Hirimyas 18:18 - Hanunuu

¹⁸ Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 18:18 Iomraidhean Croise

2 Samwil 15:31

May nagsabi sa kan Dabid kuntay si Ahitupil kinmuyug sa kan Absalum. Nakan nandarangin si Dabid, “Panginuun, buwata duy nimu unman may pulus kay patigayun ni Ahitupil.”

2 Samwil 17:14

Magkun si Absalum hanggan ti tanan manugpamahala Israil, “Mayad gid ti patigayun ni Husay kaysa kan Ahitupil.” Kay tutuu, mas mayad kay patigayun ni Ahitupil, dapat ipinahintulut Panginuun balaw sundun ni Absalum tunda hampay ipadamhak siya.

1 Hari 22:24

Pinmakarani si Sidikyas sa kan Mikaya ag sinampal inda. Magkun si Sidikyas, “Kabitay nimu magkasabi ti Ispiritu Panginuun nighit sa kangku ag nagpakihampang sa kanmu?”

2 Krunika 24:21

Naggayak ti manga may kangaranan matyun si Sakaryas. Sa sugu hari, binintuk nida si Sakaryas sa sulud sugkadan Balay Diyus Panginuun, ag namatay inda.

Hub 5:13

Pagsudkun niya ti madunung sa kanda kayabangan, ag pag-amparahun ti gayak manga maradaya.

Kanta 21:11

Maggayak sida daut laban sa kanmu, dapat balaw gid sida manalu.

Kanta 52:2

Maggayak kamu ipadamhak ti iba. Kanyu dila parihu sa matarum pag siyaw. Ti magpandaya imaw kanyu pagbuwatun.

Kanta 57:4

Pagsangputun aku manga kalaban parihu sa manga liyun alistu tumukub. Kanda manga ngipun manga bangkaw hanggan manga ugyung. Kanda manga dila manga matarum pag manga baladaw.

Kanta 64:3

Marasakit sida nu magbagaw, parihu sa baladaw hanggan ugyung.

Kabagawan 18:21

Ti bagaw tawu makaribri sa buhi ngatay ngap makamatay. Nakan nu parabagaw kawu, pagdahan kawu dahil anihun nimu ti burak nimu manga pagbagawun.

Isayas 32:7

Daut kay manga paraan manugdaya. Pag-ipadamhak niya ti manga pugri sa panab-anan niya kapudilan, una sa udas nida maghagad katadlungan.

Hirimyas 1:19

Kalabanun nida kawu, dapat unman nida kawu matalu, dahil ibahan ag awatan niku kawu. Aku, ti Panginuun, ti magsabi inda.”

Hirimyas 11:19

Aku parihu sa karanidu marignuk pagdaran-un sa iriyawan balaw niku magkaalaman. Unman alam niku kuntay pag gayakun maaw aku nida matyun. Magkun sida, “Matyun nita siya parihu sa magpukan puun kayu may manga burak, hampay madura siya sa kalibutan ag malimtan yi.”

Hirimyas 18:11

“Nakan sabihun nimu sa manga taga Huda hanggan sa manga taga Hirusalim kuntay inda ti pagsabihun niku, ‘Pagpatingi kamu! May paggayakun aku parusa para sa kanyu. Nakan pag-apas yi kamu sa kanyu daut pag ugali. Ti kada usa sa kanyu pagbag-u yi kay pagbuwatun hanggan ugali.’

Hirimyas 18:19

Nakan nandarangin aku, “Panginuun, awati duy nimu aku! Mag-adnugan nimu ti gayak niku manga kalaban sa kangku.

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Hirimyas 26:11

Magkun ti manga manughandug ag manga purupita sa manga may kangaranan hanggan sa tanan tawu siyun, “Kailangan sintinsiyahan kamatayan inda pag tawu dahil nagbagaw siya laban sa inda pag banwa. Nadnugan diman niyu kay pagsabihun!”

Hirimyas 37:13

Dapat ay pagka rinmas-ug siya sa puwirtahan banwa ni Binhamin, dinakup siya kapitan manga guwardiya ni Iriya kay anak ni Silimya kay laki ni Hananiyas. Magkun sa kanya ti kapitan, “Kakampi kawu manga taga Babilunya.”

Hirimyas 43:2

magkun sa kanya sida ni Asariyas kay anak ni Husaya, si Huhanan kay anak ni Karya, ag ti iba waya pag manga palabi-labihun pag manga lalaki, “Pudilun kawu! Balaw kawu sinugu Panginuun nimi Diyus, para sabihun sa kanmi kuntay balaw kami kailangan umatag sa Ihiptu hampay mangulian ati.

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Hirimyas 8:8

Kabitay niyu magkasabi kuntay madunung kamu, dahil aw alam niyu ti manga kasuguan Panginuun? Kay tutuu, binag-u tida niyu manga manugtudlu.

Karukuan 3:62

ti manga gayak daut nida paghampangan buu sirang laban sa kangku.

Isikil 7:26

Rumas-ug sa kanda ti sunud-sunud pag manga kadamhakan ag daut pag manga barita. Manhagad sida tultulanun sa manga purupita dapat unman sida may matanggap. Balaw sida patigayunun manga manughandug tungkul sa kasuguan, unman diman sida tamyawun manga paggurangunun.

Libitiku 10:11

Ag kailangan tudluan niyu kanyu kaparihu manga Israilita sa tanan surundanun ipinakaun niku sa kanyu sa panab-anan ni Muysis.”

Mikas 3:6

Dahil pinaumang niyu kang manga nasakupan, udyi kamu magkaimaw pangakakitun ag balaw yi kamu makahula. Ga sa basad madlum kamu unman may mag-akitan.

Mikas 3:7

Mangay-a gid kamu pag manga purupita ag manga manughula. Manaklub kamu kanyu uyahun sa masyadu pag kay-a, dahil unman yi kamu may pahayag matanggap ginan sa Diyus.

Malakyas 2:7

“Sa tutuu lang, kamu ti manga manughandug, katungkulan niyu ti magtudlu sa manga tawu hampay maalaman nida ti tungkul sa kangku. Ag kailangan diman magpatudlu sida sa kanyu dahil kamu kang manga manugbarita.

Lukas 11:45

Ti usa ka manugtudlu Kasuguan nagsabi sa kan Hisus magkun, “Maisturu, sa kanmu sinabi kis-ab duy kami hanggan nahaplitan.”

Huwan 9:40

May manga Parisiyu diman ati sa kan Hisus nakadnug diman sa kay binagaw. Pinmaingana sida sa kanya magkun, “Balaw nguna kanmu gustu sabihun kuntay kami hanggan buta?”