Hirimyas 13:23 - Hanunuu

²³ Mailisan aw tawu mabiru kay kulay niya lukub? Mab-ul aw liyupardu kay riruk sa kay bilug? Unman gid! Katunda diman kamu pag manga taga Hirusalim, balaw kamu makabuwat mayad dahil ugali yi niyu ti magbuwat daut.

Hirimyas 13:23 Iomraidhean Croise

2 Hari 17:40

Dapat tunda pag manga tawu unman namatingi sa Panginuun, nu unman naparargu di sida sa pagbuwat kanda daan manga kinaugalian.

Kabagawan 27:22

Una waya bayuhun nimu ga paray ti unman may intindi pag tawu, balaw gid nimu mab-ul kay pagkabuang-buang.

Manugtudlu 1:15

Ti liku unman nimu matul-id, ag balaw nimu mabilang ti unman.

Isayas 1:5

Manga taga Israil, hayga parargu kanyu maglaban? Magkaibug aw waya lugud kamu parusahan? Ga tawu kamu lunsay biyag kay ulu ag punu kakurian kay tagipusuun.

Hirimyas 17:9

“Ti tagipusuun tawu madaya subra sa tanan, ag lubus gid daut; si unu ti makaalam inda?

Hirimyas 2:22

Una marigus kamu ag manpakasabun, makitan diman niku ti uring manga kasalanan niyu. Aku, ti Panginuun Diyus ti magsabi inda.

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 5:3

Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Hirimyas 9:5

Ti kada usa magdaya sa kay kaparihu, unman una di usa ti magbagaw katutuuhanan. Naanad yi magpudil kanda dila, pagbudlayun nida kanda sadili sa pagbuwat kasalanan.

1 Samwil 19:21

Pagka nasaydan ni Saul ti nangyari, namadara maan gid siya manga tawuhan hampay dakpun si Dabid. Dapat igu ati sida, katida diman hanggan kanda binwat, nagtultul diman sida Bagaw Diyus. Namadara maan gid si Saul kay manga tawuhan sa ikatlu bisis dapat katida diman gid ti nangyari sa kanda.