Hirimyas 15:21 - Hanunuu

²¹ Iribri niku kawu sa kamang daut ag manugdahas pag tawu.”

Hirimyas 15:21 Iomraidhean Croise

Gimpuunan 48:16

Ag mana papaladan diman sida anghil, ti nagribri sa kangku sa tanan kadamhakan. Mana maalaala aku hanggan kang manga ginurang sida ni Abraham ni Isaak sa panab-anan nida. Ag mana yumamu waya sida sa kalibutan.”

Kanta 27:2

Nu girahun aku niku daut pag manga kalaban agud matyun, sida ngap ti matalu ag balaw aku.

Kanta 37:40

Pag-awatan niya sida ag pag-iribri sa manga daut, dahil maghagad sida awat sa kanya.

Kanta 97:10

Ti manga magmahal sa Panginuun kailangan magbugya sa kadautan. Dahil pag-alagaan Panginuun ti buhi niya matinupadun pag nasakupan, ag pag-iribri niya sida sa kamang manga daut.

Isayas 29:20

Dahil madura ti manga marahigpit ag ti manga marapuya. Ag magkaramatay ti tanan maraibgun sa kadautan,

Isayas 29:5

Dapat rumas-ug ti sirang ti mayamu niya pagkalaban bumaliw ga galbuk ngatay upa palidun durus. Kadaka inda mangyari sa kanda.

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Isayas 60:16

Alagaan kawu manga nasyun hanggan nida manga hari parihu sa lapsag pag-ipasusu niya ina. Ag maalaman nimu aku ti Panginuun, kanmu Manugribri ag Manugtubus, ti Makamaskihan pag Diyus ni Hakub.

Hirimyas 16:1

Magkun waya sa kangku ti Panginuun,

Hirimyas 20:13

Panginuun, mandayaw ag manganta duy aku sa kanmu taynguna dahil irinibri nimu ti manga may kailangan ginan sa kamang daut pag tawu.

Hirimyas 26:24

Dapat si Hirimyas inawatan ni Ahikam kay anak ni Sapan, nakan balaw siya minatay manga tawu.

Hirimyas 31:11

Iribri niku ti manga linahi ni Hakub sa kamang manga tawu subra makapangyarihan kaysa kanda.

Hirimyas 38:28

Pirmaminti nakapirisu si Hirimyas ati sa punduhan manga guwardiya tugka sa masakup ti Hirusalim.

Hirimyas 39:11

Nagsugu si Hari Nabukudunusur sa kan Nibusaradan takinan manga guwardiya tungkul sa kan Hirimyas. Magkun siya,

Hirimyas 39:12

“Bul-un nimu si Hirimyas ag alagaan nimu siya kaayad. Buwata nimu ti una hintay ti paghagadun niya.”

Hirimyas 50:34

Dapat aku kanda Manuglukat, Panginuun Makamaskihan kang ngaran. Apinan niku sida ag pakan-an kahusayan, dapat guluhun niku ti manga nasakupan sa Babilunya.

Danyil 3:17

Nu imaw yi gid waydi ti mangyari, iribri di kami Diyus nimi pagsirbihan ginan sa maglabdaban pag pugun. Iribri di niya kami ginan sa kanmu kamang.

Danyil 3:25

Magkun ti hari, “Bantayi niyu! Upat ti mag-akitan niku maglakaw-lakaw sa basad apuy. Unman yi sida magapusan ag unman sida magkairub. Ag kay usa sa kanda ga usa ka diyus.”

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Ruma 16:20

Diyus di ti magpakaun kahusayan. Dayi dumugay taluhun yi lubus niya si Satanas ga ipauli lang sa sirung niyu raprapa. Pagsa kanyu ti papalad nita Panginuun Hisu-Kiristu.

2 Kurintu 1:10

Irinibri niya kami sa pingit pag kamatayan, ag parargu niya kami irinibri. Una ngap hanggan kainda kay di iribri kami. May pag-asa di kami una aban kay di iribri kami.