Hirimyas 18:13 - Hanunuu

¹³ Nakan inda ti pagsabihun Panginuun: “Pagpaingana kamu sa iba nasyun nu may nasaydan aw sida parihu sa inda pag nangyari. Ti Israil parihu sa tugnaw pag babayi nagbuwat mayagting pag buwat!

Hirimyas 18:13 Iomraidhean Croise

Isayas 36:22

Bag-u ginisi nida ni Ilyakim, ni Sibna, ag ni Huwa kanda rutay sa masyadu pagkarukuan. Nagbalik sida sa kan Isikyas ag ipinaalam ti tanan binagaw kumandir manga sundalu.

Isayas 66:8

Si unu ti nakadnug ag nakakit parihu sa inda? May nasyun aw ngatay rugar ti kadaka lang ilinusad sa dag-ud pag udas? Dapat nu magdungug yi kakurian ti Hirusalim, ilusad yi kay manga nasakupan.

Hirimyas 14:17

“Hirimyas, sabihun nimu inda sa manga tawu: Sirang yabi, unman may apas kang maglumi dahil garabi ti biyag niku manga nasakupan kang pagkilalan-un tugnaw pag anak, ag tutuu gid magkasaktan aku.

Hirimyas 18:14

Magkatunas aw ti yilu sa bantud Libanun? Magkak-at aw ti maramig pag bulbugan ati? Unman!

Hirimyas 23:14

Dapat nakitan diman niku mas daut waya ti pagbuwatun manga purupita sa Hirusalim, dahil magpanguragin sida ag magpudil waya. Pagpabisugun nida ti nalub-anan manga daut pag tawu hampay bumuwat waya kadautan, nakan udyi sida magpatlikud sa kanda kadautan. Ti manga taga Hirusalim parihu kay ka daut sa manga taga Suduma ag Gumura.

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 5:30

Makadarala ag makahirikrab ti manga bagay nangyari sa inda pag daga.

Karukuan 1:15

Dinayu Panginuun ti tanan niku manga sundalu. Nanipun siya manga sundalu sa pagpadamhak sa kang kalay-awan manga lalaki. Ti manga mag-uli sa Huda ga manga ubas ipinaslud sa gilingan ag tinatatataan Panginuun.

Husyas 6:10

Manga taga Israil, makahirikrab kang nakitan sa kanyu; magsamba kamu sa manga diyus-diyusan, nakan nagbaliw mauring kamu.

Amus 5:1

Nasakupan Israil, patingihi niyu inda pag hirinangbitun tungkul sa kanyu:

Amus 5:2

Ti Israil parihu sa usa ka tugnaw daraga, naplid ag unman yi gid nakabangun uman. Pinabay-anan siya mabugtangan sa kay sadili daga, unman yi gid may nanbangun sa kanya.

1 Kurintu 5:1

May nakadangat barita sa kangku kuntay masyadu daut pag nangyari. Usa sa kanyu magpanguragin tabug sa kay ina ulung. Una sa manga unman nakatanggap unman may magpanguragin katida.

1 Samwil 4:7

nadala gid sida magkun, “May rinmas-ug manga diyus sa kampu manga Israilita! Dilikadu kita! Una kapira, unman waya nangyari ti kainda sa kanta.