Hirimyas 18:19 - Hanunuu

¹⁹ Nakan nandarangin aku, “Panginuun, awati duy nimu aku! Mag-adnugan nimu ti gayak niku manga kalaban sa kangku.

Hirimyas 18:19 Iomraidhean Croise

2 Hari 19:16

Panginuun, patingihi ag bantayi ti magpangyari. Patingihi ti tanan sinabi ni Sinakirib, magpuya sa kanmu, buhi pag Diyus.

Nihimyas 6:9

Alam niku pagpadalaun lang nida kami hampay umapas kanmi magbuwat. Dapat nandarangin aku sa Diyus kuntay pabisugun waya gid niya aku.

Kanta 109:28

Pagsaadan nida aku, dapat kawu magpapalad sa kangku. Mangay-a sida nu girahun nida aku, dapat aku ti kanmu manugsirbi makabaya.

Kanta 109:4

Una mag-upud aku sa kanda, pagkalabanun nida aku; dapat pag-idarangin niku sida.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 18:20

Mayad duy ti pagbuwatun niku sa kanda dapat daut ti pag-ibalus nida sa kangku. Nangali sida hampay malagpak aku sa kanda kali, una yi nandangup aku sa kanmu ag nandarangin kuntay danga nimu sida pagparusahi dahil sa pangagalit nimu sa kanda.

Hirimyas 20:12

Panginuun Makamaskihan, magkaalaman duy nimu nu si unu ti matadlung dahil alam nimu ti tagipusuun ag isip tawu. Ipakakit duy nimu sa kangku kanmu pagbalus sa kanda dahil ipinabahala yi duy niku sa kanmu inda pagharampangan.

Karukuan 3:59

Nakitan nimu, Panginuun, ti kadautan binuwat sa kangku niku manga kalaban, nakan pakan-i aku katadlungan.

Mikas 7:8

Magkun ti manga Israilita, “Balaw dapat kita surugun nita manga kalaban. Dahil una nadiyaan kita, bumangun di maan kita. Una sa madulum kita, ti Panginuun kanta sulu.