Hirimyas 14:3 - Hanunuu

³ Sinugu manga mayaman kanda manga panawuhun kuntay pagtaas danum. Nag-atag ngani sida sa manga bubun dapat ay unman may danum ati. Nakan nagbalik sida unman may sukad kanda manga sukadan, ag pinatumungan nida kanda ulu dahil sa masyadu pag kay-a.

Hirimyas 14:3 Iomraidhean Croise

2 Samwil 15:30

Maglumi magtukad si Dabid sa Bantud Ulibu. Unman siya may lapak maglakaw, ag may talukmung kay ulu dahil sa kay karukuan. May talukmung diman kay manga kaibahan ag maglumi habang magtukad.

2 Samwil 19:4

Tinakluban ni Dabid kay uyahun ag masyadu gid nanlumi, “Absalum, anak niku, anak niku!”

1 Hari 17:7

Sa kadugayun, nak-at ti sapa dahil balaw yi mag-uran.

2 Hari 18:31

“Danga kamu magpatingi sa kan Isikyas! Inda ti pagsabihun hari Asirya: ‘Danga kamu maglaban sa kangku; pagsuku yi lang kamu! Bag-u pahintulutan niku kamu makakaun burak niyu ubas hanggan igus, ag makainum sa kanyu manga sukadan danum,

Istir 6:12

Igu natapus, binmalik maan si Murdukyu sa sabian balay hari. Si Haman waydi susun nuli may pahamung kay uyahun dahil sa kay-a ag daka pag isug.

Hub 6:20

pat-ay nibuyu sida. Magsarig sida may danum ati, dapat unman maaw.

Kanta 109:29

Sida ti magbangdan sa kangku matabunan kakay-ahan parihu sa rutay matabunan sa bilug.

Kanta 40:14

Mana ti tanan maghingbut manmatay sa kangku mangay-a ag mantalang-talang. Mana ti tanan mag-isip sa kang kadamhakan mamalalagiwan sa kay-a.

Hirimyas 14:4

Nanggil-ang ti daga dahil unman may uran. Ag dahil sa karukuan, pinatumungan manga manugtanman kanda manga ulu.

Hirimyas 15:18

Hayga duy unman magkatapus kang kakurian? Hayga unman yi mag-ayad kang manga biyag? Udyi aw duy lugud magkabulung inda? Ibuyu nimu duy aw lugud aku ga sapa magkak-at nu udas turungun?”

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:37

Umighit kamu sa Ihiptu kuntay matakipan kanyu kamang sa uyahun dahil sa kakay-ahan ag karukuan. Dahil dinayu yi niku ti manga nasyun pagpiyaran niyu. Unman yi kamu maawatan tida pag manga nasyun.”

Hirimyas 20:11

Dapat kaibahan duy niku kawu, Panginuun. Kawu ga sundalu maisug ag makamaskihan, nakan matalu ti manga mag-unuunu sa kangku. Midamhak sida ag mangay-a, una kapira, unman malimtan ti kakay-ahan nida.

Hirimyas 3:3

Imaw kay dahilan nu hayga unman mag-uran sa udas tig-ururan. Dapat madi katida, maganit diman kanyu ulu parihu sa usa ka babayi baraydan, balaw yi magkay-a.

Karukuan 4:4

Dahil sa uwaw ti dila nida manga lapsag maghuput sa kanda manga ngarus. Maghagad ti manga anak karan-unun, dapat unman gid may magpakaun sa kanda.

Husyas 2:3

Dahil nu balaw siya umapas ubahan niku siya ag bumaliw uba siya parihu sa kay pagkalusad. Buwatun niku siya ga pangawakawaan ngatay ga tigangan pag daga, ag mamatay siya sa uwaw.

Huwil 1:20

Una manga hayup sa kapuruan magdangup sa kanmu, dahil uga yi masyadu ti manga sapa hanggan ti manga laad, ag nalayung yi waydi ti manga hararabun, ga nairub apuy.”

Amus 4:7

“Inampara diman niku ti uran sa sulud tulu ka bulan bag-u rumas-ug ti tig-arani. Pagpauranan niku ti usa ka banwa dapat kay iba unman. Pagpauranan niku ti usa ka tanman dapat kay iba magkamarhan.

Amus 4:8

Dahil sa magpanlumuy, mantalayib-layib kamu sa kahanap danum irinmun. Pasalyu-salyu kamu sa manga banwa sa kahanap danum, dapat balaw kang-ud kanyu mab-ul. Lang madi katida, unman diman kamu nagbalik sa kangku. Aku, ti Panginuun, ti magsabi inda.

Sakaryas 14:17

Unman padarahan uran ti manga nasakupan unman umatag sa Hirusalim hampay mansamba sa Hari, ti Panginuun Makamaskihan.