Hirimyas 17:23 - Hanunuu

²³ dapat balaw sida nagpatingi sa kangku. Maganit gid kanda ulu! Balaw nida pagtanggapun kang manga pag-itudlu sa kanda.

Hirimyas 17:23 Iomraidhean Croise

Kanta 50:17

Pagkadat-an niyu kang magtamyaw sa kanyu; unman niyu pagpansinun kang manga pagbagawun.

Kabagawan 1:3

Makatadlung diman inda sa kanmu ugali agud dumunung kawu magkabuhi mapininsarun, makatadlungan ag may katapatan.

Kabagawan 1:5

Sa panab-anan pagpatingi, ti madunung lalu waya gid dumunung ag maawatan ti manga may inadalan,

Kabagawan 29:1

Ti tawu magpaganit waya gid kay tagipusuun una pira yi ginan siya tamyawun midamhak lang rargu ag unman yi makabangun waya.

Kabagawan 5:12

Ag sumabi kamu, “Malu ngani dahil unman niku binati ti manga pagtadlung sa kang sadili.

Kabagawan 8:10

Pahalagai ti kadunungan hanggan kang pagtadlung sa kanyu ugali kaysa gintu ag pilak.

Isayas 48:4

Alam niku nu kabitay ka ganit kanyu ulu. Kanyu liug parihu kay ka ganit sa baul, kanyu bangas parihu kay kaganit sa galang.

Hirimyas 11:10

Hinuwad nida ti manga binwat kasalanan nida manga ginurang balaw gid nagpaniwala sa kang manga bagaw. Nagsamba diman sida sa manga diyus-diyusan. Ti nasakupan Israil hanggan Huda parihu naglabag sa binwat niku kasunduan sa kanda manga ginurang.

Hirimyas 19:15

“Pagpatingi kamu, dahil inda ti pagsabihun Panginuun Makamaskihan, ti Diyus Israil: Ipadara niku sa inda pag banwa hanggan sa manga baryu sa kay kalibut ti pagsabihun niku pag parusa dahil maganit kanda ulu ag dayu sida mamatingi sa manga pagsabihun niku.”

Hirimyas 32:33

Nagpakarayu sida sa kangku una pirmi niku sida pagtudluan. Dayu sida mamatingi ag dayu sida magpatudlu.

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 5:3

Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Hirimyas 6:8

Manga taga Hirusalim, pasandam inda sa kanyu nu dayu waya kamu mamatingi, pakarayu gid aku sa kanyu; ag buwatun niku mapung-aw kanyu daga, udyi may mangulian siyun.”

Hirimyas 7:28

Nakan inda kanmu sabihun sa kanda: Inda pag nasyun kay manga nasakupan dayu magsunud sa Panginuun nida Diyus, hanggan dayu magpatudlu. Udyi sa kanda ti katutuuhanan; udyi sida magbagaw tutuu.

Isikil 20:13

“ ‘Dapat naglaban di maan sida sa kangku ati sa pangawakawaan. Unman nida sinunud kang manga sugu hanggan manga surundanun, nu tupadun mana nida mangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku sa kanda kang pangagalit hampay midamhak sida lubus ati sa pangawakawaan.

Isikil 20:16

Isinumpa niku inda sa kanda dahil unman nida sinunud kang manga sugu ag manga surundanun, ag linabag nida ti manga Sirang Pamahari kang ipinatupad sa kanda. Ipinalabi waya nida ti pagsamba sa kanda manga diyus-diyusan.

Isikil 20:21

“ ‘Dapat kanda manga anak naglaban diman sa kangku. Unman nida sinunud kang manga sugu hanggan manga surundanun, nu tupadun mana nida magpangabuhi sida. Unman gid nida pinahalgaan ti manga Sirang Pamahari kang ipinatupad sa kanda. Nakan magkun aku ipaagum niku kang masyadu pag pangagalit sa kanda ati sa pangawakawaan.

Sipanyas 3:7

Dahil sa kang manga binwat inda inisip niku igalang yi aku niku manga nasakupan ag tanggapun yi nida kang tamyaw sa kanda, hampay balaw yi maguba kanda banwa angay sa kang itinagka sa kanda. Dapat lalu waya gid sida nagpakadaut.

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

Talaghusay 6:10

Magkun aku sa kanyu aku ti Panginuun niyu Diyus ag dapat balaw kamu magsamba sa manga diyus manga Amuriyu kanda rugar imaw ti kanyu pag-ulian kainda. Dapat unman kamu nagpatingi sa kangku.’ ”