Hirimyas 17:14 - Hanunuu

¹⁴ Panginuun, paayada duy nimu aku hampay maayadan; iribri duy nimu aku ag maribri aku. Kawu lang gid kang dayawun.

Hirimyas 17:14 Iomraidhean Croise

Kanta 106:47

Ribrihan kami, Panginuun nimi Diyus, ag tipuna maan kami sa kanmi daga ginan sa manga nasyun, hampay makapasalamat kami ag makadayaw sa kanmu banal pag ngaran.

Kanta 109:1

Diyus, kang pagdayawun, saguta kang magtawag sa kanmu.

Kanta 119:94

Kanmu aku, nakan ribrihan aku! Dahil maghingabut gid aku sumunud sa kanmu manga tudlu.

Kanta 12:4

Magkun sida, “Sa panab-anan nimi manga baragawun manalu kami. Pagustu kami una hintay kanmi bagawun, unman may makaampara sa kanmi.”

Kanta 148:14

Pagpabisugun niya ag pagkilal-anun kay matinupadun pag nasakupan, ti Israil pagmahalun gid niya. Dayawun ti Panginuun!

Kanta 54:1

Diyus, ribrihan aku; sa panab-anan nimu kamaskihan patutuhani unman aku may kasalanan.

Kanta 6:2

Kaawai aku ag paayada, dahil magpanlumuy yi aku.

Kanta 6:3

Nabung-anan yi gid aku, Panginuun. Kapira waya lugud nimu aku pag paayadun?

Kanta 6:4

Panginuun, patingihi duy aku ag ribrihan. Angay sa kanmu pagmahal sa kangku, ribrihan gid aku sa kamatayan.

Kanta 60:5

Ribrihan kami sa panab-anan nimu kapangyarihan. Saguta kanmi manga darangin hampay makaribri kami kanmu manga pagmahalun.

Isayas 6:10

Magkun waya siya, “Paganita nimu tunda pag manga tawu kay tagipusuun. Pabay-ani nimu sida magpabungul-bungul ag magpabuta-butaun, dahil barang makadnug sida, makakit, ag makaintindi. Dahil nu makaintindi sida, bumalik sida sa kangku, ag maayadan.”

Hirimyas 15:20

Buwatun niku kawu parihu sa maganit pag alad galang sa inda pag manga tawu. Kalabanun kawu nida dapat unman kawu nida madaug, dahil kaibahan nimu aku. Alagaan niku kawu ag iribri.

Hirimyas 3:23

Ungud salan duy ti pagsamba nimi sa manga diyus-diyusan sa manga bantud. Sa kanmu lang ti karibrihan Israil, Panginuun nimi Diyus.

Hirimyas 30:17

Dapat bulungun ag paayadun niku kanyu manga biyag una yi pagsabihun iba kuntay kamu pag manga taga Hirusalim dinayu ag pinabay-anan. Aku, ti Panginuun, ti magsabi inda.”

Hirimyas 31:18

Nadnugan niku ti hirinangbitun manga taga Ipraim. Magkun sida, “Panginuun kami duy ga manga ibun baka udwaya anad sa singkaw, dapat tinudluan duy nimu kami magsunud sa kanmu. Kawu ti Panginuun nimi Diyus, nakan ibalik yi nimu duy kami sa sadili nimi daga.

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Bilang 12:13

Nakan nanuyu si Muysis sa Panginuun, “Diyus niku, magpakihampang aku sa kanmu, paayada nimu si Miryam.”

Matiyu 14:30

Dapat pagka nakitan niya mabisug ti bagyu, nadala siya. Pagka siya mag-italnud yi sa danum, nagtawag siya magkun, “Panginuun, bawia nimu aku.”

Matiyu 8:25

Nagpakarani sida sa kan Hisus bag-u kanda pinulaw magkun, “Panginuun, iribri nimu kami, malunud yi ay duy kita.”

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Diyuturunumiyu 10:21

Dayawa niyu siya, dahil siya kanyu Diyus ti nagbuwat makamaskihan ag makadululaw pag manga bagay kanyu gid nakitan.

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.