Hirimyas 16:6 - Hanunuu

⁶ Magkaramatay sida sa inda pag daga, mayaman man ngatay pugri, ag unman may manlubung sa kanda. Unman may tawu manmiyag sa sadili nida ngatay manpauguy hampay ipakakit kanda maghimanglaw sa manga namatay.

Hirimyas 16:6 Iomraidhean Croise

2 Krunika 36:17

Ipinagira niya sida sa manga taga Babilunya. Pinanmatay manga taga Babilunya kanda manga kalay-awan lalaki una sa Balay Diyus. Unman gid sida may pangaawa una sa kantapu, lalaki man ngatay babayi, anak man ngatay gurangun, masakitun man ngatay bukun. Ipinabahala Diyus ti tanan niya nasakupan kan Nabukudunusur.

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Isayas 24:2

Usa lang ti ras-ugan tanan: manughandug man ngatay nasakupan, amu ngatay suruguun, manugtinda ngatay manugpabili, manugpautang ngatay manug-utang.

Hirimyas 13:13

Sabihun nimu sa kanda kuntay inda ti ibug niku sabihun: ‘Parusahan niku ti tanan nasakupan sa inda pag daga, parihu ga linangu niku sida intus. Parusahan niku ti manga hari kay linahi ni Dabid, ti manga manughandug, manga purupita, hanggan ti tanan nasakupan Hirusalim.

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 41:5

may 80 ka lalaki atabug sa Mispa ginan sa Sikim, sa Silu, ag Samarya. Kinidkid nida kanda manga bungut, ginitas kanda manga rutay ag biniyagan kanda manga bilug hampay ipakakit naghimanglaw sida. May manga dara sida handug hampay pagdayawun ti Panginuun ag manga kamangyan hampay ihandug sa Balay Diyus Panginuun.

Hirimyas 47:5

Ti manga taga Gasa mamakidkid, puruyba sa paghimanglaw nida, ag ti manga taga Askalun unman mag-ingay sa karukuan. Kamu pag manga nasakupan sa karatagan, tugka kapira niyu biyagan kanyu sadili hampay ipakakit kanyu karukuan?

Hirimyas 48:37

Ti kada usa nagpaburayhaw kanda karukuan sa panab-anan pagpakidkid, pag-uguy bungut, pagbiyag sa kanda manga kamang ag pagsulung manga rutay panhimanglaw.

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Hirimyas 8:2

Bag-u wayakun inda sa daga mabuladan sa init, sa rayaw bulan, ag manga pamgasan kanda pagmahalun, sinirbihan, sinunud, pinaingan-an, ag sinamba. Udyi utru tipunun ti manga but-ul nida una ilubung, nu unman wayakun yi lang sa daga ga ugat.

Libitiku 19:27

Nu manruku kamu sa namatay danga niyu pagpuldi kanyu buhuk sa sangput niyu ulu ngatay puldun kanyu bungut.

Libitiku 19:28

Danga diman niyu pagbiyagi kanyu bilug. Ag danga diman kamu magpatatak sa kanyu bilug. Aku ti Panginuun.

Amus 6:11

Sa tutuu, nu ti Panginuun yi ngani ti magsugu, wayakun niya ti tanan balay, dariit ngatay daraka.

Matiyu 9:23

Pagka rinmas-ug si Hisus sa balay pinunu, nakitan niya ti manga manugpalawta hanggan ti kayamuan tawu mag-iringayan.

Diyuturunumiyu 14:1

“Manga anak kamu Panginuun niyu Diyus. Nakan nu manruku kamu sa namatay, danga niyu pagbiyagi kanyu sadili aw ngatay kidkidun kanyu tungud bangas.

Ipinakakit 20:12

Nakitan niku matindugan sa atubangan tukawan hari ti manga namatay, manga may kangaranan ag manga unman. Bag-u binuklad ti manga ribru. Binuklad ti usa waya ka ribru, imaw ti ribru kabuhian. Pinila ti manga matadlung ginan sa manga balaw matadlung angay sa kanda manga binwat parihu sa isinurat sa manga ribru.

Ipinakakit 6:15

Ti manga hari sa babaw daga hanggan ti manga may kangaranan, ti manga pinunu sundalu, ti manga mayaman, ti manga may kamaskihan hanggan ti tanan manga panawuhun una manga balaw panawuhun, sida tanan-tanan napatagu sa manga lukib ag sa manga salipitan batu sa bantud.