Hirimyas 14:9 - Hanunuu

⁹ Parihu diman aw duy kawu sa tawu unman may magkabwat ag sundalu unman may kakayahan magribri? Kaibahan nimi kawu, Panginuun, ag kami kanmu nasakupan, nakan danga duy nimu kami pagpabay-ani.”

Hirimyas 14:9 Iomraidhean Croise

2 Krunika 7:14

ag nu ti manga nasakupan kang tinawag pumakumbaba, mandarangin, mandangup sa kangku, ag pumatlikud sa pagbuwatun nida kadautan, patingihan niku sida ginan sa langit ag patawadun kanda manga kasalanan, ag papaladan niku maan kanda daga.

Kanta 10:1

Panginuun, hayga lugud arayu kawu? Hayga lugud magpatagu kawu sa udas kakurian?

Kanta 27:9

Danga kawu magpatagu sa kangku! Danga aku pagbugyahi dahil sa kanmu pangagalit sa kangku, sa kanmu manugsirbi. Kawu ti mag-awat sa kangku, nakan danga aku pagpabay-ani ngatay pagbugyahi, Diyus kang manugribri.

Kanta 46:5

Ti Diyus mag-uli sa inda pag banwa; nakan balaw inda midamhak. Maaga waya rumas-ug ti Diyus umawat siyun pag banwa.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 43:7

Sida pag manga tawu kang tinawag. Linalang niku sida para sa kang kadayawan.”

Isayas 51:9

Panginuun, awati yi duy nimu kami. Gamita yi nimu kanmu kamaskihan sa pagribri sa kanmi. Awati nimu kami parihu sa binwat nimu kaybi. Balaw aw kawu ti nagtuktuk sa daragun si Rahab?

Isayas 59:1

Pagpatingi kamu! Ti Panginuun balaw malumuy hampay balaw rumibri. Balaw diman bungul siya hampay ud makadnug nu magtawag kamu sa kanya.

Isayas 63:19

Kanmu kami ginan di waya kaybi, dapat ipinurya nimu kami balaw kanmu, ag bilang ga balaw nimu pag panguluhan.

Hirimyas 15:16

Katpung nagbagaw kawu sa kangku, pinatingihan duy niku kawu. Kanmu manga bagaw kang kabayaan, ag aku sa kanmu, Panginuun Diyus Makamaskihan.

Hirimyas 51:5

Dahil aku, ti Panginuun Diyus Makamaskihan, ti Banal pag Diyus sa Israil, balaw dinayu ti Israil ag Huda una waya punu kadautan kanda daga.

Hirimyas 8:19

Patingihi niyu ti lulumian manga kasimanwa niku kuntay mag-adnugan inda sa buu daga. Magkun sida, “Unman yi aw lugud ti Panginuun sa Hirusalim? Unman yi aw lugud ati ti Diyus, ti Hari sa Hirusalim?” Sinmagut ti Panginuun, “Hayga niyu aku ginalit sa panab-anan niyu pagsamba sa manga diyus-diyusan unman may pulus?”

Karukuan 5:20

Hayga pirmi nimu kami pagkalimtan? Hayga pinabay-anan nimu kami dugay?

Isikil 48:35

nakan kay kabuuhan sukat alad batu 9,000 mitrus. Ag ginan sa inda pag udas ti banwa pag-ingarnan, “Ati Ti Panginuun!”

Habakuk 1:2

Magkun si Habakuk, “Panginuun, tugka waya lugud kapira aku pag manhagad awat sa kanmu bag-u nimu aku patingihan? Kapira waya lugud nimu kami pag-iribri sa manga mag-unuunu sa kanmi?

Sakaryas 2:5

Magkun ti Panginuun siya gid ngap ti bumaliw apuy pag alad sa palibut banwa Hirusalim, ag siya diman ti bumaliw kapangyarihan sa inda pag banwa.”

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Bilang 11:23

Magkun ti Panginuun sa kan Muysis, “May hangganan aw lugud kang kamaskihan? Makitan nimu taynguna nu mangyari kang pagsabihun ngatay unman.”

Binwat 15:17

hampay ti tanan manga iba nasyun humanap waydi sa Panginuun, ti manga balaw Hudiyu kang pinili hampay pumasakup sa kangku.

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Diyuturunumiyu 23:14

Dahil ti Panginuun niyu Diyus magpalibut sa kanyu kampu hampay iribri kamu ag iayaw sa kanyu ti manga kalaban niyu. Nakan kailangan malumpiyu kanyu kampu hampay unman siya may mag-akitan balaw mayad, ag hampay balaw niya kamu tayakan.

Diyuturunumiyu 28:10

Ag maalaman tanan tawu sa kalibutan kamu ti pinili Panginuun, bag-u madala sida sa kanyu.

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”

Ipinakakit 21:3

Nadnugan niku may nagbagaw daka ginan sa tukawan hari magkun, “Taynguna kay ulian Diyus sa karaw-an yi manga tawu. Mangulian siya kaibahan yi nida ag sida kay yi nasyun. Ti Diyus sa kanda yi karaw-an ag siya kanda yi Diyus.

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.