Hirimyas 16:11 - Hanunuu

¹¹ Sabihun nimu sa kanda inda kang sagut: ‘Binwat niku inda dahil dinayu aku niyu manga kaumputan. Nagsirbi ag nagsamba sida sa manga diyus-diyusan. Dinayu nida aku balaw nida sinunud kang bilin.

Hirimyas 16:11 Iomraidhean Croise

1 Hari 9:9

Sumagut ti iba, ‘Dahil binugyahan nida ti Panginuun nida Diyus ti nagpalwas sa kanda manga ginurang sa Ihiptu, nagsirbi sida ag nagsamba sa tuhay pag manga diyus. Nakan ngani pinadaran-an sida Panginuun manga kadautan.’ ”

2 Krunika 7:22

Sumagut ti iba, ‘Dahil binugyahan nida ti Panginuun, ti Diyus nida manga ginurang, ti nagpalwas sa kanda sa Ihiptu, ag nagsirbi sida ag nagdangup sa tuhay pag manga diyus. Imaw kay dahilan nu hayga pinadaran-an sida Panginuun inda pag manga kadamhakan.’ ”

Hirimyas 13:22

Nu paingan-un nimu kanmu sadili nu hayga kawu nipadamhak ga babayi ginitas kay rutay ag ginahus, dahil sa kaadukun nimu kasalanan.

Hirimyas 2:8

Una manga manughandug unman naghanap sa kangku. Ti manga manugtudlu Kasuguan unman magkilala sa kangku. Ti manga takinan nagalit laban sa kangku. Ti manga purupita nagpadakit sa ngaran ni Baal ag nagsunud sa manga diyus-diyusan unman may pulus.

Hirimyas 22:9

Ag inda ti isagut sa kanda, ‘Dahil dinayu nida ti kasunduan Panginuun nida Diyus, bag-u nagsamba hanggan nagsirbi sida sa manga diyus-diyusan.’ ”

Hirimyas 44:3

dahil sa kadautan binwat manga nasakupan nida. Ginalit nida aku sa pagsunug nida manga kamangyan ag pagsamba sa manga diyus-diyusan balaw nida kilala ngatay nida manga kaumputan.

Hirimyas 8:2

Bag-u wayakun inda sa daga mabuladan sa init, sa rayaw bulan, ag manga pamgasan kanda pagmahalun, sinirbihan, sinunud, pinaingan-an, ag sinamba. Udyi utru tipunun ti manga but-ul nida una ilubung, nu unman wayakun yi lang sa daga ga ugat.

Hirimyas 9:14

Bagkus ngap sinunud nida ti disisyun maganit pag tagipusuun nida. Nagsamba sida sa kan Baal parihu sa itinudlu sa kanda nida manga kaumputan.

Karukuan 5:7

Nagsalan kanmi manga ginurang namatay yi taynguna, ag kami ti mag-agwanta dahil sa kanda kasalanan.

Isikil 11:21

Dapat ti maraibgun pag magsamba sa kanda mayagting pag manga diyus-diyusan, parusahan niku sida angay sa kanda binwat. Aku, ti Panginuun Diyus, ti magbagaw inda.’ ”

Amus 2:4

Inda ti pagsabihun Panginuun tungkul sa Huda: “Dahil sa parargu pagbuwat kasalanan ti manga taga Huda, parusahan gid niku sida. Dahil binugyahan nida kang kasuguan ag unman nida sinunud kang manga surundanun. Pinatalang sida nida pagsirbi sa manga diyus-diyusan imaw diman ti sinirbihan nida manga ginurang.

Malakyas 3:7

Parihu kamu sa kanyu manga ginurang; unman kamu nagsunud ag nagtupad sa kang manga surundanun. Kainda, pagbalik kamu sa kangku, sa Panginuun Makamaskihan, ag bumalik aku sa kanyu. Dapat magpaingana waya kamu, ‘Kabitay kami makabalik sa kanmu?’

1 Pidru 4:3

Kang-ud yi ti manga nakalawuy pag sirang kanyu inuyang sa kanyu manga binwat angay sa ugali manga balaw napasakup sa kan Kiristu, manga mahalay, manga daut kagustuhan naisipan, manga maglangu, manga subra yi pag kasayahan, manga mag-inuman, manga magsamba sa diyus-diyusan balaw angay sa atubangan Diyus.

Talaghusay 2:11

Nagbuwat kadautan ti manga Israilita sa magbantay Panginuun ag nagsamba sa manga tawu-tawu Baal.