Hirimyas 17:16 - Hanunuu

¹⁶ Panginuun, balaw duy aku magpabaya sa buruwatun bilang manugbantay manga nasakupan nimu. Balaw duy niku gustu kuntay ipadamhak nimu sida. Alam duy nimu ti manga pagsabihun niku.

Hirimyas 17:16 Iomraidhean Croise

Hirimyas 12:3

Dapat aku kilala duy nimu Panginuun. Mag-akitan nimu kang manga pagbuwatun hanggan alam nimu kang basad tagipusuun. Guyuda nimu inda pag manga tawu ga manga karanidu atag sa iriyawan. Ipablag duy nimu sida hampay iyawun.

Hirimyas 13:17

Dapat nu dayu waya gid mamatingi kamu, manlumi aku sa lihim dahil sa kanyu magpadayaw. Manlumi aku kabisug bumulus kang manga luwa dahil bihagun ti manga pinili Panginuun.

Hirimyas 15:15

Magkun si Hirimyas, “Panginuun alam duy nimu ti tanan! Alalahana ag awati duy nimu aku. Balusi duy nimu ti manga mag-unuunu sa kangku. Alam niku balaw kawu madali magkagalit, nakan danga duy nimu aku pagpabay-ani mamatay. Alalahana duy nimu ti manga kakurian niku dahil sa kanmu.

Hirimyas 18:20

Mayad duy ti pagbuwatun niku sa kanda dapat daut ti pag-ibalus nida sa kangku. Nangali sida hampay malagpak aku sa kanda kali, una yi nandangup aku sa kanmu ag nandarangin kuntay danga nimu sida pagparusahi dahil sa pangagalit nimu sa kanda.

Hirimyas 20:7

Panginuun, dinaya nimu aku ag nanalu kawu sa kangku. Nagbaliw karasarin-an aku manga tawu ag parargu nida aku pagsurugun.

Hirimyas 20:9

Nu kas-a, mag-isip aku dayi lang aku manultul tungkul sa kanmu manga bagaw. Dapat balaw duy niku maampara, dahil kanmu bagaw ga apuy maglabdab sa kang tagipusuun hanggan but-ul. Udyi niku inda kaya maampara.

Hirimyas 9:1

“Nu bubun lang mana danum kang ulu, ag kang manga mata bulbugan luwa, manlumi aku sirang yabi para sa namatay pag manga kasimanwa niku.

Amus 5:10

Kamu pag manga taga Israil, pag-ikagalit niyu ti magsintinsiya tama hanggan sa magtultul tutuu sa hurusayan.

Binwat 20:20

Alam waydi niyu unman inirangan niku una hintay pag ikaayad niyu, bagkus ngap kang itinultul ag itinudlu sa kanyu una sa tiripun una sa kang magsabang sa kanyu manga balay sa kada usa.

Binwat 20:27

Dahil tinabu gid itinudlu niku ti tanan-tanan ihinanda Diyus sa kanyu, unman gid may inirangan aku sa kanyu una di.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

2 Kurintu 2:17

Balaw kami parihu sa iba, magkaibug sida pag may bayad sa kanda magtudlu Bagaw Diyus. Bagkus ngap kami magtupad sa kay isinugu Diyus magtudlu gid kay bagaw sa atubangan Diyus dahil sa kanmi magpakiusa sa kan Kiristu.

Santiyagu 1:19

Manga mahal niku pag manga patar-ari, tandai niyu inda pag bagaw: kada tawu pagpaanad sa magpatingi, danga susun magsagut. Danga hanggan rargu magkagalit.

Santiyagu 3:1

Manga patar-ari niku, danga mana maghingbut ti mayamu sa kanyu hampay manga manugtudlu, kabay alam diman niyu kita manga manugtudlu lalu gid pihuun aban nu daut nu mayad.