Hirimyas 17:2 - Hanunuu

² Una kanyu manga anak magsamba sa manga harandugan niyu hanggan sa manga tulduk tanda diyusa si Asira sa sirung maraybung pag puun kayu ag sa manga babaw tagudtud.

Hirimyas 17:2 Iomraidhean Croise

2 Krunika 24:18

Nagpasya sida pabay-anan yi lang ti Balay Diyus Panginuun, ti Diyus nida manga ginurang, ag mansamba yi lang sa tulduk tanda diyusa si Asira ag sa iba waya pag manga diyus-diyusan. Dahil sa binwat nida, nagalit ti Diyus sa Huda ag Hirusalim.

2 Krunika 33:19

Kay darangin hanggan ti sagut Panginuun sa kanya, hanggan ti tanan niya kasalanan ag paglabag sa Panginuun, nakasurat sa ribru manga Purupita. Nakalista diman sitay ti manga rugar pinatindugan niya manga simbahan, manga tulduk tanda diyusa si Asira, ag iba waya pag manga diyus-diyusan, bag-u waya siya nagpakumbaba sa Diyus.

2 Krunika 33:3

Utru niya ipinatindug ti manga simbahan sa abwat pag manga rugar, ti ipinadaut kaybi niya ama ni Isikyas. Nagpatindug diman siya manga harandugan para sa kan Baal ag nagbuwat manga tulduk tanda diyusa si Asira. Nanluhud siya ag nagsamba sa tanan pag bagay sa kalangitan.

Kanta 78:58

Pinaimun ag pinaisug nida ti Diyus dahil sa kanda manga diyus-diyusan sa manga simbahan sa abwat pag manga rugar.

Pag-ighit 34:13

Bagkus ngap, dautun niyu kanda manga harandugan, runuta kanda aramirawan pag manga batu, ag pamulda kanda manga tulduk tanda nida diyusa si Asira.

Isayas 1:29

Mangay-a kamu manga taga Hirusalim dahil sa kanyu magsamba sa manga puun kayu insina hanggan sa manga banal pag halamanan.

Isayas 17:8

Balaw yi nida adwingun kanda manga binwat harandugan. Balaw diman nida adwingun ti manga tulduk tanda diyusa si Asira, hanggan ti manga harandugan pagsunugan nida kamangyan binwat diman waydi nida manga kamang.

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 3:23

Ungud salan duy ti pagsamba nimi sa manga diyus-diyusan sa manga bantud. Sa kanmu lang ti karibrihan Israil, Panginuun nimi Diyus.

Hirimyas 3:6

Katpung udas kay maghari ni Usyas, magkun sa kangku ti Panginuun, “Nakitan aw nimu ti binwat maradaya pag Israil? Sinmamba siya sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Siya ga babayi magpanguragin.

Hirimyas 7:18

Ti manga anak magkayu, ti manga ama magpamakut apuy, ti manga babayi magkamas arina hampay buwatun tinapay para sa Rayna Langit. Magsagda diman sida manga irinmun sa iba diyus hampay galitun aku.

Isikil 20:28

Dahil katpung dinara niku sida sa daga kang itinaratu ipakaun sa kanda, naghandug sida manga handug, manga kamangyan, ag manga irinmun sa abwat pag manga rugar ag sa maraybung pag manga kayu kanda makitan. Nakan nagalit gid aku sa kanda.

Diyuturunumiyu 12:2

Nu tabugun yi niyu ti manga mag-ulian ati pag manga tawu, pandauta niyu ti tanan rugar sarambahan nida sa kanda manga diyus-diyusan: sa manga babaw bantud hanggan sa manga tagudtud, ag sa sirung maraybung pag manga kayu.

Talaghusay 3:7

Nagbuwat daut ti manga Israilita sa magbantay Panginuun dahil kinalimtan nida ti Panginuun nida Diyus ag nagsamba sa manga tawu-tawu Baal hanggan Asira.