Hirimyas 17:13 - Hanunuu

¹³ Kawu duy Panginuun, ti pagsarigan Israil. Mangay-a gid ti tanan magdayu sa kanmu. Milbung gid sida sa sirung daga dahil dinayu nida kawu, ti bulbugan magpakaun buhi.

Hirimyas 17:13 Iomraidhean Croise

Kanta 22:4

Sinmarig sa kanmu kanmi manga ginurang ag irinibri nimu sida.

Kanta 69:29

Magkabyatan aku ag mag-agwanta, nakan alagai aku, Diyus, sa panab-anan pagribri sa kangku.

Kanta 71:5

Dahil kawu kang pag-asa, Panginuun Diyus. Ginan sa anak waya aku, magsarig yi aku sa kanmu.

Kanta 73:27

Pihu gid magkaradura ti manga tawu magpakarayu sa kanmu; ipadamhak nimu sida pag manga balaw magtupad sa kanmu.

Kanta 97:7

Nangay-a ti tanan magsamba sa manga diyus-diyusan hanggan ti magpalabi-labi kanda manga diyus-diyusan. Ti tanan diyus magluhud magsamba sa Diyus.

Kabagawan 10:7

Ti matadlung pag tawu pirmi pag-alalahanun, dapat ti daut pag tawu magkalimtan.

Kabagawan 14:14

Ti tawu balusan gid angay sa kay manga binwat, mayad man ngatay daut.

Isayas 1:28

Dapat rurisun niya ti manga supakil hanggan ti makasalanan, ag midamhak ti magpatlikud sa Panginuun.

Isayas 66:5

Kamu manga may dala sa bagaw Panginuun, patingihi niyu kay padakit, “Dahil kamu matinupadun sa kangku, kinadat-an ag binugyahan kamu manga iba niyu manga kasimanwa. Pag-aringun nida kamu magkun, ‘Ipakakit yi mana Panginuun kay kamaskihan hampay makitan nimi kanmu kabayaan!’ ” Dapat mangay-a sida.

Hirimyas 14:8

Panginuun, kawu duy ti pag-asahan Israil, ti Manugribri sa udas kakurian. Hayga nagbaliw ga day-uhan lang kawu sitay sa kanmi? Hayga duy kawu ga manuglakaw magpat-ung lang usa ka yabi sa kanmi nasyun?

Hirimyas 17:17

Danga duy pagpadalaa nimu aku, dahil kawu ti palalan-iban niku sa udas kadamhakan.

Hirimyas 17:18

Padalaun duy nimu ag pakay-ahun ti manga mag-unuunu sa kangku. Dapat ay danga nimu inda buwatun sa kangku. Padarahi duy nimu sida kadamhakan hampay maruris sida lubus.

Hirimyas 17:5

Magkun waya ti Panginuun, “Saadan niku ti magpakarayu sa kangku ag magsarig lang sa tawu.

Hirimyas 19:4

Buwatun niku inda, dahil dinayu aku niku nasakupan. Inda pag luung binwat nida harandugan manga handug pagsunugun para sa iba manga diyus. Inda pag manga diyus balaw nida magkakilala, unman diman kilala nida manga ginurang, ngatay nida manga hari sa Huda. Magmatay waya sida siyun pag rugar manga ud may namuangan.

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Isikil 13:9

Parusahan niku inda pag manga purupita kanda pangakakitun balaw tutuu ag kanda pag-ihula kapudilan. Balaw sida kilalan-un sakup sa kang nasakupan ag kanda manga ngaran balaw isurat sa listahan nasakupan Israil, ag balaw diman sida makasulud sa daga Israil. Bag-u maalaman niyu aku ti Panginuun Diyus.

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Isikil 36:32

Dapat gustu niku maalaman niyu, Nasakupan Israil, pagbuwatun niku inda balaw dahil sa kanyu. Kailangan mangay-a gid kamu sa kanyu daut ugali. Aku, ti Panginuun Diyus, ti may sabi inda.”

Danyil 12:2

Buhiun ti tanan nagkaramatay. Ti iba sa kanda makatanggap buhi unman may katapusan, dapat ti iba saadan ag ipauli sa kakay-ahan unman may katapusan.

Huwil 3:16

Man-ngurub ga liyun ti Panginuun ginan sa Siun; mangurarug kay busis ginan sa Hirusalim. Nakan matandug ti daga hanggan ti langit. Dapat ti Panginuun ti mapag-un pag darangpan manga Israilita, kay nasakupan.

Sakaryas 13:1

Sinabi Makapangyarihan Panginuun, “Sa ati pag sirang, bukasan ti bulbugan para sa manga linahi ni Dabid ag sa manga mag-ulian sa Hirusalim, hampay lumpiyuhun sida sa kanda manga kasalanan ag kayagtingan. Bul-un niku ti manga diyus-diyusan sa daga Israil ag udyi gid sida maalaala waya. Paighitun niku sa Israil ti magpabalhinguun pag manga purupita hanggan ti daut pag manga ispiritu magsakup sa kanda.

Sakaryas 9:12

Kamu pag manga binihag magsarig mapalpasan, pagbalik yi kamu sa kanyu mapag-un pag manga rugar. Pagsabihun niku sa kanyu taynguna iuli niku sa kanyu dubli ti manga nadura sa kanyu.

Lukas 10:20

Dapat duy danga kamu magbaya dahil ti manga labang magpaniwala sa kanyu. Lalu ngap kamu pagbaya dahil kanyu manga ngaran ilinista yi Diyus sa langit.”

Huwan 4:10

Sinmagut si Hisus magkun, “Nu abi maalaman lang nimu nu hintay kay pag-ipakaun Diyus ag nu si unu ti naghagad kam danum, mahimu kawu ngap mana ti humagad sa kanya, hampay ipakaun niya sa kanmu ti danum imaw ti makapakaun buhi sa tawu.”

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Binwat 28:20

Nakan hinigtan inda aku tarikada dahil sa kanya, sa pag-asahan nasyun Israil. Nakan ngani kang gustu magkarahampang kita.”

1 Timutiyu 1:1

Inda ti may surat si Pablu, kay apustul ni Kiristu Hisus angay sa kay sugu Diyus imaw ti Manugribri nita, ag ni Kiristu Hisus imaw kanta pag-asahan.

Ipinakakit 20:15

Ayinmut waydi sa danaw apuy una si unu ti unman nisurat kay ngaran sa ribru kabuhian.

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 22:17

Pagsabihun Ispiritu hanggan aguman babayi magkun, “Pagsitay yi gid duy kawu.” Ti tanan nakadnug inda pagsabi waydi, “Pagsitay yi gid kawu.” Una si unu ti magkauwaw pagpakarani, pagbuul danum makapakaun tutuu pag buhi. Pakan-an diman siya unman may bayad.

Ipinakakit 7:17

Dahil ti Anak Karanidu sa karaw-an tukawan hari tig-alaga sa kanda. Sida ibahan niya sa manga bulbugan gimpuunan buhi. Payidan Diyus kanda luwa sa kanda manga mata.”