Hirimyas 14:12 - Hanunuu

¹² Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Hirimyas 14:12 Iomraidhean Croise

Hub 27:9

Mamatingi aw lugud ti Diyus sa kay maghagad awat nu ti kadalaan rumas-ug sa kanya?

Kabagawan 1:28

Bag-u manawag kamu sa kangku, dapat balaw niku kamu sagutun. Hanapun niyu aku, dapat unman niyu aku makitan.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 21:27

Pagkadat-an Panginuun ti handug manga daut pag tawu, lalu waya gid nu pag-isagda nida inda may gayak daut.

Kabagawan 28:9

Una si unu ti unman tumupad sa Kasuguan, pagkadat-an Diyus una kay darangin.

Isayas 58:3

Magkun waya sida sa kangku, ‘Balaw kami maghandum karan-unun, dapat unman diman waydi nimu pinansin. Pagpakurianan nimi kanmi sadili, dapat unman nimu pinahalgaan.’ “Kay tutuu, sa udas niyu unman maghandum karan-unun, kanyu sadili kagustuhan ti kanyu pag-isipun. Paglugihun niyu kanyu manugtarabahu.

Hirimyas 11:11

Nakan aku, ti Panginuun magsabi, mamadara aku sa kanda kaparusahan kuntay unman nida makapaiwas. Una manhagad sida awat sa kangku, balaw niku sida patingihan.

Hirimyas 11:14

“Nakan Hirimyas, danga yi kawu magdarangin para sa inda pag manga tawu. Danga yi kawu magpaawa-awa sa kangku para sa kanda, dahil balaw niku sida sagtun nu manawag sida sa kangku sa udas nida kakurian.

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 16:4

Magkaramatay sida sa mahigpit pag sakit. Unman may manhimanglaw ngatay may manlubung sa kanda manga bangkay. Mangalat kanda manga bangkay sa babaw daga ga manga ugat. May manga magkaramatay sa girahan ag lun-us, kanda manga bangkay kan-un manga manuk ag manga maraisug hayup.”

Hirimyas 21:6

Matyun niku ti tanan mag-uli sa inda pag banwa, tawu man ngatay hayup. Mamatay sida sa masyadu pag sarut.

Hirimyas 24:10

Padaran-an niku sida gira, lun-us ag sakit tugka sa mamatay sida sa daga ipinakaun niku sa kanda hanggan sa manga kagurangan nida.”

Hirimyas 32:24

Ag taynguna, pagtap-ukan daga manga taga Babilunya ti saruy alad batu Hirusalim hampay maslud ag maagaw nida ti banwa. Dahil sa girahan, lun-us, ag sakit naagaw manga taga Babilunya ti banwa angay diman sa sinabi nimu.

Hirimyas 6:20

Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Hirimyas 8:13

Lubus niku sida rurisun ag dautun ti manga burak nida ubas hanggan igus; una kay manga labung magkararubay. Kang manga ipinakaun sa kanda magkaradura.

Hirimyas 9:16

Bululagun niku sida una naan pag nasyun sa balaw nida magkakilala una manga kaumputan nida. Mamadara aku gurupu man-gira sa kanda hampay lubus sida maruris.”

Isikil 14:19

“Ngatay nangus, sa kang pangagalit padaran-an niku panakitun inda pag nasyun hampay panmatyun kay manga nasakupan ag manga hayup.

Isikil 14:21

“Sa ungud, aku, ti Panginuun Diyus, magkun kaawaawa ti Hirusalim nu ipadara yi niku inda pag upat ka mabuyat pag parusa: manga girahan, lun-us, maisug pag manga hayup, ag manga sakit — manmatay sa kay manga nasakupan hanggan manga hayup.

Isikil 8:18

Nakan masamitan nida kang pangagalit. Balaw gid niku sida kaawaan. Una manringgit waya sida mabisug sa paghagad awat sa kangku, balaw niku sida patingihan.”

Husyas 5:6

Mansagda kamu manga karanidu, manga kambing hanggan manga baka sa pagdangup sa kangku, dapat unman niyu malakawan kang kadayawan dahil binugyahan yi niku kamu.

Amus 5:21

“Pagkadat-an gid niku kanyu manga kapistahan; unman gid aku magbaya sa kanyu pagbuwatun pag tiripun.

Mikas 3:4

Sa udas parusahan kamu, manhagad kamu awat sa Panginuun, dapat balaw niya kamu awatan. Pabay-anan niya kamu dahil sa kanyu daut pag manga buwat.

Sakaryas 7:13

Dahil unman nida pinatingihan kang manga pagsabihun, unman diman niku patingihan nu manawag sida sa kangku.

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Malakyas 2:13

“Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Ipinakakit 6:8

May nakitan aku maan usa ka kabayu madapug kay bulbul. Kay ngaran ti masakyan siti Kamatayan. Ti ulian manga karadwa magdasun sa kay uryan. Pinakan-an kamaskihan ti ulian manga karadwa hanggan ti kamatayan hampay matyun nida ti ikap-at pag bahagi manga tawu sa babaw daga, matyun nida sa baladaw, sa lun-us, sa sakit hanggan sa maraisug pag manga hayup.