Hirimyas 17:27 - Hanunuu

²⁷ Dapat nu balaw kamu sumunud sa kangku, ag balaw niyu kilalan-un ipinablag ti Sirang Pamahari, ag mandara kamu manga paninda sa manga puwirtahan Hirusalim sa tida pag sirang, irubun niku ti manga puwirtahan Hirusalim hanggan ti manga mapag-un pag manga bahagi banwa, unman gid may pumusa tunda pag apuy!’ ”

Hirimyas 17:27 Iomraidhean Croise

2 Hari 22:17

Ipakakit gid niku kang pangagalit sa inda pag rugar ag balaw inda umapas, dahil binugyahan aku nasakupan ag nagsunug sida kamangyan sa pagsamba sa tuhay pag diyus. Ginalit gid nida aku sa kanda manga binuwat.’

2 Hari 25:9

Sinunug niya ti Balay Diyus Panginuun, ti balay hari, ti tanan pag balay sa Hirusalim, ag ti tanan mahalaga pag manga arabwat balay.

2 Krunika 36:19

Pagkatapus, sinunug nida ti Balay Diyus ag tinumpag ti alad batu Hirusalim. Sinunug diman nida ti tanan marig-un pag bahagi sa banwa, ag dinaut ti tanan mahalaga pag manga bagay.

Kanta 122:7

Mana ngani may kahusayan ag mayad ti kahamtangan sa sulud Hirusalim ag sa mabisug pag manga bahagi siyun.”

Isayas 1:20

Dapat nu parargu kamu maglaban, pihu gid magkaramatay kamu sa gira.” Matupad gid inda dahil Panginuun ti may sabi.

Isayas 1:31

Ti manga may kapangyarihan sa kanyu bumaliw parihu sa layung kayu madali pag maktan, ag ti daut nida buwat bumaliw ga sikrab apuy umirub sa kanda. Unman may makapsa sa tunda pag apuy.

Hirimyas 17:24

Dapat nu sumunud lang kamu sa kangku, balaw kamu manarabahu ngatay mandara manga paninda sa puwirtahan Hirusalim sa Sirang Pamahari, bagkus ngap kilalan-un niyu inda ipinablag pag sirang,

Hirimyas 17:4

Madura sa kanyu kang ipinakaun pag daga. Buwatun niku kamu suruguun niyu manga kalaban ati sa balaw niyu alam pag rugar, dahil ginalit niyu aku parihu sa maglabdaban apuy balaw magkapsa hanggan aban.”

Hirimyas 18:1

Magkun waya sa kangku ti Panginuun,

Hirimyas 21:14

Dapat parusahan niku kamu angay sa manga pagbuwatun niyu. Irubun niku kanyu manga katalunan tugka ti tanan sa kanyu sangput mairub. Aku, ti Panginuun, ti magsabi inda.”

Hirimyas 22:5

Dapat nu unman niyu sundun inda kang manga sugu, pag-isumpa niku sa kang sadili mawasak inda pag balay hari.”

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Hirimyas 39:8

Sa Hirusalim waydi, inirub manga taga Babilunya ti manga balay hanggan ti balay hari, ag winayak nida ti manga alad batu.

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Hirimyas 49:27

Irubun niku ti manga alad batu sa Damasku, hanggan ti marig-un pag ulian ni Hari Bin Hadad. Aku, ti Panginuun, ti magsabi inda.”

Hirimyas 52:13

Inirub niya ti Balay Diyus Panginuun, ti balay hari, ti tanan balay sa Hirusalim, ag ti tanan manga mahalaga pag daraka balay.

Hirimyas 6:17

Nagpauli aku manga manugbantay bag-u magkun sa kanyu, ‘Patingihi niyu ti tunug budyung bilang pasandam.’ Dapat magkun kamu, ‘Balaw kami mamatingi.’

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Karukuan 2:6

Dinaut niya kay Balay ga payag lang sa tanman. Ipinahintulut niya kalimtan nasakupan Hirusalim ti itinagka pag manga pista ag manga Sirang Pamahari. Sa kay masyadu pag pangagalit ipinurya niya ti hari hanggan ti manughandug.

Karukuan 4:11

Ipinasamit Panginuun kay buu pangagalit sa Hirusalim. Nakan inirub niya inda hanggan ti manga patakinan inda.

Isikil 16:41

Sunugun nida kanmu manga balay ag parusahan nida kawu sa atubangan mayamu manga babayi. Amparahun niku kanmu kahalayan pagpanguragin ag kanmu magbayad sa kanmu manga katagbu.

Isikil 21:15

Takigan sida sa kadalaan ag mayamu ti midamhak sa kanda. Ipinauli yi niku ti baladaw sa manga sabian nida banwa hampay mumatay sa kanda. Magsiak inda parihu sa kilat ag alistu sa pagpanmatay.

Isikil 21:3

Sabihi sida aku, ti Panginuun Diyus, magkun: Kalaban niku kamu! Ayitun niku kang baladaw ag panmatyun niku kamu tanan, mayad man ngatay daut.

Isikil 22:8

Unman nimu paggalangun kang banal pag manga bagay ag unman nimu pag-igalang ti manga Sirang Pamahari kang pag-ipatupad.

Isikil 23:38

Purya sitay, inuringan waya nida kang Balay Diyus ag ti manga Sirang Pamahari kang pag-ipatupad sa kanda. Pagka sirang ihinandug nida kanda manga anak sa kanda diyus-diyusan, nagsulud sida sa kang Balay, ag sa Sirang Pamahari waya tunda. Sa katida pag inuringan nida kang Balay.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Amus 1:10

Nakan sunugun niku ti manga alad batu Tiru hanggan ti mapag-un pag manga bahagi sa inda pag banwa.”

Amus 1:12

Nakan sunugun niku ti Timan hanggan ti mapag-un pag manga bahagi Busra.”

Amus 1:14

Nakan sunugun niku ti manga alad batu sa Raba hanggan ti mapag-un pag manga bahagi banwa habang magriringgitan ti manga kalaban maggira sa kanda, maghagunung parihu sa bagyu.

Amus 1:4

Nakan sunugun niku ti balay hari ni Hari Hasail hanggan ti mapag-un pag manga bahagi Damasku ti ipinabwat niya anak si Hari Bin Hadad.

Amus 1:7

Nakan sunugun niku ti manga alad batu Gasa hanggan ti mapag-un pag manga bahagi banwa.

Amus 2:2

Nakan sunugun niku ti Muab hanggan ti mapag-un pag bahagi Kiryut. Mamatay ti manga taga Muab habang magriringgitan ag magpatunug manga budyung kanda manga kalaban maggira sa kanda.

Diyuturunumiyu 32:22

Dahil kang pangagalit maglabdab ga apuy. Mag-irub inda sa daga ag sa tanan asan, hanggan sa kaabasad-basadan daga, ag sa manga paratungtungan manga bantud.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.