Hirimyas 16:12 - Hanunuu

¹² Mas subra waya kamu daut kaysa manga kaumputan niyu. Ti kadautan ag kaganitan niyu manga tagipusuun ti sinunud niyu, bagkus aku mana di kanyu sundun.

Hirimyas 16:12 Iomraidhean Croise

Gimpuunan 6:5

Pagka nakitan Panginuun ti manga pagbuwatun manga tawu sa kalibutan lunsay lang kadautan, ag kanda pag-isipun pirmi kadautan,

Gimpuunan 8:21

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.

Manugtudlu 8:12

Una makabwat mayamu pag kasalanan ti tawu, mahimu mabuhi diman siya dugay. Dapat alam niku mayad ti patabgan tawu maggalang sa Diyus,

Manugtudlu 9:3

Imaw inda ti unman mayad sa tanan pag magpangyari sa kalibutan: parihu lang ti ras-ugan tanan. Balaw lang inda, nu unman lunsay lang kadautan ag kalukuhan ti pag-isip-isipun tawu habang magkabuhi siya; ag sa uryan mamatay diman siya.

Hirimyas 13:10

Dayu magsunud inda pag manga daut tawu sa manga pagsabihun niku. Pagsundun nida ti kagustuhan maganit nida tagipusuun magsirbi ag magsamba sa manga diyus-diyusan. Nakan miparihu sida sa tunda pag huragkus udyi mapakinabangan.

Hirimyas 17:9

“Ti tagipusuun tawu madaya subra sa tanan, ag lubus gid daut; si unu ti makaalam inda?

Hirimyas 18:12

Dapat sumagut ti manga tawu, ‘Balaw mahimu! Iparargu diman nimi kanmi gustu; sundun nimi ti daut ag kaganitan nimi tagipusuun.’ ”

Hirimyas 22:28

Hihuyakin, kawu ga gipak anglit udyi magkakinabangan. Nakan iyamut niku kamu hanggan kanmu manga anak sa nasyun balaw niyu alam.”

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Hirimyas 9:14

Bagkus ngap sinunud nida ti disisyun maganit pag tagipusuun nida. Nagsamba sida sa kan Baal parihu sa itinudlu sa kanda nida manga kaumputan.

Karukuan 5:7

Nagsalan kanmi manga ginurang namatay yi taynguna, ag kami ti mag-agwanta dahil sa kanda kasalanan.

Isikil 20:30

“Taynguna, sabihi ti nasakupan Israil aku, ti Panginuun Diyus, magbagaw: ‘Dagtaan diman aw lugud niyu kanyu sadili parihu sa binwat niyu manga ginurang, ag mansamba diman aw lugud kamu sa kanda mayagting pag manga diyus-diyusan?

Amus 2:4

Inda ti pagsabihun Panginuun tungkul sa Huda: “Dahil sa parargu pagbuwat kasalanan ti manga taga Huda, parusahan gid niku sida. Dahil binugyahan nida kang kasuguan ag unman nida sinunud kang manga surundanun. Pinatalang sida nida pagsirbi sa manga diyus-diyusan imaw diman ti sinirbihan nida manga ginurang.

Malakyas 3:7

Parihu kamu sa kanyu manga ginurang; unman kamu nagsunud ag nagtupad sa kang manga surundanun. Kainda, pagbalik kamu sa kangku, sa Panginuun Makamaskihan, ag bumalik aku sa kanyu. Dapat magpaingana waya kamu, ‘Kabitay kami makabalik sa kanmu?’

Markus 7:21

Dahil ginan sa tagipusuun tawu pag magluwang ti manga daut pag naisipan, ti mag-uragin, ti magtakaw, ti maglibun sa kaparihu tawu,

Diyuturunumiyu 29:19

Una si unu ti nakadnug sa inda pag manga pasandam saad danga mag-isip kuntay balaw siya maunu nu pumarargu siya sa kay gustu. Ti tutuu, magdara inda kadamhakan sa kanyu tanan.

Diyuturunumiyu 9:27

Danga yi duy pag-intindiha nimu ti kaganitan nida ulu, hanggan ti kadautan ag manga kasalanan nida, nu unman alalahanun nimu kanmu manga manugsirbi sida ni Abraham, ni Isaak, ag ni Hakub.

2 Timutiyu 3:13

Ti daut pag manga tawu lalu yi gid magpakadaut. Ti tawu maradaya lalu yi ngap mandaya, ag sida hanggan madaya diman.

Hibriyu 3:12

Pagdahan kamu, manga patar-ari, barang una si unu sa kanyu may daut naisipan imaw ti magpalumuy sa kanyu pagsarig hanggan di sa magpablag yi ngap sa Diyus buhi.

Talaghusay 2:19

Dapat nu namatay yi ngani ti takinan, magbalik yi maan sida sa kanda daan pag buruwatun imaw ti pagsirbi ag pagsamba sa tuhay pag manga diyus. Subra waya kanda kadautan binwat kaysa kanda manga ginurang. Balaw nida gustu tayakan kanda daut manga pagbuwatun ag manga kaganitan nida manga ulu.

1 Samwil 15:23

Ti paglapastangan sa Panginuun ga maghiri kay ka daut ag ti kaganitan ulu ga magsamba sa diyus-diyusan kay ka daut. Dahil sa kanmu pagbugya sa bagaw Panginuun, binugyahan diman niya kawu bilang hari.”