Hirimyas 16:13 - Hanunuu

¹³ Nakan palayasun niku kamu sa inda pag daga atabug sa daga balaw niyu alam, hanggan niyu manga ginurang. Bag-u ati, pumasawa kamu sa pagsirbi sa tuhay pag diyus sirang ag yabi, ag balaw yi niku kamu kaawaan.’

Hirimyas 16:13 Iomraidhean Croise

2 Hari 25:21

sakup Hamat. Ag ati pag minatay sida hari. Nakan ti nasakupan Huda binihag, dinara sa arayu sa kanda daga.

2 Krunika 7:20

paighitun niku kamu sa daga kang ipinakaun sa kanyu, ag dayuun niku inda pag Balay Diyus ti pinili niku pag rugar nu naan pagdayawun aku. Ag inda puyaan ag kasarin-an tanan tawu.

Kanta 81:12

Nakan pinabay-anan niku kamu sa kanyu kaganitan ulu, ag binwat niyu kanyu pagkaibgan.

Hirimyas 10:18

Dahil inda ti pagsabihun Panginuun, “Pagpatingi kamu! Paighitun niku kamu sitay ginan pag daga. Pakurianan niku kamu tugka sa masamitan niyu ti pangagalit niku.”

Hirimyas 14:8

Panginuun, kawu duy ti pag-asahan Israil, ti Manugribri sa udas kakurian. Hayga nagbaliw ga day-uhan lang kawu sitay sa kanmi? Hayga duy kawu ga manuglakaw magpat-ung lang usa ka yabi sa kanmi nasyun?

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 15:14

Buwatun niku kamu panawuhun niyu manga kalaban sa daga balaw niyu alam, ag ipaagum niku sa kanyu kang pangagalit ga maglabdaban apuy.”

Hirimyas 15:4

Kadat-an sida tanan nasyun sa kalibutan dahil sa binwat ni Manasis (kay anak ni Isikyas) sa Hirusalim katpung hari waya siya Huda.

Hirimyas 16:5

Magkun waya ti Panginuun, “Danga kawu magsulud sa manga balay may manga namatay. Danga kawu magpanrukuan sa kanda ngatay pumakakit magkaawa una sa kantapu. Dahil bin-ul yi niku kang pagmahal ag pangaawa sa inda pag manga tawu.

Hirimyas 17:4

Madura sa kanyu kang ipinakaun pag daga. Buwatun niku kamu suruguun niyu manga kalaban ati sa balaw niyu alam pag rugar, dahil ginalit niyu aku parihu sa maglabdaban apuy balaw magkapsa hanggan aban.”

Hirimyas 22:26

Kawu hanggan kanmu ina ipayamut niku sa iba pag nasyun, ag ati kamu pag mamatay.

Hirimyas 22:28

Hihuyakin, kawu ga gipak anglit udyi magkakinabangan. Nakan iyamut niku kamu hanggan kanmu manga anak sa nasyun balaw niyu alam.”

Hirimyas 5:19

Nu may magpaingana, ‘Hayga binwat Panginuun nita Diyus inda tanan sa kanta?’ Sabihun nimu sa kanda, ‘Dahil dinayu niyu ti Panginuun ag nagsirbi kamu sa iba pag diyus sa kanyu sadili daga. Nakan taynguna, sumirbi kamu sa manga day-uhan sa daga bukun kanyu.’

Hirimyas 6:15

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.”

Diyuturunumiyu 28:36

“Kamu hanggan kanyu pinili pag hari ipabihag Panginuun sa balaw niyu kilala pag nasyun una niyu manga ginurang. Ati pag mansamba kamu sa iba pag manga diyus buwat sa kayu ag batu.

Diyuturunumiyu 29:28

Sa masyadu pag pangagalit Panginuun, pinalayas niya sida sa kanda nasyun ag ipinabihag sa iba pag nasyun nu naan pag mag-uli sida kainda.’