Hirimyas 17:11 - Hanunuu

¹¹ Ti tawu nagyaman sa daut pag paraan parihu sa manuk mag-ukub sa balaw kanya pag itlug. Aban sa uryan, sa pangatungaan niya buhi, madura kay kayamanan ag mapatutuuhanan siya busal.”

Hirimyas 17:11 Iomraidhean Croise

Hub 20:21

Dapat unman yi may masawad sa kanya kay makaun, dahil kay kayamanan malyam lang.

Kanta 49:13

Imaw inda ti patabgan manga tawu magsarig sa kanda sadili, ag imaw diman ti patabgan manga magsunud ag magpaniwala sa kanda pagsabihun.

Kanta 55:23

Dapat ti manga manugmatay hanggan ti manga magdaya iyamut niya sa ulian manga namatay, sa unman waya magbaligtunga kanda buhi. Dapat aku, sumarig sa Diyus.

Kabagawan 13:11

Ti kayamanan nab-ul sa daya pag paraan madali lang madura, dapat ti kayamanan pinangabudlayan mag-unlad.

Kabagawan 15:27

Ti tawu maramuun sa kayamanan sa daut pag paraan, magdara gulu sa kay magtal-anakan. Ti tawu balaw magtanggap suhul lumawig kay buhi.

Kabagawan 21:6

Ti kayamanan nab-ul sa daya madali lang madura, ag magdara tag sa kamatayan.

Kabagawan 23:5

Ti kuwarta madura sa usa lang ka pidpiraw, ga may pakpak ag maglayang tag sa arayu parihu sa agila.

Kabagawan 28:16

Subra maisug ti manugpanguna unman may pan-intindi. Ti manugpanguna balaw magkaibug yumaman sa daut pag paraan lumawig kay buhi.

Kabagawan 28:20

Papaladan gid Diyus ti masarigan pag tawu, dapat ti tawu magmadali yumaman parusahan.

Kabagawan 28:22

Ti tawu maraibgun sa kuwarta magdali yumaman, dapat unman niya alam kumuri ngap maaw siya.

Kabagawan 28:8

Nu magyaman kawu sa panab-anan pagpatubu kuwarta, kanmu kayamanan miatag sa tawu maraawat sa pugri.

Hirimyas 22:13

Kaawaawa gid kawu Hihuyakim, nagbungsud kawu kanmu balay hari sa panab-anan daut pag paraan. Pinatarabahu nimu kanmu kaparihu una unman may upa.

Hirimyas 22:17

Dapat kawu bay, unman may tuhay pagkaibgan nu ud mandaya, magmatay manga tawu unman may kasalanan, mag-api, hanggan magpandahas.

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Amus 3:10

Inda ti pagsabihun Panginuun Diyus laban sa Samarya: “Unman sida madunung magbuwat matadlung. Ti mapag-un pag bahagi banwa nida punu manga butang tinakaw hanggan inaghas. Nakan girahun sida manga kalaban ag dautun kanda manga kampu. Bul-un manga kalaban ti manga kasiyunan sa mapag-un pag bahagi banwa.”

Mikas 2:9

Pagpalayasun niyu kanda manga kababayihan ginan sa kanda manga pagmahalun pag balay. Ag pagbul-un niyu ti manga ipinakaun niku pag papalad sa kanda manga anak, nakan madura yi inda sa kanda hanggan aban.

Mikas 7:3

Antigu sida magbuwat kadautan. Ti manga takinan ag manga talaghusay magtanggap upa. Magsunud lang sida sa gustu manga tawu bantug ag may kapangyarihan. Magkarausa sida hampay baliktadun ti katadlungan.

Sipanyas 1:9

Parusahan diman niku sa ati pag sirang ti tanan magpaamut sa manga turupadun manga unman magkilala sa kangku, ag ti manga mag-unuunu ag magdaya hampay pun-un manga bagay ti balay nida amu.

Sakaryas 5:4

Magkun ti Makapangyarihan Panginuun, ‘Ipadara niku inda pag manga saad sa ulian manga manugtakaw ag sa ulian manga magsumpa may kapudilan sa kang ngaran. Pumirmaminti inda sa kanda balay tugka sa magkarawayak inda.’ ”

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Lukas 12:20

Dapat kay sabi Diyus sa kanya, ‘Kawu pag tawu ga ud may namuangan. Sab yabi bul-un yi niku kam buhi. Kanmu itinigana hamnu kantapu yi nguna aban tida?’ ”

1 Timutiyu 6:9

Dapat ti tawu nu maghingbut sa yumaman, madara siya sa tuksu ga nasduk sa mayamu pag kadautan ag sa unman may kabuluhan pag manga paghangadun, imaw ti magdara sa kanya tabug sa kadamhakan.

Titu 1:11

Kailangan sida amparahan sa kanda maglaban hanggan magdaya, dahil pagguluhun nida ti manga magtal-anakan. Basta sida sa kumakit lang kuwarta, pag-itudlu nida ti unman kailangan itudlu.

2 Pidru 2:14

Unman sida may paghanapun nu ud pararauragan lang. Ud magsuku sida sa magbuwat kasalanan. Pagtaban-tabanun nida ti manga malumuy tag sa kasalanan. Anad gid sida sa maramuun. Sida manga sinaadan yi Diyus.

2 Pidru 2:3

Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.