Hirimyas 14:16 - Hanunuu

¹⁶ Ag tungkul waydi sa manga tawu magpasnu sa kanda pagsabihun, kanda manga bangkay ipanyamut sa manga baklayan Hirusalim. Magkaramatay sida sa gira hanggan lun-us. Unman may manlubung sa kanda, sa kanda manga asawa, hanggan manga anak. Padapatan niku sida parusa angay gid sa kanda.

Hirimyas 14:16 Iomraidhean Croise

Kabagawan 1:31

Nakan anihun niyu ti burak niyu manga pagbuwatun hanggan paggayakun daut.

Isayas 51:20

Magpanlulubay sida ag mag-iribugtang sa manga baklayan. Parihu sida sa karasyaw nasduk sa lambat. Nakalakaw sida masyadu pag pangagalit Panginuun; sinungyaw sida Diyus.

Isayas 9:16

Ti manga magtakinan sa nasakupan Israil ti manga manugdaya sa kanda, nakan magtalang ti manga nasakupan.

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 18:21

Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 20:6

Hanggan kawu, Pasur, ag kanmu buu magtal-anakan ay bihagun ag daran-un sa Babilunya. Ati kawu pag mamatay ag ilbung, hanggan ti tanan nimu manga kakilala hinulaan nimu kapudilan.”

Hirimyas 27:15

Inda ti pagsabihun Panginuun, ‘Balaw niku sinugu tunda pag manga purupita. Magbagaw sida kapudilan sa ngaran niku. Nakan nu mamasnu kamu sa kanda, palayasun niku kamu ag rurisun hanggan tunda pag manga purupita.’ ”

Hirimyas 4:18

Ti pag-ugaliun ag daut buwat niyu ti nagdara inda pagparusa sa kanyu. Inda ti kaparusahan niyu. Masakit inda! Ag lumapus sa kanyu tagipusuun.”

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Hirimyas 7:33

Ti manga bangkay niku nasakupan tindukun manga manuk ag kan-un manga maraisug pag hayup, unman may mamugaw una si unu sa kanda.

Hirimyas 8:1

Ag magkun waya ti Panginuun, “Sa ati pag udas, bul-un ginan sa kalubngan ti manga but-ul manga hari, manga takinan Huda, hanggan yi ti manga manughandug, manga purupita, ag manga nasakupan sa Hirusalim.

Hirimyas 8:2

Bag-u wayakun inda sa daga mabuladan sa init, sa rayaw bulan, ag manga pamgasan kanda pagmahalun, sinirbihan, sinunud, pinaingan-an, ag sinamba. Udyi utru tipunun ti manga but-ul nida una ilubung, nu unman wayakun yi lang sa daga ga ugat.

Hirimyas 9:20

Taynguna, kamu pag manga babayi, patingihi niyu ti pagsabihun Panginuun. Patingihi gid niyu inda kaayad. Tudlui niyu kanyu manga anak babayi hanggan kanyu kaparihu kuntay paglumi hanggan pag-amiraw.

Hirimyas 9:22

Bag-u magkun ti Panginuun, “Mawayak ti manga bangkay ga manga paruk sa tanman, ga manga butir natayakan manga manug-ani, udyi may mamunpun tunda.”

Isikil 39:14

Pagkalawuy pitu ka bulan, may manga tawu piliun bumuwat sa inda lang gid pag buruwatun: palibutun nida tunda pag rugar agud bantayan nu may bangkay waya nasawad, ag kanda inda ipalubung, hampay malimpiyuhan ti daga.

Matiyu 15:14

Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Ipinakakit 16:1

Nadnugan niku ti daka pag bagaw ginan sa sulud Balay Diyus magsugu sa pitu ka anghil magkun, “Pag-ati yi kamu, buhusan niyu sa daga ti pangagalit Diyus ginan sa basad pitu ka pinggan malukung.”