Hirimyas 15:1 - Hanunuu

¹ Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 15:1 Iomraidhean Croise

Gimpuunan 19:27

Pagka surip, daldali nag-atag si Abraham sa rugar nu naan siya pag naghampang sa Panginuun.

2 Hari 17:20

Nakan ipinurya Panginuun ti tanan nasakupan Israil. Pinarusahan niya sida, ipinakaun sida sa manga maggira sa kanda tugka sa pinaighit niya sida sa kanda rugar pakarayu sa atubangan niya.

Kanta 106:23

Rinuris yi mana Diyus kay nasakupan nu balaw nagpakaraw-an si Muysis kay manugsirbi, agud manpakihampang sa kanya kuntay pigili niya kay pangagalit hampay balaw niya sida ipadamhak.

Kanta 99:6

Si Muysis ag si Aarun kabilang sa kay manga manughandug, ag si Samwil ti usa sa manga magdarangin sa kanya. Magtawag sida sa kanya ag sinagut niya sida.

Kabagawan 14:35

Magbaya ti hari sa madunung pag suruguun, dapat pagkadat-an niya ti magpakay-a sa kanya pag suruguun.

Hirimyas 10:18

Dahil inda ti pagsabihun Panginuun, “Pagpatingi kamu! Paighitun niku kamu sitay ginan pag daga. Pakurianan niku kamu tugka sa masamitan niyu ti pangagalit niku.”

Hirimyas 11:14

“Nakan Hirimyas, danga yi kawu magdarangin para sa inda pag manga tawu. Danga yi kawu magpaawa-awa sa kangku para sa kanda, dahil balaw niku sida sagtun nu manawag sida sa kangku sa udas nida kakurian.

Hirimyas 14:11

Bag-u magkun sa kangku ti Panginuun, “Danga kawu magdarangin para sa kaayadan inda pag manga tawu.

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 15:19

Nakan magkun sa kangku ti Panginuun, “Nu umampu kawu, pabalikun maan niku kawu sa arani niku hampay parargu di kawu makasirbi sa kangku. Nu mamagaw kawu manga matadlung pag bagay ag amanan ti manga bagay unman may pulus, buwatun maan niku kawu kang manugbagaw. Kailangan sida ti pumakarani sa kanmu, ag balaw kawu ti pakarani sa kanda.

Hirimyas 16:13

Nakan palayasun niku kamu sa inda pag daga atabug sa daga balaw niyu alam, hanggan niyu manga ginurang. Bag-u ati, pumasawa kamu sa pagsirbi sa tuhay pag diyus sirang ag yabi, ag balaw yi niku kamu kaawaan.’

Hirimyas 16:5

Magkun waya ti Panginuun, “Danga kawu magsulud sa manga balay may manga namatay. Danga kawu magpanrukuan sa kanda ngatay pumakakit magkaawa una sa kantapu. Dahil bin-ul yi niku kang pagmahal ag pangaawa sa inda pag manga tawu.

Hirimyas 18:20

Mayad duy ti pagbuwatun niku sa kanda dapat daut ti pag-ibalus nida sa kangku. Nangali sida hampay malagpak aku sa kanda kali, una yi nandangup aku sa kanmu ag nandarangin kuntay danga nimu sida pagparusahi dahil sa pangagalit nimu sa kanda.

Hirimyas 22:28

Hihuyakin, kawu ga gipak anglit udyi magkakinabangan. Nakan iyamut niku kamu hanggan kanmu manga anak sa nasyun balaw niyu alam.”

Hirimyas 23:39

kalimtan ag tabugun niku kawu ginan sa atubangan niku. Pabay-anan niku inda pag banwa ti ipinakaun niku sa kanmu manga ginurang.

Hirimyas 35:19

nakan nagtaratu aku si Hunadab kay anak ni Rikab balaw maduraan linahi sumirbi sa kangku. Aku, ti Panginuun Makamaskihan, ti Diyus Israil, ti magsabi inda.”

Hirimyas 52:3

Sa galit Panginuun, tinulak niya ginan sa atubangan niya ti manga taga Hirusalim ag taga Huda. Ag taynguna naglaban si Sidikyas sa hari Babilunya.

Hirimyas 9:19

Patingihi ti manga lulumian sa Hirusalim. Magkun ti manga tawu, ‘Winasak yi kita! Makakaray-a inda ti nangyari sa kanta! Kailangan tayakan yi nita kanta daga dahil winasak yi kanta manga ulian!’ ”

Isikil 14:14

Una kaibahan waya nida asan si Nuwi, si Danyil, ag si Hub, sida lang ti maribri dahil sa kanda pagkamatadlung. Aku, ti Panginuun Diyus, ti magbagaw inda.

Isikil 22:30

“Nanhanap aku usa ka tawu mamauli alad batu banwa ag makaapin sa banwa hanggan makatindug sa tab-anan niku ag sa manga tawu hampay balaw niku dautun inda pag banwa, dapat unman aku may nakitan.

Husyas 9:15

Magkun ti Panginuun, “Ti tanan kadautan niku nasakupan nag-umpisa sa Gilgal. Ati di waya kinagalitan yi niku sida. Ag dahil sa kanda kadautan, palayasun niku sida sa Israil kang pagbaliwun ulian. Balaw yi niku sida mahalun; ti tanan nida manga takinan naglaban sa kangku.

Sakaryas 3:3

Mauring kay rutay ni Huswi habang matindugan siya sa atubangan anghil.

Diyuturunumiyu 9:26

Nandarangin aku sa Panginuun, ‘Panginuun Diyus, danga duy nimu pagrurisa kanmu magkaapu pag manga nasakupan. Irinibri duy nimu sida ag ipinaluwas sa Ihiptu sa panab-anan nimu masyadu pag kamaskihan.

Hibriyu 9:24

Dahil si Kiristu nagsaka sa banal pag rugar balaw binwat tawu kamang ag unman hinuwad ginan sa kay tutuu. Siyun ngap siya sa langit gid sa atubangan Diyus hampay magpamahala sa kanta.

Talaghusay 5:9

Magbaya gid kang tagipusuun sa manga takinan Israil ag sa manga Israilita buluntad magsunud sa kanda. Dayawun ti Panginuun!

1 Samwil 12:19

Sinabi tanan tawu sa kan Samwil magkun, “Kailangan duy idarangin nimu kami kanmu manga suruguun sa Panginuun nimu Diyus. Hampay kami balaw mamatay, dahil dinugangan nimi kanmi manga kasalanan katpung maghagad kami hari.”

1 Samwil 12:23

“Balaw gid duy aku umapas sa kang magdarangin sa kanyu, dahil nu abi kang apasan tunda ngap kasalanan niku laban sa Panginuun. Bagkus ngap itudlu di niku sa kanyu ti mayad hanggan matadlung pag-ugali.

1 Samwil 7:9

Bag-u nagbuul si Samwil usa ka anak karanidu ag kay sinunug bilugan bilang handug pagsunugun para sa Panginuun. Nagdangup siya sa Panginuun hampay awatan ti manga Israilita. Dinungug Panginuun kay darangin.