Hirimyas 15:15 - Hanunuu

¹⁵ Magkun si Hirimyas, “Panginuun alam duy nimu ti tanan! Alalahana ag awati duy nimu aku. Balusi duy nimu ti manga mag-unuunu sa kangku. Alam niku balaw kawu madali magkagalit, nakan danga duy nimu aku pagpabay-ani mamatay. Alalahana duy nimu ti manga kakurian niku dahil sa kanmu.

Hirimyas 15:15 Iomraidhean Croise

Nihimyas 13:22

Bag-u sinugu niku ti manga Libita kuntay pagmalumpiyu sida ag pagbantay sa manga sabian hampay kilalan-un manga tawu banal ti Sirang Pamahari. Bag-u nandarangin aku, “Diyus niku, alalahana duy nimu inda kang manga pagbuwatun, ag kaawai nimu aku angay sa kadayawan nimu pagmahal.”

Nihimyas 13:31

Siniguradu diman niku ti manga pamagba sa handug madara sa kang-ud pag panahun, hanggan ti manga un-an pag ani. “Diyus niku, alalahana nimu aku ag papaladi.”

Nihimyas 5:19

Nandarangin aku, “Diyus niku, mana papaladan nimu aku sa tanan niku pag buwatun para sa inda pag kalamalayan.”

Nihimyas 6:14

Nakan nandarangin aku, “Diyus niku, danga nimu pagkalimti kuntay parusahan si Tubyas hanggan si Sanbalat sa kanda pagbuwatun daut, hanggan ti purupita babayi si Nuwadyas ag ti iba waya pag manga purupita maghingbut kuntay padalaun aku.”

Hub 10:7

Alam nimu unman aku may kasalanan, dapat si unu ti manribri sa kangku ginan sa kanmu?

Kanta 102:24

Nakan magkun aku, “Diyus niku magkabuhi balaw may katugkaan, danga dapu pagbul-a kang buhi balaw waya aku gurangun.

Kanta 106:4

Panginuun, alalahana aku nu mag-awat kawu sa kanmu nasakupan; ribrihan diman aku nu magribri kawu sa kanda,

Kanta 119:84

Tugka waya lugud kapira aku pag mangalagad? Kapira waya lugud nimu parusahan ti manga mag-unuunu sa kangku, sa kanmu manugsirbi?

Kanta 17:3

Inusisa nimu kang tagipusuun una yabi. Sinubukan nimu aku ag unman kawu may nakitan kasalanan sa kangku. Naggayak aku balaw mamagaw daut

Kanta 39:13

Danga yi kawu magkagalit sa kangku, hampay makabaya waydi aku habang buhi waya aku.

Kanta 44:22

Dapat dahil sa kanmi pagsunud sa kanmu, asan kami pirmi sa kadilikaduhan sa kamatayan. Parihu kami sa manga karanidu pag-iyawun.

Isayas 38:3

Magkun siya, “Panginuun, alalahana duy nimu nu kabitay aku namuhi matinupadun ag buu tagipusuun nagsirbi sa kanmu ag nu kabitay aku nagbuwat mayad sa magbantay nimu.” Ag namurus siya sa lumi.

Hirimyas 12:3

Dapat aku kilala duy nimu Panginuun. Mag-akitan nimu kang manga pagbuwatun hanggan alam nimu kang basad tagipusuun. Guyuda nimu inda pag manga tawu ga manga karanidu atag sa iriyawan. Ipablag duy nimu sida hampay iyawun.

Hirimyas 15:10

Kaawaawa gid aku! Mana balaw yi aku ilinusad niku ina. Pirmi aku pag kalabanun sa buu Huda. Unman aku may utang una sa kantapu, unman diman aku magpautang, dapat pagsaadan aku nida tanan.

Hirimyas 15:20

Buwatun niku kawu parihu sa maganit pag alad galang sa inda pag manga tawu. Kalabanun kawu nida dapat unman kawu nida madaug, dahil kaibahan nimu aku. Alagaan niku kawu ag iribri.

