Hirimyas 14:22 - Hanunuu

²² Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 14:22 Iomraidhean Croise

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

1 Hari 17:14

Dahil inda ti pagsabihun Panginuun, ti Diyus Israil, ‘Balaw matabwan arina kanmu malukung ag balaw matabwan lana ulibu kanmu tapayan tugka sa sirang padarahan niku uran ti daga.’ ”

1 Hari 18:1

Tulu yi ka timpu unman may uran. Pagka sa usa ka sirang, magkun ti Panginuun sa kan Ilyas, “Paglakaw yi kawu ag pagpasampak sa kan Akab, dahil pauranun yi niku.”

1 Hari 8:36

patingihi sida asan sa langit. Patawada sida kanmu manga suruguun, kanmu nasakupan manga Israilita. Tudlui sida matadlung pagpangabuhi, ag padaran-i uran ti ipinakaun nimu sa kanda pag daga kanda apuun.

Hub 28:26

bag-u pag-isipun niya nu naan pag midna ti uran ag nu naan lumakaw ti manga kilat may linti,

Hub 5:10

Magpadara siya uran sa babaw daga ag pagpadanuman ti manga taranmanan.

Kanta 130:5

Panginuun, mag-alagad gid aku sa kanmu. Ag magsarig aku sa kanmu manga bagaw.

Kanta 135:7

Pagdaran-un niya patungud ti manga rurum ginan sa pinakaarayu pag bahagi sa kalibutan, ag magpadara siya manga kilat kaibahan sa uran. Pag-ipalwas niya ti bagyu ginan sa kanda taraguan.

Kanta 147:8

Pagpun-un niya manga rurum ti kalayawan, pagpauranan niya ti kalibutan, ag pagpatubuun ti manga ilamnun sa manga kabantudan.

Kanta 25:21

Matadlung kang buhi ag unman may ikasabi, nakan alagai aku dahil magsarig aku sa kanmu.

Kanta 25:3

Ti magsarig sa kanmu balaw mangay-a, dapat ti maradaya mangay-a ngap.

Kanta 27:14

Pagsarig kamu sa Panginuun! Pagpakarig-un kamu, danga magkabul-an pag-asa. Pagsarig lang kamu sa Panginuun!

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Isayas 41:29

Tanan manga diyus-diyusan unman may pulus, ag unman gid may mabwat una hintay. Parihu sida sa sukadan pasay durus kay sukad.”

Hirimyas 10:12

Dapat Diyus ti naglalang langit ag daga sa panab-anan niya kamaskihan ag kadunungan.

Hirimyas 10:13

Sa kay sugu magpaywas ti danum sa langit. Magpaluwang siya manga rurum hanggan manga kilat sa kalangitan ag mag-ibuhus ti mabisug pag uran. Pag-ipalwang niya ti durus ginan sa kay palaulian.

Hirimyas 10:15

Unman sida may pulus ag kailangan kadat-an sida. Rumas-ug ti sirang dautun tunda tanan.

Hirimyas 10:3

Unman may pulus kanda pag-ugaliun. Magpukan sida manga puun kayu sa puru bag-u pagpalahaban nida sa antigu pag manuglahab.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 5:12

Unman sida magbagaw tutuu tungkul sa kangku. Magkun sida, ‘Balaw kita pakurianan Panginuun! Unman may madala rumas-ug sa kanta. Unman diman may gira ngatay lun-us rumas-ug.’

Hirimyas 5:24

Unman sida magbagaw ginan sa tagipusuun kuntay, ‘Dayawun nita ti Panginuun nita Diyus, ti mag-ayaw uran sa kanta sa pangudasun ag mag-ayaw patubas sa kanta sa udas tig-arani.’

Hirimyas 51:16

Sa busis niya magsugu, maghagunung ti langit. Kaya niya magpalwang rurum ginan sa pinakasuru baliwa kalibutan. Pagpakilatun niya nu mag-uran, ag magpadara siya durus ginan sa kay haramnuan.

Husyas 2:7

Lagsun niya kay manga lalaki dapat unman niya sida matakdan. Hanapun niya sida dapat unman niya makitan. Bag-u sumabi siya, ‘Mamalik yi lang aku sa kang un-an pag asawa, dahil mas mayad waya kang kahamtangan kaybi kaysa taynguna.’

Huwil 2:23

Kamu manga taga Siun, pagbaya kamu sa binwat Panginuun niyu Diyus sa kanyu. Dahil pinadarahan niya kamu un-an pag uran ag nadasnan waya tunda parihu sa kabag-u agud mipakakit kay katadlungan.

Amus 4:7

“Inampara diman niku ti uran sa sulud tulu ka bulan bag-u rumas-ug ti tig-arani. Pagpauranan niku ti usa ka banwa dapat kay iba unman. Pagpauranan niku ti usa ka tanman dapat kay iba magkamarhan.

Mikas 5:6

Taluhun nida ag sakupun ti Asirya, ti rugar ni Nimrud, sa panab-anan nida manga armas. Nakan iribri nida kita nu girahun manga taga Asirya kanta nasyun.

Mikas 7:7

“Dapat aku sumarig di sa Panginuun niku Diyus. Mag-alagad aku sa kanya hampay iribri niya aku. Ag pihu patingihan niya kang darangin.”

Matiyu 5:45

hampay kamu tutuu gid manga anak niyu Ama sa langit. Dahil pag-ipabutlak niya ti init sa daut ag sa manga mayad. Balaw lang ti manga matadlung ti pagpakan-an uran nu unman hanggan ti manga makasalanan.

Diyuturunumiyu 28:12

Padarahan kamu Panginuun uran sa tama pag udas ginan sa taraguan niya kayamanan sa langit, ag papaladan niya ti tanan niyu pagbuwatun. Mamaudam kamu sa mayamu pag nasyun, dapat kamu bay unman mangudam.

Diyuturunumiyu 32:21

Pinaimun nida aku sa bukun tutuu pag diyus, ag ginalit nida aku sa kanda unman may pulus pag manga diyus-diyusan. Nakan paimunun waydi niku sida sa iba pag manga tawu. Galitun niku sida sa panab-anan pagpapalad sa luku-luku pag nasyun.