Hirimyas 17:1 - Hanunuu

¹ Magkun ti Panginuun, “Manga taga Huda, nakaukit sa maganit niyu tagipusuun kanyu manga kasalanan ga manga bagaw nakaukit sa batu ngatay sa sungay ati sa suuk manga harandugan niyu.

Hirimyas 17:1 Iomraidhean Croise

Kabagawan 3:3

Pagmayad ag matapat kawu; danga inda pagduraa nu unman ituduk gid nimu sa kanmu tagipusuun.

Kabagawan 7:3

Itanum inda sa kanmu kaisipan hampay balaw gid nimu malimtan.

Isayas 49:16

“Hirusalim, balaw gid kawu malimtan. Isinurat niku kanmu ngaran sa kang manga dalukap. Pirmi niku pag-isipun maipatindug maan kanmu manga alad batu.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 2:22

Una marigus kamu ag manpakasabun, makitan diman niku ti uring manga kasalanan niyu. Aku, ti Panginuun Diyus ti magsabi inda.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Hirimyas 4:14

“Manga taga Hirusalim, lumpiyuha niyu ti kadautan sa kanyu tagipusuun hampay maribri kamu. Tugka kapira kamu mag-isip sa daut?

Husyas 12:11

Dapat parargu diman gid ti manga taga Gilyad sa kanda manga buruwatun daut unman gid may pulus, bag-u ti nasakupan Gilgal maghandug manga tudu baka sa manga diyus-diyusan. Pihu gid dautun kanda manga harandugan ag bumaliw inda parihu sa manga tinumpuk batu bin-ul sa inaradu pag daga.

Husyas 7:2

Unman nida pag-isipun magkaala-ala niku kanda tanan kadautan. Taynguna tugka masaudan di sida sa kanda manga kasalanan ag mag-akitan niku inda tanan.

Husyas 8:11

Tutuu nagbuwat sida mayamu pag manga harandugan para sa manga handug panlumpiyu, dapat siyun diman sida pag rugar pag nagbuwat kadautan.

Libitiku 4:25

Bag-u isawsaw manughandug kay ituturu sa dugu kambing ag ipayid niya sa manga ga sungay sa suuk harandugan handug pagsunugun. Ti nasawad pag dugu ibuhus niya sa sirung harandugan.

Sakaryas 7:12

Pinaganit nida kanda manga tagipusuun parihu sa batu, ag unman sida nagpatingi sa Kasuguan ag manga bagaw pag-ipasabi niku Ispiritu sa manga purupita kaybi. Nakan aku, ti Panginuun Makamaskihan magkagalit gid masyadu.

2 Kurintu 3:3

Kamu malinaw pag pinagkasurat ni Kiristu kanmi ipinadangat. Inda nisurat balaw ga kinta nu unman ginan sa Ispiritu Diyus buhi, balaw sa binagasbasan batu nu unman sa tagipusuun tawu pag isinurat.