Hirimyas 17:16

Panginuun, balaw duy aku magpabaya sa buruwatun bilang manugbantay manga nasakupan nimu. Balaw duy niku gustu kuntay ipadamhak nimu sida. Alam duy nimu ti manga pagsabihun niku.

Hirimyas 18:23

Dapat alam duy nimu Panginuun ti tanan nida gayak manmatay sa kangku. Nakan danga duy nimu sida pagpatawada sa manga kasalanan ag kadautan nida. Pabay-ani sida matalu nida manga kalaban habang mabantayan lang kawu. Ipasamit nimu sa kanda kanmu pangagalit.”

Hirimyas 20:11

Dapat kaibahan duy niku kawu, Panginuun. Kawu ga sundalu maisug ag makamaskihan, nakan matalu ti manga mag-unuunu sa kangku. Midamhak sida ag mangay-a, una kapira, unman malimtan ti kakay-ahan nida.

Hirimyas 20:12

Panginuun Makamaskihan, magkaalaman duy nimu nu si unu ti matadlung dahil alam nimu ti tagipusuun ag isip tawu. Ipakakit duy nimu sa kangku kanmu pagbalus sa kanda dahil ipinabahala yi duy niku sa kanmu inda pagharampangan.

Hirimyas 20:8

Nu magbagaw aku, pag-ihuyaw niku ti itinultul nimu Panginuun tungkul sa karansa ag pagkawayak. Dahil sa ipagpasabi nimu inda, pagkasarin-an duy nida aku ag pagsurugun.

Karukuan 3:64

Balusi sida, Panginuun, angay sa kanda binuwat.

Karukuan 3:66

Lagsa sida ag rurisa sa kanmu pangagalit hampay madura sida sa kalibutan.

Matiyu 10:22

Kagalitan aban kamu tanan tawu dahil sa kanyu pakiusa sa kangku. Dapat tigpakarig-un hanggan tugka sa katapusan imaw ti maribri.

Matiyu 19:29

Una si unu ti magtiis magtayak sa kay ulian, sa kay manga patar-ari lalaki, sa kay patar-ari babayi, sa ama sa ina, sa kay manga anak una sa kay daga dahil sa kay magpasakup sa kangku, makatanggap siya usa ka gatus maan kay tulus, makamana waya siya tutuu pag buhi unman may katapusan.

Lukas 21:17

Kamu kagalitan tanan tawu dahil sa kanyu pakiusa sa kangku.

Ruma 12:19

Manga mayad patar-ari, danga kamu magbalus. Ipabahala niyu tunda sa Diyus. Dahil nakasurat sa Banal Kasuratan magkun, “Magkun ti Panginuun, aku ti bahala magganti, pihu gumanti aku.”

Ruma 8:35

Si unu waya ti bumulag sa kanta ginan sa pagmahal ni Kiristu? Ti kakurian aw, ti pag-unuunu aw, ti lun-us aw, ngatay nu kurang yi ti panulung, kadilikaduhan aw, ngatay nu maayangan yi aw ti baladaw?

2 Kurintu 5:11

Alam diman nimi madala sa Panginuun ti tawu nu may kasalanan, nakan pagsikapun nimi giyahun ti manga tawu tag sa Panginuun. Unman may pag-itagu kami sa atubangan Diyus. Magsarig aku kuntay sa kanyu pagkilala sa kanmi, kami unman may pag-itagu sa kanyu.

2 Timutiyu 4:14

Subra gid pag kadautan kay binwat sa kangku ni Alihanduru imaw ti manugpanday galang. Panginuun ti gumanti sa kanya angay sa kay binwat.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 6:10

Magpamurus sida sa tawag magkun, “Panginuun, kawu ti makamaskihan, ti banal hanggan ti masarigan. Kabitay waya kadugay kami pag mag-alagad. Kapira waya pag sintinsiyahan nimu sa kaparusahan ti manga tawu mag-uli sa babaw daga dahil sa kanda nagmatay sa kanmi.”

Talaghusay 16:28

Taynguna, nandarangin si Samsun, “Panginuun Diyus, alalahana aku. Nu mahimu, balikan kang kusug una kas-a wadi ginan hampay makabalus aku sa manga Pilistiyu sa pagluwat nida sa kang manga mata.”