Hirimyas 14:21 - Hanunuu

²¹ Panginuun, sa ikadayaw nimu ngaran, danga duy nimu kami pagbugyahi. Danga duy pagpakay-ahan kanmu kadayaw-dayaw pag tukawan hari. Alalahana duy nimu kanmu kasunduan sa kanmi. Mana danga nimu inda pagdauta.

Hirimyas 14:21 Iomraidhean Croise

Kanta 106:40

Nakan nagalit ti Panginuun sa kay pag-apuun pag nasakupan, ag pagkadat-an niya sida.

Kanta 106:45

Pag-alalahanun Diyus kay kasunduan sa kanda, ag dahil sa kay daka pag mahal sa kanda nagbag-u kay naisipan balaw yi niya sida parusahan.

Kanta 145:11

Itultul nida kanmu kadayawan ag kamaskihan sa kanmu maghari,

Kanta 25:11

Panginuun, una mayamu kang manga kasalanan, patawada aku, hampay madayaw kawu.

Kanta 51:11

Danga aku pagtulaka sa kanmu atubangan, ag danga pagbul-a kanmu banal pag Ispiritu sa kangku.

Pag-ighit 32:13

Alalahana duy nimu kanmu itinaratu sa kanmu manga manugsirbi sa kanda ni Abraham, ni Isaak, ag ni Hakub, kuntay kanmu payamuun kanda linahi parihu kay kayamu sa manga pamgasan sa langit, ag ipakaun nimu sa kanda lahi ti tanan kadagaan kanmu itinaratu sa kanda, bumaliw kanda yi inda hanggan aban.”

Isayas 62:6

Hirusalim, nagpauli aku manga taga bantay sa kanmu manga alad batu. Unman sida umapas sirang yabi sa pagpakaun pasandam sa manga nasakupan nimu. Kamu pag manga magdarangin sa Panginuun, danga kamu mag-apas sa kanyu magdarangin.

Hirimyas 14:19

Panginuun, ungud aw dinayu yi nimu ti Huda? Ungud aw magkagalit kawu sa Hirusalim? Hayga duy pinarusahan nimu kami kainda ga udyi kami may pag-asahan maayadan? Magsarig duy kami pakan-an nimu kahusayan, dapat unman waydi inda may rinmas-ug. Magsarig duy kami umayad ti kahamtangan nimi, dapat ay kadalaan ti rinmas-ug sa kanmi.

Hirimyas 14:7

Magkun ti manga tawu, “Panginuun nagsalan duy kami sa kanmu. Pirmi kami magpakarayu sa kanmu, nakan dapat lang kami parusahan. Dapat awati duy nimu kami, sa ikadayaw nimu ngaran.

Hirimyas 17:12

Panginuun, kanmu Balay duy ti marinu tukawan hari ginan waya kaybi.

Hirimyas 3:17

Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Karukuan 1:10

Pinanbuul kalaban ti tanan niya kasiyunan. Nakitan niya sinmaka ti balaw Israilita sa Balay Diyus, manga tawu balaw pagpasnuan Panginuun sumaka sa Balay Diyus.

Karukuan 2:20

Panginuun, bantayi kami. Isip-isipa niyu nu si unu ti pinakurianan nimu parihu kainda. Sa masyadu pag lun-us, kinaun manga ina kanda manga anak kanda pag-alagaun. Ti manughandug hanggan purupita pinanmatay sa kanmu Balay.

Isikil 20:22

Dapat unman niku inda binuwat dahil mangay-a kang ngaran sa manga nasyun nakaalam ipinalwas niku ti manga Israilita sa Ihiptu.

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Isikil 43:7

magkun sa kangku, “Anak tawu, imaw inda kang tukawan hari ag ti tarat-an niku manga lulud. Sitay aku pag mag-uli kaibahan sa manga Israilita sa unman may katapusan. Balaw yi gid mauman ipakay-a manga Israilita ngatay nida manga hari kang banal pag ngaran sa panab-anan pagsamba sa manga diyus-diyusan ngatay sa pagsamba sa manga tinawu-tawu nida manga hari nagkaramatay yi.

Danyil 9:7

“Matadlung gid kawu, Panginuun, dapat kami inda makakaray-a tugka taynguna. Katunda diman ti tanan nasakupan Huda ag Hirusalim, hanggan ti tanan Israilita winayak nimu sa ararani hanggan sa ararayu pag rugar dahil sa kanda paglabag sa kanmu.

Libitiku 26:11

Mangulian aku kaibahan niyu ag dayu niku kamu pabay-anan.

Amus 6:8

Nagsumpa ti Panginuun Diyus, ti Diyus Makamaskihan, magkun siya, “Pagkadat-an niku ti marapadayaw-dayaw pag manga linahi ni Hakub, ag pagkadat-an niku ti mapag-un pag manga bahagi nida banwa. Nakan ipakaun niku sa kalaban kanda banwa hanggan ti tanan asan.”

Lukas 1:72

Ag hampay ipakilala niya kay pangaawa sa kanta manga ginurang, ag alalahanun niya kay banal pag taratu.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Ipisu 2:7

Binwat niya inda hampay sa pararas-ugun pag kaudasan maipakakit niya kay dayu makarkula pag abunda niya mayad nabubut-un sa kanta, sa manga niusa sa kan Kiristu Hisus.

Diyuturunumiyu 32:19

Nakitan inda Panginuun, dahil sa kay pangagalit ipinurya niya sida kay manga anak.

Ipinakakit 11:2

Dapat danga dap nimu pagsukata kay manga parasyaran sa luwas Balay Diyus, dahil ipinahintulut tunda sa manga tawu unman magpasakup sa Diyus. Sulud upatpulu may duwa ka bulan kanda aban tatatataan lulud ti banal pag banwa.

1 Samwil 12:22

Balaw gid kamu pabay-anan Panginuun, dahil balaw niya gustu mangay-a kay ngaran. Pag-ikabaya gid niya kamu buwatun nasakupan niya.