Hirimyas 16:17 - Hanunuu

¹⁷ Nakitan niku ti tanan ugali nida. Unman may una hintay ti mag-itagu sa kangku. Nakitan diman niku ti manga kasalanan nida.

Hirimyas 16:17 Iomraidhean Croise

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

Hub 10:14

bantayan nimu aku nu sumalan, bag-u balaw nimu aku patawadun.

Hub 31:4

Magkaalaman gid Diyus ti tanan niku pagbuwatun.

Kanta 139:3

Pagbantayan nimu aku sa kang magtarabahu ag magpahari. Alam nimu ti tanan niku pagbuwatun.

Kanta 33:15

Siya ti nagpakaun kaisipan sa tanan tawu, ag alam niya ti tanan nida pagbuwatun.

Kanta 51:9

Bul-a kang manga kasalanan; panasa ti tanan niku kadautan.

Kanta 90:8

Mag-akitan nimu kanmi manga kasalanan. Una ti manga kasalanan nabwat nimi sa lihim, alam di nimu.

Kabagawan 15:3

Mag-akitan Panginuun ti tanan, una naan pag rugar. Pagbantayan niya ti manga pagbuwatun manga daut hanggan manga matadlung.

Kabagawan 5:21

Dahil mag-akitan Panginuun ti tanan nimu pagbuwatun; una naan kawu katpung maghiling siya.

Isayas 29:15

Kaawaawa kamu pag manga magtagu kanyu manga gayak sa Panginuun. Pagbuwatun niyu kanyu manga buruwatun sa madlum ag pagsabihun niyu, “Unman may kumakit ngatay may umalam sa kanta pagbuwatun.”

Isayas 66:18

Alam niku kanda pagbuwatun ag pag-isipun. Nakan rumas-ug aku tipunun niku kang manga nasakupan sa tanan nasyun, bag-u makitan nida kang kadayawan.

Hirimyas 2:22

Una marigus kamu ag manpakasabun, makitan diman niku ti uring manga kasalanan niyu. Aku, ti Panginuun Diyus ti magsabi inda.

Hirimyas 23:24

Una si unu unman may makapatagu sa kangku una naan pag lihim rugar mag-akitan di niku. Balaw aw alam niyu kuntay aku ati sa langit, asan sa daga ag una naan? Aku, ti Panginuun, ti magsabi inda.

Hirimyas 29:23

Mangyari inda sa kanda dahil nagbuwat sida manga mayagting pag bagay sa Israil. Nanguragin sida sa asawa nida kaparihu ag nagbagaw kapudilan sa ngaran niku balaw kang pag-isugu kuntay buwatun nida. Magkaalaman niku kanda manga pagbuwatun, bag-u makapatutuu aku laban sa kanda. Aku, ti Panginuun, ti magsabi inda.”

Hirimyas 32:19

Pinakamarinu duy kanmu manga gayak ag makadululaw kanmu manga buwat. Mag-akitan nimu ti tanan pagbuwatun manga tawu ag pagbalusan duy nimu sida angay sa pag-ugaliun ag buwat nida.

Hirimyas 7:11

Hayga, unu kanyu hantup inda pag Balay Diyus kang pinili agud sambahun aku, paratag-an aw manga mananakaw? Mag-akitan niku ti manga pagbuwatun sa Balay Diyus. Aku, ti Panginuun, ti magsabi inda.

Isikil 8:12

Bag-u magkun ti Diyus sa kangku, “Anak tawu, malu nakitan yi nimu nu hintay ti pagbuwatun sa lihim manga paggurangunun sa Israil? Kada usa sa kanda asan sa sulud-sulud niya diyus-diyusan. Magkun sida, ‘Unman magbantay ti Panginuun sa kanta; binugyahan yi niya ti Israil.’ ”

Isikil 9:9

Nagsagut siya sa kangku, “Masyadu yi gid ti kasalanan nasakupan Israil ag Huda. Masyadu yi ti maratyan ag unman yi may katadlungan sa banwa. Magkun waya sida, ‘Unman magbantay ti Panginuun sa kanta; binugyahan yi niya ti Israil.’

Sipanyas 1:12

“Sa ati pag sirang, usisaun niku mayad ti manga taga Hirusalim ag parusahan niku ti manga tawu masalimpayaan lang sa buhi ag magkumun, ‘Unman may buwatun ti Panginuun, mayad ngatay daut.’

Sakaryas 4:10

May manga tawu magpuya dahil pira di waya ti nabuwat sa pagpatindug sa Balay Diyus. Dapat makabaya sida nu makitan nida pag-ipauli yi ni Surubabil ti pinaka-uryan ag pinakamahalaga pag batu sa Balay Diyus. Pagkatapus, magkun sa kangku ti anghil, “Inda pag pitu ka sulu tanda mata Panginuun magbantay sa buu kalibutan.”

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.