Hirimyas 18:20 - Hanunuu

²⁰ Mayad duy ti pagbuwatun niku sa kanda dapat daut ti pag-ibalus nida sa kangku. Nangali sida hampay malagpak aku sa kanda kali, una yi nandangup aku sa kanmu ag nandarangin kuntay danga nimu sida pagparusahi dahil sa pangagalit nimu sa kanda.

Hirimyas 18:20 Iomraidhean Croise

Hub 6:27

Hayga, matadlung aw lugud kamu? Magkabwat ngani niyu ti usa ka ilu buwatun usa ka suruguun, aw ngatay ipabili ti usa ka kakilala!

Kanta 106:23

Rinuris yi mana Diyus kay nasakupan nu balaw nagpakaraw-an si Muysis kay manugsirbi, agud manpakihampang sa kanya kuntay pigili niya kay pangagalit hampay balaw niya sida ipadamhak.

Kanta 119:95

Mag-alagad ti manga daut pag tawu agud matyun aku, dapat pag-isipun niku kanmu manga tudlu.

Kanta 35:12

Pagbalusan nida aku daut sa mayad niku pag buwat sa kanda, nakan nanruku gid aku.

Kanta 35:7

Una balaw may kadahilanan nagpauli sida suduk sa lihim para madakup aku, bag-u nagkali sida ukang para malagpak aku.

Kanta 38:20

Pagbalusan nida aku daut sa mayad pagbinwat niku sa kanda. Ag paglabanan nida aku dahil maghingabut aku bumuwat mayad.

Kanta 57:6

Nabung-anan aku dahil nagpauli suduk sa kang lakawan kang manga kalaban. Nagkali diman sida ukang sa kang lakawan, dapat sida ngapu ti nalagpak siti pag ukang.

Kanta 7:15

Dapat malu bantayi, kanda pagbuwatun kaguluhan hanggan pag-unuunu magbalik sa kanda. Parihu lang sa magkutkut sida ukang hampay malagpak ti iba, dapat sida ngap maaw ti malagpak.

Kabagawan 17:13

Nu daut kawu sa manga mayad sa kanmu, pirmi may daut rumas-ug sa kanmu magtal-anakan.

Kabagawan 26:27

Ti magkutkut ukang hampay malagpak ti iba, siya ngap ti malagpak. Ti maglilid batu hampay malilidan ti iba, siya ngap ti malilidan.

Manugtudlu 10:8

Nu mangutkut kawu kali, barang kawu ti malagpak siti. Nu lumapus kawu sa ukang alad batu, barang kagtun kawu ulay.

Hirimyas 11:14

“Nakan Hirimyas, danga yi kawu magdarangin para sa inda pag manga tawu. Danga yi kawu magpaawa-awa sa kangku para sa kanda, dahil balaw niku sida sagtun nu manawag sida sa kangku sa udas nida kakurian.

Hirimyas 14:20

Panginuun, pagkilalahun nimi kanmi kadautan, hanggan ti kasalanan manga ginurang nimi. Nagsalan duy ungud kami sa kanmu.

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 17:18

Padalaun duy nimu ag pakay-ahun ti manga mag-unuunu sa kangku. Dapat ay danga nimu inda buwatun sa kangku. Padarahi duy nimu sida kadamhakan hampay maruris sida lubus.

Hirimyas 18:19

Nakan nandarangin aku, “Panginuun, awati duy nimu aku! Mag-adnugan nimu ti gayak niku manga kalaban sa kangku.

Hirimyas 18:22

Pabay-ani nimu sida manhuyaw sa kadalaan nu ipagira nimu sa manga kalaban kanda manga balay. Dahil nagkutkut sida kali hampay malagpak aku ati, ag nagpauli sida dit-ag hampay mablay aku.

Hirimyas 27:18

Nu ungud manga purupita sida ag ginan sa Panginuun kanda pagsabihun, pagdarangin sida sa Panginuun Makamaskihan kuntay ti manga garamitun natayak sa Balay Diyus sa balay hari sa Huda ag sa Hirusalim danga yi darahun tag sa Babilunya.

Hirimyas 5:26

“May manga daut pag tawu kaibahan sa manga nasakupan niku mag-alagad kanda siribaun. Sida ga manga tawu magdit-ag manga manuk. Magpauli sida manga suduk para sa iba pag manga tawu.

Hirimyas 7:16

“Nakan ngani Hirimyas, danga kawu magdarangin para sa inda pag manga tawu. Danga kawu magkaawa ngatay maghagad sa kangku para sa kanda, dahil balaw kawu patingihan niku.

Karukuan 3:59

Nakitan nimu, Panginuun, ti kadautan binuwat sa kangku niku manga kalaban, nakan pakan-i aku katadlungan.

Huwan 10:32

Sinabi ni Hisus sa kanda magkun, “Mayamu pag manga mayad buwat kang ipinakakit sa kanyu angay sa kay ibinilin Ama sa kangku. Naan sa kang manga buwat ti pag-ikabatu niyu sa kangku?”

Huwan 15:25

Dapat nakan katida ti nangyari hampay matupad ti bagaw isinurat sa kanda Kasuguan, magkun, ‘Kinagalitan nida aku madi unman may ikasabi.’

1 Samwil 19:4

Pagka surip, hinampang ngani ni Hunatan si Saul tungkul sa kan Dabid ati sa bantud ag dinayaw niya inda sa atubangan niya ama. Magkun siya, “Amang, danga duy niyu pag-unuha si Dabid kanyu suruguun dahil unman siya may pagbuwatun daut sa kanyu. Nakabwat waya ngani siya daka pag kaayadan sa kanmu.