Hirimyas 18:11 - Hanunuu

¹¹ “Nakan sabihun nimu sa manga taga Huda hanggan sa manga taga Hirusalim kuntay inda ti pagsabihun niku, ‘Pagpatingi kamu! May paggayakun aku parusa para sa kanyu. Nakan pag-apas yi kamu sa kanyu daut pag ugali. Ti kada usa sa kanyu pagbag-u yi kay pagbuwatun hanggan ugali.’

Hirimyas 18:11 Iomraidhean Croise

Gimpuunan 11:7

Nakan abala, pakialman nita sida. Tuhay-tuhayun nita kanda manga pamagaw hampay unman sida magkaraintindihan.”

1 Hari 22:23

Ag magkun si Mikaya, “Taynguna pinadaran-an Panginuun kanmu manga purupita ispiritu magsabi sa kanda kapudilan. Itinagka Panginuun matalu kawu.”

2 Hari 17:13

Pagpasandaman pirmi Panginuun ti Israil ag Huda sa panab-anan manga purupita ag manughula: “Pagpatlikud yi kamu sa kanyu daut pag manga ugali. Tupada niyu kang manga sugu hanggan ti manga surundanun sa tanan Kasuguan ti pag-ipatupad niku sa kanyu manga ginurang, ag ipinakaun niku sa kanyu sa panab-anan niku manga manugsirbi pag manga purupita.”

2 Hari 22:13

“Pagpaingana kamu sa Panginuun para sa kangku ag para sa nasakupan Huda tungkul sa nakasurat sa ribru nakitan. Masyadu gid ti pangagalit Panginuun sa kanta dahil unman nagsunud kanta manga ginurang sa nakasurat sa inda pag ribru, ti pag-isugu diman sa kanta.”

2 Hari 5:5

Magsabi ti hari Aram, “Paglakaw, ag daraha nimu kang surat tabug sa hari Israil.” Nakan linmakaw ngani si Naaman may dara manga pamakaun: 350 ka kilu pilak, 70 ka kilu gintu ag sampulu ka bilug rutay.

Isayas 5:5

“Sabihun niku sa kanyu ti buwatun niku sa kang ubasan. Bul-un niku ti manga halaman sa kay sangput magsirbi alad sa ubasan ag dautun niku kay alad batu hampay kan-un ag tatatataan manga hayup ti manga tanum ubas.

Isayas 57:1

Nu namatay ti usa ka tawu matadlung, unman may magpaingana nu hayga. Unman mayamu ti may alam kuntay ti manga tawu matadlung pagbul-un Diyus hampay ipakarayu sa daut.

Hirimyas 11:11

Nakan aku, ti Panginuun magsabi, mamadara aku sa kanda kaparusahan kuntay unman nida makapaiwas. Una manhagad sida awat sa kangku, balaw niku sida patingihan.

Hirimyas 11:19

Aku parihu sa karanidu marignuk pagdaran-un sa iriyawan balaw niku magkaalaman. Unman alam niku kuntay pag gayakun maaw aku nida matyun. Magkun sida, “Matyun nita siya parihu sa magpukan puun kayu may manga burak, hampay madura siya sa kalibutan ag malimtan yi.”

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 19:3

Sumabi kawu, ‘Manga hari sa Huda ag nasakupan Hirusalim, patingihi niyu ti tultulanun Panginuun Makamaskihan, ti Diyus Israil. Inda ti pagsabihun niya: Mamadara aku kadamhakan sa inda pag rugar, una si unu ti makadnug inda dalaun gid.

Hirimyas 25:2

Magkun si Purupita Hirimyas sa tanan taga Huda hanggan sa tanan magpangulian sa Hirusalim:

Hirimyas 25:5

Magkun ti Panginuun sa panab-anan nida, “Patlikudi yi niyu kanyu manga daut pag ugali hanggan buwat hampay parargu kamu mangulian hanggan aban sa inda pag daga inayaw niku sa kanyu ag sa manga ginurang niyu.

Hirimyas 26:13

Nakan bag-uha yi niyu kanyu ugali ag pangabuhi, bag-u pagsunud yi kamu sa Panginuun kanyu Diyus. Dahil nu inda buwatun niyu, balaw yi iparargu Panginuun ti pagsabihun niya pag kadamhakan laban sa kanyu.

