Hirimyas 13:27 - Hanunuu

²⁷ Nakitan niku kanyu manga binwat mayagting magsamba sa manga diyus-diyusan sa kabantudan hanggan sa karatagan. Parihu kamu sa babayi baraydan subra yi sa pangaibug, ngatay ga manga magpanguragin. Kaawaawa kamu, manga taga Hirusalim! Tugka kapira kamu mamirmaminti sa mayagting?”

Hirimyas 13:27 Iomraidhean Croise

Kanta 94:4

Sida tanan magbuwat daut masyadu magpadayaw.

Kanta 94:8

Kamu pag manga kurang sa intindi ag maganit ulu pag manga tawu, kapira waya lugud kamu pag makaintindi? Malu intindiha niyu inda:

Kabagawan 1:22

“Kamu pag manga unman may alam, tugka waya lugud kapira kamu katunda? Kamu pag manga magpuya, tugka waya lugud kapira kamu pag magbaya sa magpuya? Kamu pag manga kurang sa intindi, tugka waya lugud kapira kamu magdayu sa kadunungan?

Isayas 57:7

Magdayik kamu sa manga arabwat bantud maghandug kanyu manga handug ag ati pag mag-ululidan.

Hirimyas 11:15

Nagbuwat aduk pag kadautan kang pagmahalun pag manga nasakupan. Udyi sida may karampatan umatag sa Balay Diyus niku. Balaw maampara manga handug nida ti kaparusahan rumas-ug sa kanda. Magbaya waya sida sa pagbuwat daut.”

Hirimyas 3:6

Katpung udas kay maghari ni Usyas, magkun sa kangku ti Panginuun, “Nakitan aw nimu ti binwat maradaya pag Israil? Sinmamba siya sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Siya ga babayi magpanguragin.

Isikil 16:23

“ ‘Aku, ti Panginuun Diyus, magbagaw magkun kaawaawa gid kawu! Bukud sitay pag kadautan kanmu binwat,

Isikil 2:10

Linadlad niya inda sa kang atubangan, may surat inda manga bagaw may karukuan ag manga hirinangbitun sa sarangwan hanggan sa dayu.

Isikil 20:28

Dahil katpung dinara niku sida sa daga kang itinaratu ipakaun sa kanda, naghandug sida manga handug, manga kamangyan, ag manga irinmun sa abwat pag manga rugar ag sa maraybung pag manga kayu kanda makitan. Nakan nagalit gid aku sa kanda.

Isikil 24:12

Dapat una waya unhun nimu, ti kalawang unman gid mab-ul apuy.’

Isikil 24:13

“Hirusalim, kanmu binwat kahalayan ti nagpauring sa kanmu. Sinikap niku linisun kawu, dapat dayu kawu magpalinis. Nakan pumirmaminti kawu mauring tugka sa unman madura kang pangagalit sa kanmu.

Isikil 24:6

Dahil aku, ti Panginuun Diyus, magkun: Kaawaawa ti banwa Hirusalim, ti manga mag-ulian siyun manga manmamatay. Parihu inda sa kardiru pagkalawangun ag unman paglinisan. Nakan bul-a tig usa-usa kay sukad inda, danga magpili.

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Isikil 36:37

Magkun waya gid ti Panginuun Diyus, “Patingihan maan niku ti pagpaawa-awa nasakupan Israil, ag inda kang buwatun sa kanda: Payamuun niku sida parihu kayamu sa manga karanidu pag-isagda sa Hirusalim sa udas pista. Nakan ti nagkaradaut pag manga banwa ulianan yi mayamu manga tawu. Bag-u maalaman nida aku ti Panginuun.”

Isikil 6:13

Ag maalaman nida aku ti Panginuun nu ti manga bangkay nida manga kasimanwa mawayak kaibahan sa kanda manga diyus-diyusan sa sangput nida manga harandugan, sa manga bantud, sa tagudtud manga bantud, sa puun daraka pag manga kayu, ag sa puun maraybung pag manga kayu insina, nu naan maghandug sida kamangyan sa kanda manga diyus-diyusan.

Husyas 1:2

Inda ti ka bag-u sinabi Panginuun sa kan Husyas: “Pag-asawa kawu babayi magpanguragin, ag kanyu manga anak kilalan-un anak babayi uragin. Dahil inda ti mustara magpanguragin niku nasakupan sa panab-anan nida pagpatlikud sa Panginuun hanggan pagsamba sa manga diyus-diyusan.”

Husyas 4:2

Bagkus ngap, daut kanyu pagbuwatun tabug sa iba, magpamudil, magpanmatay, magpanakaw ag magpanguragin. Nibarita yi inda una naan, ag dasun-dasun ti magmaratyan.

Husyas 8:5

Pagdayuun niku ti diyus-diyusan baka manga taga Samarya. Magsiklab kang galit sa kanda. Kapira waya nguna sida pag mangabuhi malumpiyu?

Sipanyas 3:1

Magkun si Sipanyas, “Kaawaawa ti Hirusalim! Ti manga nasakupan niya manuglaban sa Diyus ag magbuwat mayagting pag manga bagay. Kay manga takinan maihid-ihid.

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.

2 Kurintu 12:21

Magkadala aku nu asan tabug maan, barang pakay-ahun aku niku Diyus sa kanyu atubangan. Nu katunda kang gid ikalumi ti kayagtingan, ti panguragin hanggan kahalayan udwaya ipinatawad unman diman waya iinampu.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Santiyagu 4:4

Unman duy kamu makatiwalaan. Unman aw waya niyu alam nu kanyu pagmahalun ti ugali kalibutan, kamu kalaban yi ngap Diyus. Nakan una hintay ti may gustu magmahal sa ugali kalibutan, kalaban yi ngap siya Diyus.

Ipinakakit 8:13

Bag-u nakitan niku ti usa ka agila maglayang sa tungud. Nadnugan niku siya nagbagaw daka magkun, “Masyadu yi lang madala ti malakawan tanan tawu magkabuhi sa babaw daga sa tunug manga budyung nu uypun tulu waya ka anghil.”