Hirimyas 15:7 - Hanunuu

⁷ Parusahan niku kamu ga upa pagtaphun sa manga puwirtahan banwa. Rurisun niku kamu hanggan kanyu manga anak, dahil unman niyu pagpatlikudan kanyu daut ugali.

Hirimyas 15:7 Iomraidhean Croise

Kanta 1:4

Dapat balaw katida ti daut pag manga tawu. Sida unman may pulus, parihu sa upa pag-ipayag lang durus.

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 9:12

Ti Israil wayakun manga taga Aram baliwa sa butlakan, hanggan manga Pilistiyu baliwa sa isalpan, parihu sa maisug pag hayup ti mankub sa kanda. Dapat balaw waya madura ti pangagalit Panginuun, nakan alistu di siya pumarusa sa kanda.

Isayas 9:13

Dahil unman diman gid mag-ampu ti manga Israilita sa Panginuun Makamaskihan imaw ti nagparusa sa kanda,

Hirimyas 18:21

Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 5:3

Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Hirimyas 51:2

Mamadara aku manga day-uhan hampay girahun ag wasakun ti Babilunya parihu sa upa payagun durus. Girahun nida ti Babilunya sa tanan bahagi sa sirang kadamhakan inda.

Hirimyas 9:21

Rinmas-ug ti kamatayan sa kanta magtal-anakan hanggan sa mapag-un pag bahagi nita banwa. Minatay ti manga anak magbuybuya sa manga baklayan hanggan ti manga kalay-awan lalaki magtiripnan sa manga buruybuyahan.

Isikil 24:25

Magkun waya ti Panginuun sa kangku, “Anak tawu, sa udas dautun niku ti Balay Diyus kanda darangpan, kanda pag-ipadayaw, pagmahalun ag pagbayaun, bag-u panmatyun yi niku kanda manga anak,

Isikil 36:12

Ibalik niku ti manga nasakupan manga Israilita sa kanda daga. Sida ti umapu sa daga, ag unman yi gid niyu bul-un uman kanda manga anak.”

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Matiyu 3:12

Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”

Diyuturunumiyu 28:18

Saadan niya kamu sa panab-anan pagpakaun sa kanyu pira-pira pag manga anak hanggan ani ag manga hayup.

Diyuturunumiyu 28:32

Habang mabantayan kamu, bihagun manga taga iba nasyun kanyu manga anak, ag sirang-sirang kamu mag-alagad sa kanda pagbalik, dapat unman kamu may mabuwat.

Diyuturunumiyu 28:41

Manganak kamu, dapat unman sida madugay sa kanyu dahil bihagun sida.