Hirimyas 14:19 - Hanunuu

¹⁹ Panginuun, ungud aw dinayu yi nimu ti Huda? Ungud aw magkagalit kawu sa Hirusalim? Hayga duy pinarusahan nimu kami kainda ga udyi kami may pag-asahan maayadan? Magsarig duy kami pakan-an nimu kahusayan, dapat unman waydi inda may rinmas-ug. Magsarig duy kami umayad ti kahamtangan nimi, dapat ay kadalaan ti rinmas-ug sa kanmi.

Hirimyas 14:19 Iomraidhean Croise

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

Hub 30:26

Dapat pagka magsarig aku buwatan kaayadan, daut ngap ti binuwat sa kangku. Maghanap aku marayaw, dapat madlum ti rinmas-ug sa kangku.

Kanta 78:59

Alam Diyus inda pag binwat manga Israilita, nakan nagalit siya ag binugyahan niya sida lubus.

Kanta 89:38

Dapat, Panginuun, nagalit kawu sa kanmu pinili pag hari; pinabay-anan nimu siya ag binugyahan.

Kabagawan 29:1

Ti tawu magpaganit waya gid kay tagipusuun una pira yi ginan siya tamyawun midamhak lang rargu ag unman yi makabangun waya.

Hirimyas 12:7

“Dayuun niku kang manga nasakupan, ti magkaapu niku pag nasyun. Ipakaun niku kang pagmahalun pag manga nasakupan sa manga kalaban nida.

Hirimyas 12:8

Naglaban sida sa kangku ga liyun mag-ungal sa kapuruan. Nakan nangisug aku sa kanda.

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 15:18

Hayga duy unman magkatapus kang kakurian? Hayga unman yi mag-ayad kang manga biyag? Udyi aw duy lugud magkabulung inda? Ibuyu nimu duy aw lugud aku ga sapa magkak-at nu udas turungun?”

Hirimyas 30:12

Magkun waya ti Panginuun sa kay manga nasakupan, “Ungud dilikadu yi kanyu manga biyag ag balaw yi umayad. Udyi may makaawat ngatay makabulung sa kanyu. Udyi diman may bulung para sa kanyu.

Hirimyas 51:5

Dahil aku, ti Panginuun Diyus Makamaskihan, ti Banal pag Diyus sa Israil, balaw dinayu ti Israil ag Huda una waya punu kadautan kanda daga.

Hirimyas 6:30

Ingarnan sida, ‘Dinayu pag Galang’ dahil dinayu niku sida.”

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Hirimyas 8:15

Nag-alagad kita kahusayan, dapat unman may rinmas-ug kahusayan. Nag-alagad kita kaayadan, dapat kadalaan ti rinmas-ug.

Hirimyas 8:22

Udyi aw may bulung sa Gilyad? Udyi aw may manugbulung ati? Hayga unman mag-ayad ti biyag manga kasimanwa niku?

Karukuan 2:13

Manga nasakupan Hirusalim, unu nguna ti masabi niku sa kanyu? Sa unu niku pag-ipaparihu kanyu kakurian? Kanyu biyag ga parihu sa dagat kay kaabasad. Kabitay niku kamu mapabisug? Si unu nguna ti pumaayad sa kanyu?

Karukuan 2:22

Binan-awan nimu ti kalaban sa pagsalakay sa kang sangput bilang nagban-aw lang karan-an. Sa sirang ipinakakit nimu kanmu pangagalit, unman gid may nakapalagiw ngatay nabuhi. Pinanmatay niku kalaban kang manga anak pag-alagaan ag pinadaka.

Karukuan 4:17

Magpandululum yi kanmi manga pamantay sa kaalagad awat nimi kakampi pag manga nasyun, dapat unman gid sida nangawat sa kanmi. Magtanud kami sa kanmi manga bantayaw sa pagras-ug manga nasyun unman diman makaribri sa kanmi.

Karukuan 5:22

Masyadu yi aw kanmu pangagalit sa kanmi ag ipinurya yi gid nimu kami?

Mikas 1:12

Sa tutuu, ti manga nasakupan Marut dugay yi magpatigagad umapas ti girahan. Dapat mibuyu sida dahil ipinahintulut Panginuun makaras-ug ti manga kalaban sa puwirtahan Hirusalim.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.