Hirimyas 15:3 - Hanunuu

³ Aku, ti Panginuun, magkun ipadara niku sa kanda ti upat ka kalasi manugpapas: Magkaramatay sida sa girahan, guyudun manga idu kanda manga bangkay, tindukun sida manga manuk ag ti magkasawad pag manga bangkay nida hirutun maraisug pag hayup.

Hirimyas 15:3 Iomraidhean Croise

Kanta 68:23

hampay panmatyun sida ag tatatataan niyu kanda dugu ag kanyu manga idu makapagustu sa pagsulup sa kanda dugu.”

Isayas 18:6

Rurisun Diyus ti manga taga Itiyupya, ag kanda manga bangkay pabay-anan sa manga manuk manugdagit ag maraisug hayup. Bumaliw karan-unun sida manga manuk sa tungud sa udas tig-irinit ag maraisug pag hayup sa udas tigraramig.

Hirimyas 12:9

Nagbaliw sida mayagting sa kangku ga manuk manugdagit. Ag sida ngapu magkasangputan manga manuk manugdagit. Tipunun niku ti maraisug pag hayup hampay kan-un sida.

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 14:16

Ag tungkul waydi sa manga tawu magpasnu sa kanda pagsabihun, kanda manga bangkay ipanyamut sa manga baklayan Hirusalim. Magkaramatay sida sa gira hanggan lun-us. Unman may manlubung sa kanda, sa kanda manga asawa, hanggan manga anak. Padapatan niku sida parusa angay gid sa kanda.

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 7:33

Ti manga bangkay niku nasakupan tindukun manga manuk ag kan-un manga maraisug pag hayup, unman may mamugaw una si unu sa kanda.

Karukuan 3:11

Ginuyud niya aku pakarayu sa lalakawan, bag-u ginutay-gutay ag pinabay-anan.

Isikil 14:21

“Sa ungud, aku, ti Panginuun Diyus, magkun kaawaawa ti Hirusalim nu ipadara yi niku inda pag upat ka mabuyat pag parusa: manga girahan, lun-us, maisug pag manga hayup, ag manga sakit — manmatay sa kay manga nasakupan hanggan manga hayup.

Isikil 33:27

Aku ti Panginuun Diyus buhi, magsumpa kuntay pihu magkaramatay sa girahan tunda pag nasawad buhi sa daut manga banwa. Ti manga nasawad buhi sa manga karatagan kan-un maraisug manga hayup, bag-u ti iba asan sa kanda manga parataguan hanggan sa lukib magkaramatay sa sarut.

Libitiku 26:16

indaay kang buwatun sa kanyu: Makulbaan kamu sa dala dahil padaran-an niku kamu makamatay pag manga sakit hanggan init bilug imaw ti dumaut sa kanyu manga mata hanggan manga bilug. Tumanum kamu, dapat balaw niyu inda makinabangan dahil girahun kamu niyu manga kalaban bag-u kan-un nida kanyu manga patubas.

Libitiku 26:22

Padaran-an niku kamu manga maisug pag manga hayup bag-u matyun nida kanyu manga anak hanggan manga hayup, ag dahil siyun pira wadi ti masawad sa kanyu ga udyi may maglakaw sa kanyu manga dalan.

Libitiku 26:25

Ipagira niku kamu sa kanyu manga kalaban bilang parusa sa kanyu maglabag sa kanta kasunduan. Una waya patagu kamu sa kanyu manga banwa padaran-an di niku kamu manga kakurian, ag dahil siti mapilitan kamu sumuku sa kanyu kalaban.

Amus 5:19

Parihu kamu sa usa ka tawu mag-isip ribri yi siya dahil nakapalagiw siya sa liyun, dapat nasulang ngap niya ti usu. Ngatay mag-isip siya unman yi may mangunu sa kanya dahil ati yi siya sa sulud niya balay, dapat pagka iwinaklay niya kay kamang sa lingub kinagat ngap ulay kay kamang.

Diyuturunumiyu 28:26

Kanyu manga bangkay kan-un manga manuk ag maisug pag manga hayup, ag unman may manbugaw sa kanda.

Diyuturunumiyu 32:24

Palun-usan niku sida; magkaramatay sida sa lun-us ag sa sakit. Padarahan niku sida maisug pag manga hayup hampay tukbun sida, hanggan manga ulay hampay kagtun sida.

Ipinakakit 6:8

May nakitan aku maan usa ka kabayu madapug kay bulbul. Kay ngaran ti masakyan siti Kamatayan. Ti ulian manga karadwa magdasun sa kay uryan. Pinakan-an kamaskihan ti ulian manga karadwa hanggan ti kamatayan hampay matyun nida ti ikap-at pag bahagi manga tawu sa babaw daga, matyun nida sa baladaw, sa lun-us, sa sakit hanggan sa maraisug pag manga hayup.