Hirimyas 15:18 - Hanunuu

¹⁸ Hayga duy unman magkatapus kang kakurian? Hayga unman yi mag-ayad kang manga biyag? Udyi aw duy lugud magkabulung inda? Ibuyu nimu duy aw lugud aku ga sapa magkak-at nu udas turungun?”

Hirimyas 15:18 Iomraidhean Croise

Hub 14:11

Nu kabitay maghunas ti danum sa dagat ag magkak-at ti sapa,

Hub 34:6

Una matadlung aku, pagbaliwun aku pudilun. Una unman aku may nabwat salan, pinakan-an niya aku sakit unman may kaayadan.’

Kanta 6:3

Nabung-anan yi gid aku, Panginuun. Kapira waya lugud nimu aku pag paayadun?

Hirimyas 14:19

Panginuun, ungud aw dinayu yi nimu ti Huda? Ungud aw magkagalit kawu sa Hirusalim? Hayga duy pinarusahan nimu kami kainda ga udyi kami may pag-asahan maayadan? Magsarig duy kami pakan-an nimu kahusayan, dapat unman waydi inda may rinmas-ug. Magsarig duy kami umayad ti kahamtangan nimi, dapat ay kadalaan ti rinmas-ug sa kanmi.

Hirimyas 14:3

Sinugu manga mayaman kanda manga panawuhun kuntay pagtaas danum. Nag-atag ngani sida sa manga bubun dapat ay unman may danum ati. Nakan nagbalik sida unman may sukad kanda manga sukadan, ag pinatumungan nida kanda ulu dahil sa masyadu pag kay-a.

Hirimyas 20:18

Hayga waya aku ilinusad? Hampay lang aw makitan ti kalaguluhan ag kakurian, ag mamatay sa kakay-ahan?

Hirimyas 20:7

Panginuun, dinaya nimu aku ag nanalu kawu sa kangku. Nagbaliw karasarin-an aku manga tawu ag parargu nida aku pagsurugun.

Hirimyas 30:12

Magkun waya ti Panginuun sa kay manga nasakupan, “Ungud dilikadu yi kanyu manga biyag ag balaw yi umayad. Udyi may makaawat ngatay makabulung sa kanyu. Udyi diman may bulung para sa kanyu.

Hirimyas 30:15

Danga kamu magdangup kuntay balaw yi mag-ayad kanyu biyag. Pagparusahan niku kamu dahil masyadu ag mayamu kanyu kasalanan.

Mikas 1:14

Taynguna, manga taga Huda, pagpaalam yi kamu sa banwa Murisit Gat dahil sakupun yi sida manga kalaban. Sakupun diman ti banwa Aksib, nakan unman may masarigan awat kanyu manga hari ati ginan pag banwa.

Mikas 1:9

Dahil ti kadamhakan Samarya ga biyag udyi maayadan, ag pihu gid mangyari diman inda sa Huda, hanggan sa Hirusalim, ti pinakadaka pag banwa niku manga kasimanwa.