dahil sa kanda pagpanmatay.

Amus 4:10

“Pinadarahan niku kamu manga sarut parihu sa ipinadara niku kaybi sa Ihiptu. Ipinamatay niku kanyu manga kalay-awan lalaki sa girahan ag ipinabihag niku kanyu manga kabayu. Pinakurianan diman niku kamu sa buyuk manga namatay sa kanyu manga kampu. Dapat unman diman kamu nagbalik sa kangku. Aku, ti Panginuun, ti magsabi inda.

Diyuturunumiyu 32:25

Sa luwas nida balay mayamu ti magkaramatay sa irisgan, ag sa sulud humari ti dala. Magkaramatay ti manga gurangun, ti manga kalay-awan, hanggan ti manga anak.

2 Timutiyu 4:14

Subra gid pag kadautan kay binwat sa kangku ni Alihanduru imaw ti manugpanday galang. Panginuun ti gumanti sa kanya angay sa kay binwat.

1 Samwil 15:33

Dapat magkun si Samwil, “Nu kabitay ti kayamuan ina naduraan anak dahil sa pagmatay nimu, taynguna, maduraan diman anak kanmu ina.” Bag-u tinigbas ni Samwil si Agag sa atubangan Panginuun sa Gilgal.