Hirimyas 17:4 - Hanunuu

⁴ Madura sa kanyu kang ipinakaun pag daga. Buwatun niku kamu suruguun niyu manga kalaban ati sa balaw niyu alam pag rugar, dahil ginalit niyu aku parihu sa maglabdaban apuy balaw magkapsa hanggan aban.”

Hirimyas 17:4 Iomraidhean Croise

1 Hari 9:7

paalisun niku kamu sa daga ipinakaun niku sa kanyu, ag dayuun niku inda pag Balay Diyus pinili niku rugar nu naan dayawun aku. Bag-u puyaan ag kasarin-an tanan tawu ti Israil.

2 Hari 25:21

sakup Hamat. Ag ati pag minatay sida hari. Nakan ti nasakupan Huda binihag, dinara sa arayu sa kanda daga.

Nihimyas 9:28

“Dapat nu mayad yi ti kahamtangan nida, magbuwat yi maan sida daut sa kanmu atubangan. Ipinabahala nimu sida sa kamang manga kalaban nida hampay sakupun sida. Ag nu magdarangin maan sida hampay manhagad awat sa kanmu, pagpatingihan nimu sida asan sa langit. Ag sa kanmu pangaawa pirmi nimu sida pag-iribri.

Isayas 14:3

Manga Israilita, sa sirang paharyun kamu Panginuun sa kanyu manga kakurian, pag-agwanta ag pagkasuruguun,

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Isayas 5:25

Nakan dahil sa masyadu pag galit Panginuun sa kanyu sa kay nasakupan, parusahan niya kamu. Matandug ti manga bantud ag magkarawayak sa manga baklayan kanyu manga bangkay ga manga paruk. Dapat udwaya gid maparaw kay pangagalit Panginuun. Nakaalistu di siya pumarusa sa kanyu.

Isayas 50:11

Dapat pag-aman kamu, kamu pag magpamakut, danga kamu magsarig sa sadili hiyaput! Panginuun gid ngapu ti pumarusa sa kanyu; magkaramatay kamu sa masyadu pag parusa.

Isayas 66:24

Sa pagluwas manga nagsamba sa kangku sa Hirusalim, makitan nida ti manga bangkay manga tawu naglaban sa kangku. Ti magkaun sa kanda pag manga sapat balaw magkamatay hanggan ti sumunug pag apuy sa kanda ud magkapsa. Ag kurim-udan sida tanan tawu.”

Hirimyas 12:7

“Dayuun niku kang manga nasakupan, ti magkaapu niku pag nasyun. Ipakaun niku kang pagmahalun pag manga nasakupan sa manga kalaban nida.

Hirimyas 15:14

Buwatun niku kamu panawuhun niyu manga kalaban sa daga balaw niyu alam, ag ipaagum niku sa kanyu kang pangagalit ga maglabdaban apuy.”

Hirimyas 16:13

Nakan palayasun niku kamu sa inda pag daga atabug sa daga balaw niyu alam, hanggan niyu manga ginurang. Bag-u ati, pumasawa kamu sa pagsirbi sa tuhay pag diyus sirang ag yabi, ag balaw yi niku kamu kaawaan.’

Hirimyas 18:23

Dapat alam duy nimu Panginuun ti tanan nida gayak manmatay sa kangku. Nakan danga duy nimu sida pagpatawada sa manga kasalanan ag kadautan nida. Pabay-ani sida matalu nida manga kalaban habang mabantayan lang kawu. Ipasamit nimu sa kanda kanmu pangagalit.”

Hirimyas 2:14

Ti Israil balaw iinanak panawuhun. Hayga pagsibaun siya manga kalaban?

Hirimyas 22:28

Hihuyakin, kawu ga gipak anglit udyi magkakinabangan. Nakan iyamut niku kamu hanggan kanmu manga anak sa nasyun balaw niyu alam.”

Hirimyas 5:19

Nu may magpaingana, ‘Hayga binwat Panginuun nita Diyus inda tanan sa kanta?’ Sabihun nimu sa kanda, ‘Dahil dinayu niyu ti Panginuun ag nagsirbi kamu sa iba pag diyus sa kanyu sadili daga. Nakan taynguna, sumirbi kamu sa manga day-uhan sa daga bukun kanyu.’

Hirimyas 5:29

Aku, ti Panginuun magsabi: Unman aw dapat niku sida parusahan dahil sitay? Unman aw dapat niku balusan ti manga kainda pag nasyun?

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Karukuan 1:12

Magkun diman siya sa manga tawu maglawuy, “Baliwala lang aw inda sa kanyu? Bantayi niyu nu may makitan kamu mag-agwanta parihu sa kangku. Inda pag aragwantahun ipinakaun Panginuun sa kangku katpung sa kay masyadu pangagalit.

Karukuan 5:2

Kanmi manga daga hanggan manga balay bin-ul manga day-uhan.

Isikil 21:31

Ipasamit niku sa kanyu kang masyadu pag pangagalit, ag ipahintulut niku kamu sa maraisug pag manga tawu, anad sa pagpanmatay.

Isikil 7:24

Ipaagaw niku kanda manga balay sa pinakadaut pag manga nasyun. Paapasun niku ti pagpadayaw nida makapangyarihan pag manga tawu, ag pauringan niku kanda manga simbahan.

Diyuturunumiyu 28:25

“Ipatalu kamu Panginuun sa kanyu manga kalaban. Magkarausa kamu man-gira sa kanda, dapat mamululagan kamu malagiw ginan sa kanda. Kadat-an kamu tanan kaharian sa kalibutan.