Hirimyas 26:3

Barang abi mamatingi sida sa kanmu ag pumatlikud sa daut nida ugali. Nu kanda buwatun inda, balaw yi niku iparargu kang gayak kadamhakan sa kanda dahil sa kanda daut pag manga buwat.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 36:3

Barang abi man-ampu ti manga nasakupan Huda nu madnugan nida ti tanan kadamhakan kang paggayakun buwatun sa kanda ag patlikudan nida ti daut pag ugali nida. Bag-u nu mangyari inda, patawadun niku sida sa kanda manga kadautan ag kasalanan.”

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 4:1

Magkun ti Panginuun, “Israil, nu ungud gustu nimu bumalik sa kangku, pagbalik yi kawu. Dayuun nimu ti mayagting pag manga diyus-diyusan bag-u balaw yi kawu pablag sa kangku,

Hirimyas 4:14

“Manga taga Hirusalim, lumpiyuha niyu ti kadautan sa kanyu tagipusuun hampay maribri kamu. Tugka kapira kamu mag-isip sa daut?

Hirimyas 4:23

Binantayan niku ti daga ag nakitan niku udyi may histuda hanggan udyi may sukad. Bag-u nakitan diman niku ti langit unman yi may rayaw.

Hirimyas 4:6

Pasandaman nimu sida ti manga taga Hirusalim kuntay pagpalagiw kadali sida dahil mamadara aku kadamhakan ginan sa kanaway.”

Hirimyas 51:11

Mamalus ti Panginuun sa Babilunya dahil sa pagguba sa Balay Diyus niya. Ginanyat Panginuun ti manga hari sa Midya hampay wasakun ti Babilunya dahil inda ti turunu niya. Magkun siya, “Asaa niyu kanyu manga ugyung ag alistuhan kanyu manga panangga.

Hirimyas 7:3

Inda ti pagsabihun Panginuun, Makamaskihan pag Diyus Israil: Bag-uha yi niyu kanyu ugali hanggan pangabuhi, hampay parargu niku kamu patahanun sa inda pag daga.

Isikil 13:22

“Pagparukuun niyu ti manga matadlung sa panab-anan niyu kapudilan, una aku ngani mismu unman nagparuku sa kanda. Paggaryahun niyu ti manga daut danga sida mag-apas sa kanda daut pag buruwatun sa panab-anan pagtaratu sa kanda kuntay maribri sida sa kamatayan.

Isikil 18:23

Aku, ti Panginuun Diyus, unman magbaya nu mamatay ti usa ka daut pag tawu. Makabaya aku nu mansisi siya ag parargu mangabuhi.

Hunas 3:8

Pagrutay saku kamu tanan, hanggan yi ti manga hayup, bag-u pangungud kamu sa darangin tabug sa Diyus. Pagpatlikud kamu sa kanyu daut pagpangabuhi hanggan sa kanyu maggiit.

Mikas 2:3

Nakan inda ti pagsabihun Panginuun sa kanyu, “Pagpatingi kamu! Paggayakun niku parusahan kamu, ag balaw gid kamu makaribri. Balaw yi kamu makapadayaw-dayaw dahil sa tunda pag udas rurisun niku kamu.

Binwat 26:20

Nanudlu aku sa Damasku dapu bag-u sa Hirusalim bag-u sa bilug daga Hudiya hanggan sa manga balaw Hudiyu. Namaliwanag aku sa manga tawu kailangan sida mag-ampu sa kanda manga kasalanan ag magpakarani sa Diyus. Bag-u ginan sa kanda mayad pag manga buwat kailangan makitan kanda nag-ampu yi sa kanda manga kasalanan.

Santiyagu 4:13

Pagpatingi duy kamu tigsabi magkun, “Taynguna una aldaw kami umati sa kabanwa-banwahan. Sulud usa ka timpu kanmi ulian ati hampay magnigusyu yumaman.”

Santiyagu 5:1

Pagpatingi kamu pag manga mayaman. Paglumi kamu pagnguynguy dahil sa manga kakurian rumas-ug sa kanyu.